قصه توتا والقطه

قصة توتا والقطة
سن٦_١٢ ٣٦
كان في بيت كبير ساكن فيه عيلة جميلة وسعيدة 
كل يوم العيلة دي بتتجمع وتقعد تعمل حاجات جديدة
في البيت ده كان في بنوتة اسمها توتا وكانت لطيفة 
دايما تصحى بدري وتحضر لعيلتها مفاجأة جميلة
مرة تقطف لهم ورد من الجنينة ومرة تحضر ساندويتشات 
وتجري تصحي كل العيلة ويقضوا سوا أجمل الأوقات
توتا كانت بنوتة هادية جدا وعندها حاجات حلو بتميزها
زي إنها مبتزعلش حد منها أبدا وبتحاول تسعد كل عيلتها
وفي يوم توتا خرجت تلعب في الحديقة ولقت قطة صغيرة 
القطة كانت عمالة تنونو بصوت عالي وشكلها خاېفة
توتا كانت پتخاف جدا من القطط ومش بتحب تقرب منهم أبدا
لكن القطة صعبت عليها وفكرت إزاي تساعدها زي ما بتعمل دايما
راحت توتا لأوضة أخوها وصحته عشان ينزل يساعدها 
وفعلا راح أخوها معاها للجنينة يشوف القطة وإيه حكايتها
لكن لما أخوها قرب من القطة خاڤت جدا وعورت إيده 
أخو توتا إتضايق وقعد يعيط وقال لتوتا إنها السبب في اللي حصله
توتا راحت بسرعة صحت باباها وقالتله على كل الحكاية
وبعدها أخوها اضطر ياخد حقنة أحسن القطة تكون عيانة
يوم والتاني وأخو توتا كان زعلان ومتضايق منها جدا 
ومبقاش يتكلم معاها مع إن توتا مكانتش تقصد تأذيه أبدا
توتا كانت متضايقة ومبقتش سعيدة خالص زي عادتها 
ولما ماما عرفت الحكاية ندهت على أخوها وندهتها
وقالت لأخوها مينفعش يزعل من أخته على حاجة حصلتله 
لأنها مكانتش عارفة إنه هيتعور لما شافت القطة وندهته
وإن توتا كانت بتحاول تعمل خير ولكن نتيجته مكانتش متوقعة 
وده ميخليهاش تفكر إنها تبطل تعمل حاجات كويسة
وقالت لأخوها مينفعش يلوم حد على حاجة حصلت ڠصب عنه 
وإنه لازم يتعلم لما يتعرض لموقف جديد يسأل حد أكبر منه
وقالتلهم إن الموقف ده محدش فيهم كان فيه غلطان 
ولكنه درس يتعلموا منه يعملوا الخير ولكن برده يفضلوا في أمان
توتا وأخوها اتصالحوا وعرفوا إنهم مينفعش من بعض يكونوا زعلانين 
بالعكس حبهم للخير ومساعدتهم لبعض حاجة تخليهم بنفسهم فخورين