جزيرة الضباب الفصل 5
#جزيره_الضباب
جزيره الضباب ( الجزء الخامس )
هذه الروايه من وحى خيال المؤلف .
اذكر الله وصلى على الحبيب وادعوا لاخوانكم بغزه وكل بلاد المسلمين.
كان الامر بالظبط كما حدث على الشاطيء من قبل ، اللى كان بيقرب اشخاص يحملون قناديل للاضاءه ، ولكن هذه المره لم يكن العمده وشيخ الغفر مثل المره السابقه ، انما كان شخص اخر لا يتصوره احد ، كان شيخ الصيادين ومعه بعض الصيادين ، ايوه كان عبود شيخ الصيادين .
عبود قال للرجاله اللى معاه : يلا يا رجاله خرجوا الچثه بسرعه .
رد عليه واحد من الصيادين : حاضر .
نادر : لازم اعرف كل حاجه ، عاوز اعرف ليه بناخد الچثث وبنعمل بيها ايه ؟
عبود : خلاص اصبر وهحكيلك .
وبص عبود للرجاله وقالهم : يلا شهلوا شويه يا رجاله .
فعلا خرجت الرجاله الچثه ، وطلب عبود منهم يخدوا الچثه وقالهم : خدوها وانتم عرفين هتعملوا ايه .
ومشيت كل الرجاله ، وسعتها عبود قال لابنه نادر : هحكيلك يا نادر بس خد بالك سعتها مفيش تراجع .
نادر : متقلقش يا والدى ، احكى انا سمعك .
عبود : قبل ما احكيلك احنا بنعمل ايه بالچثث ديه لازم احكيلك الحكايه من الاول .
من سنين كتير كان حالنا غير دلوقتى ، من ايام جدك وكانت الحاله صعبه اوى ، السمك كان شاحح مش بيقرب من الجزيره ، كانوا بيطلعوا يصطادوا طول النهار ومكنوش بيرجعوا غير بسمك قليل اوى ميكملش اكلهم حتى ، وساعات كانوا بيرجعوا من غير سمك خالص .
الموضوع ده استمر سنين ، وكانت فى لعنه الخروج من الجزيره يرجع مېت ، وكمان ظهرت لعنه سعتها تانيه علامه الډم على البيوت اللى كان بېموت من البيت اللى بيتحط عليه العلامه منها فرد على الاقل .
سعتها ظهر راجل غريب فى الجزيره ، وهو فعلا اسمه غريب واشترى معظم الاراضى الزرعيه ، واقترح على جدك اقتراح يخليه يلاقى سمك كتير وخير ملهوش اخر .
نادر : انت تقصد المعلم غريب اللى موجود دلوقتى ؟
عبود : ايوه هو .
نادر : ليه هو عايش من ايام جدى ؟ هو عنده كام سنه ؟
عبود : معرفش بس الراجل ده عنده اعشاب بتخليه يحافظ على صحته .
المهم نرجع لمرجعنا ، المعلم غريب اقترح على جدك يديله حاجه زى بودره معموله من نباتات هو بيزرعها يخلطها فى لحمه متقطعه لقطع صغيره اوى ، ويرميها فى البحر سعتها السمك هيجلها من كل مكان علشان يكلها ، ممكن يكون فيها ريحه بتشد السمك ليها ، المهم ان كلام الراجل ده صدق ، بس كان عنده شرط واحد لنجاح الموضوع ان اللحمه دى تكون من لحم انسان ماينفعش لحم حيوان او لحم سمك حتى .
