ليتها_تبقي البارت التالت بقلم آلاء محمد حصريه وجديده

ليتها_تبقي البارت التالت بقلم آلاء محمد حصريه وجديده 
خرجت من المستشفي وركبت عربيتهاا ومسحت دموعها .. ومسكت الفون واتصلت بحد..
الو .. انا عايزة باسبور و بطاقه مضروبين...
خير يا استاذه .. عيزاهم ليه!!
قالت پحده ملكش دعوة هتعمل اللي بقولك عليه ولا اروح لغيرك..
خلاص يا استاذه ميبقاش طبعك حامي كده .. عيزاهم ف خلال قد ايه!
بكره الصبح يكونوا عندي .. هبعتلك الاسم وكل المعلومات اللي هتحتاجها و الست اللي هتجبلي الظرف هتمشي ومعاها ظرف فيه 10 000 جنيه ... والشغلانه دي بالذات تنساها خالص وتنسي اني كلمتك فيها .. سامع..
قفلت الفون وراحت مكتبها مشت كل الموظفين وعملت كوبايه نسكافيه وبدأت تدور ف حياته .. محمد عبدالرحمن المصري .. أهله ناس من صفوة المجتمع عندهم اراضي وشركات وسلسله مطاعم .. مكنش صعب عليه خالص يرميها ف مستشفي ويهددها لو فتحت بوقها .. بس يا ترا شوفتي ايه يا شهد رعبه للدرجادي وخلاه ېخاف تتكلمي ويحدد إقامتك ف مستشفي .. مفيش اي صورة ليه ع السوشيال ميديا مع بنته .. وف كل المقابلات الصحفيه محدش سأله عنها اصلا .. ده معناه أن محدش يعرف أن عنده بنت أساسا !!!! حياته بين القاهرة و نيويورك و اليونان بس بيسافر سينا شهرين ف السنه وكل صوره ع الانستجرام سيلفي ده معناه أن محدش بيكون معاه هناك عشان يصوره .. مراته دايما معاه في كل سفرياته الا سفريه سينا !! تاريخ جوازه منها مش معروف بس هو أعلن عن العلاقه وعمل فرح ف 2018 .. قفلت اللاب ومسكت الفون واتصلت بحد...
بت يا اية .. وحشتيني ..
اهلا بالمحامية الكبيرة ..وانتي كمان وحشتيني والله .. ايه فينك..
موجوده.. المهم عيزاكي ف شغل..
وانا جاهزة .. قوليلي!
الراجل اللي اسمه محمد عبدالرحمن المصري .. عرفاه!
الا عرفاه هو فيه حد ميعرفوش .. ده من اغني الناس ف الوطن العربي يا بنتي..
هو انتوا تعرفوا أن عندو بنت
عنده ايه !!!! لا طبعا ... انتي