الغول

الغول
روايه الغول الجزء الاول 
اذكر الله وصل على الحبيب وادعو لاخوانكم بفلسطين وكل بلاد المسلمين .
احلى ايام ممكن تعشها هى ايام الجامعه بتبقى مابتخفش من اى حاجه شباب بقى ومفيش مسئوليه عليك وطبعا بتعيش قصص حبك وانت فيها علشان كده قصتنا هتبتدى من الجامعه ندخل الجمعه ونروح لاهم مكان فيها كافتريا الجامعه علشان نسمع حكاوى الشباب هناك .
هنلاقى مجموعه من الشباب والبنات قعدين وكل واحد جاى من مكان مختلف وهنشوف واحد منهم يقول حد فاكر قصه الغول اللى ظهر من خمس سنين 
فجاوبته زميلته وهى بتضحك هو فى حاجه اسمها الغول 
فرد الشاب وقال دا واحد كان اسمه الغول بيقولو ظهر فى مدينه وكون عصابه كبيره وبيقولوا مكنش فى حد يقدر عليه وبيقتل ويسرق ويغتصب وكل حاجه عملها لغايه ما البوليس قدر ېقتله ويخلص الناس من شروره .
جنب الشله دى كان فى بنت قاعده لوحدها ولما سمعت كلام الشاب ده فضلت تضحك وبصتلهم وقالتلهم انا كنت عيشه فى المدينه اللى ظهر فيها الغول وقامت البنت دى وقعدت مع الشله وقالتلهم انا اسمى حبيبه على وهحكلكم حكايه الغول الحقيقيه .
الكل كان مستمع للى بتقوله حبيبه هى قعدت وقالت المكان اللى كنت عيشه فيه زى اى مكان عادى فيه ناس كويسه وفيه ناس عوزه الحړق لغايه ما ظهر واحد اسمه الغول .
الغول ده طبعا اسمه يقوله انه واحد شرير بس الحقيقه الغول كان ميزان العدل فى المدينه عمره ما افتره على حد كان بيساعد المظلمين ويرجع حقهم من الظلمه .
اى حد كان بيتعرض لظلم بيستنجد بالغول وهو عمره ما كسف حد علشان كده ناس كتير سعدوه واشتغلوا معاه وبقى معاه اكتر من خمسين راجل حوليه بيسعدوه .
الغول ده كان راجل قوى ممكن يضرب خمس رجاله لوحده بس مكنش حد يعرف شكله خالص غير رجالته المخلصين بس .
 فاتكلم واحد من الشله وسأل حبيبه وقالها هو فعلا اټقتل الغول ده 
حبيبه محدش يعرف هو فجأه اختفى البوليس عرف يعمله كمين وقتل ناس كتير من رجاله الغول وبين يوم وليله اختفى الغول ورجالته .
حتى احنا لما اتبهدله حاله المدينه ورجعت اسوء من الاول ورجع السرقه والنهب والبلطجه مشينا من بلدنا وجينا نعيش هنا انا عرفه ان الناس بتسمع حكاوى كتيره على الغوله بس كلها غلط الغول كان غول على الظالم بس .
تبسمت حبيبه وقامت من مكنها وقالت للشله هقوم انا بقى كفايه كلام وحش عن الغول حرام نظلمه لو اتكلمتم عنه يبقى قولوا الحقيقه اللى انا قولتهلكم .
مشيت حبيبه وكملت محاضرتها ولما خلصت الجامعه روحت بتها بس لازم نتعررررف على عيله حبيبه .
ابوها اسمه على راجل طيب مابيحبش المشاكل من ساعه ما اتنقل للمكان اللى ساكن فيه مع عيلته محدش سمع عنه حاجه وحشه غلبان وفى حاله وبيتنازل عن حقه لو حد جه عليه عنده بنت وهى حبيبه وولد لسه صغير عنده حوالى 12 سنه اسمه كريم .
مرات على ماټت وهى بتولد كريم ابنها ومن سعتها على متجوزش وعاش لبنته وابنه هو شغال سواق تاكسى طول النهار شغال على التاكسى علشان يكفى طلبات بيته .
ام على الست كريمه هى اللى