حدوته تنين القريه
حدوتة تنين القرية
الجزء الثاني
#سن٣_٦
#سن٦_١٢
قرر سيف بعدها يحكي لمامته على اللي حصله فوق الجبل يومها
ولما سمعت الحكاية اتخضت جدًا وعاتبته إنه مسمعش كلامها
ولكنه أقنعها إن الحراس حابسين التنين وهو طيب جدًا
وإنهم بيقولوا عليه شرير لإنهم رابطينه وخايفين منه دايمًا
ولكنه لما شاف سيف معملوش حاجة وكان قاعد زعلان
وطلب منها تتكلم مع أهل القرية ويرجعوه في القرية زي زمان
مامته قررت تروح الأول معاه لفوق الجبل وتشوف بنفسها
وفعلًا طلعوا الجبل هي وسيف عشان يشوفوا التنين يومها
ولما شافته وعرفت منه الحكاية صعب جدًا عليها
واتفقت معاه إنها تكلم أهل القرية وتحاول تساعده بكل قوتها
تاني يوم راحت مامته لشيخ كبير ساكن معاهم في القرية
وحكتله الحكاية وقالتله إنها محتاجة منه مساعدة
وقالتله على قصة التنين وإن الحراس هما اللي حابسينه وربطوه
وإنهم مش عاوزينه يعيش معاهم ولا حتى عاوزينه يمشي ويسيبوه
الشيخ قالها إنه هيساعدهم وهيروح يتكلم مع حاكم القرية
وطلب منهم يروحوا معاه عشان يحكوله هما كل الحكاية
ولما حكوا للحاكم القصة كلها، قالهم إن الجبل ده مكان خطېر
وإن حراسه مش بيسمحوا لحد يطلعه عشان فيه مخاطر كتير
ولكن مامت سيف قالتله إنها بنفسها شافت التنين وكلمته
وإنها شايفه إنه مش هيأذيهم أبدًا وإنها وعدته إنها تساعده
الحاكم كان حيران مش عارف يصدق كلامهم ولا كلام حراسه
وطلب من كبير الحراس يروح معاه الجبل عشان يتأكد من كلامه
ولكن كبير الحراس ارتبك جدًا وقاله إن الجبل مكان خطېر جدًا
وإنه لو طلع هناك ميضمنش إيه الخطړ اللي ممكن يتعرضله أبدًا
الحاكم وقتها شك في الحارس وقاله إنه مصمم يروح هناك
وطلب منه يجيب باقي الحراس معاهم وكان الحارس مليان بالارتباك
ولما طلعوا الجبل اكتشف الحاكم فعلًا إن التنين مش خطېر أبدًا
وإن الحراس حابسينه عشان لما وصلوا القرية اتعاملوا معاه بقسۏة جدًا
وبعدها كانوا خايفين يفكوا القيود أحسن ينتقم منهم ويأذيهم
وبقوا يمنعوا أي حد يطلع الجبل عشان محدش يعرف سرهم
الحاكم قرر يفك التنين ولكن بشرط إنه ميأذيش حد من حراسه
وقاله إنه يقدر يعيش معاهم ولكن يحافظ على وعده
التنين وافق وفعلًا فكوه، وشكر سيف على مساعدته له يومها
ولما نزل القرية الناس عرفت قصته وبقوا يحبوه من وقتها
واتعلم سيف ساعتها إنه يدور على الحقيقة ويظهرها
وميخافش طول ما معاه الحق، ومش أي حاجة يصدقها
وبقى سيف والتنين أصحاب دايمًا والتنين بقى حارس للقرية
وأهل القرية كلهم بقوا بيعاملوه كويس وعايشين معاه في سعادة
