ليتها تبقي البارت الاول بقلم آلاء محمد حصريه وجديده
ليتها تبقي البارت الاول بقلم آلاء محمد حصريه وجديده
+ صباح يا الخير يا شهد .. وحشتيني اوي ...
: صباح النور ، عن اذنك...
+ استني بس في إيه؟؟ انا حاسه انك بتتهربي مني...
: بصي بقاا بصراحه انا لازم ابعد عنك ، مش هينفع اكمل معاكي..
+ طيب ليه ، انا عملت حاجه زعلتك؟!!
قالت بكل قسوه : لا بس مش هينفع ، خطيبي منعني اني اتكلم معاكي او اشوفك هو رأيه انك مش مناسبه لياا عشان اصاحبك....
+ مش مناسبه ازاي يعني !! وانتي رأيك ايه؟؟
: انا اسفه انا مش هقدر اكسر كلام خطيبي او أقوله لا ، ده هيبقي جوزي ولازم اسمع كلامه.....
+ طيب يا شهد .. بس وحياه ال 15 سنه اللي بينا هتندمي ، وانتي عرفاني محلفش بالسنين الا وكلامي بيطلع صح ، خلي بالك علي نفسك....
سابت صحبتها ومشيت ودموعها باينه اوووي في عنيها بس مش راضيه تنزل ، متحجرة زي قلب صحبتها ، بس قلبها كان ۏجعها اوي .. بتتنفس پعنف والحزن كان غالب وشهاا ، كانت حرفيا حاسه بالخيانه ، صاحبتها الوحيدة ، صديقه عمرها ، اللي قضت معاها أجمل ايام حياتها تسبها كده ، معقوله الناس بقت قاسيه بالشكل ده ، هي ازاي قدرت تنسي الأيام اللي عشوها مع بعض ، ازاي قدرت تنسي كل حاجه بينهم بسهولة كده ، بس قررت إنها خلاص بقااا ، اللي بعها هتبيعه وهتنسي كل شيء ، هي أصلا قويه وياما عدت بحاجات تهد جبال ، ياما عدت بأيام صعبه وشديده بس خرجت منها أقوى و أقوى......
عدت سنين كتير ، كتير اووي ، 10 سنين ... بقت فيهم اشهر محامية في البلد ، في يوم جتلها ست كبيرة بتشتكي من مشاكل في حياه بنتها وان بنتها ف المستشفي....
هي: طيب وده حصل ازاي حضرتك.....
الام: جوزها من ساعه ما اتجوزوا وكل يوم يضربها ويبهدلها ويعمل فيها العجايب وهي ساكته وبتقول يمكن يتغير بس مش بيتغير يا بنتي ده وكل يوم بيزيد ف الغلط والبت بالشكل ده هتروح مني......
هي: طيب حضرتك عايزه ايه ، يعني اقصد ايه طلباتك...
الام: عايزاه يطلقها ، بس مش راضي ف جايه عشان ارفع خلع.....
هي : طيب كانت بتروح مستشفى مثلا ولا عيادة دكتور ..
الأم: لا مستشفي .. الدكاترة كانوا بيقولوا نعمل محضر بس بنتي مكنتش بترضي..
هي : طيب هو علاقته ايه بجيرانه ؟!
الأم: معرفش والله بس اللي اعرفه انه عامل مشاكل مع كوب الارض .. ف شغله .. مع أهله .. ف اكيد علاقته مش كويسه مع جيرانه..
هي : امممم اكيد حد منهم مره سمعوا وهو بيضربها او بېعنفها وممكن يشهد ف المحكمه بده .. عموما اديني عنوان المستشفي ، وانا هروح اتفاهم مع الدكتور واخد تقرير طبي ، وده هيساعدنا ان الخلع يحصل من اول جلسة وكمان عايزه توكيل منها....
الام: طيب يا بنتي ، بس ممكن اعرف يعني حضرتك هتاخدي كااام.......
هي: سيبك بس من الكلام ده يا أمي ، الحاجات دي شكليات خلينا بس نمشي ف الإجراءات بتاعتنا وبإذن الله ربنا يخلصها منه علي خير.....
الام: ربنا يخليكي يا بنتي ويسترك..
وعدت اياام وراحت المستشفي عشان تاخد التقرير الطبي وتشوف الموكله، وخلصت شغلها و ماشيه في طرقه المستشفى ، عدت علي قسم الأمراض النفسيه والعصبيه ، لمحت من الشباك حاجه غريبه صډمتها ..
يتبع
