حدوته تنين القريه

حدوتة تنين القرية 
الجزء الأول

#سن٣_٦ 
#سن٦_١٢

كان في قرية كبيرة ساكن فيها ناس كتير طيبين 
كل الأطفال فيها بيلعبوا مع بعض وعلطول مبسوطين

أهل القرية كانوا دايمًا يحذروا الأطفال من جبل على أطرافها 
وبيقولولهم إنه مكان خطړ وفيه مخاطر محدش يحاول يشوفها

وكل يوم كان أهل القرية بيتطمنوا إن الأطفال كلهم موجودين 
وإن محدش منهم راح عند الجبل، وبيكونوا عليهم متطمنين

وفي يوم كان عيد ميلاد ولد اسمه سيف، وكان مبسوط يومها 
أصحابه احتفلوا بيه وجابوله بالونة كبيرة ولعب كان نفسه فيها

سيف قعد يلعب مع أصحابه ولكن البالونة طارت منه 
وراحت ناحية الجبل وقعد يجري وراها عشان يرجعها لبيته

ولما قرب من الجبل أصحابه خافوا كلهم ورجعوا 
ولكنه مكانش عاوز يضيع البلونة وطلع على الجبل لوحده

وهناك شاف حاجة أول مرة يشوفها وكان مخضوض جدًا
شاف تنين كبير، وعرف إن ده اللي أهل القرية بيحذروا منه دايمًا

سيف كان خاېف ومصډوم ومش عارف يتحرك من مكانه 
وكان باصص على التنين مش عارف هو ممكن يعمله إيه

ولكن التنين لما شاف سيف واقف، متحركش هو كمان من مكانه 
وكان شكله زعلان جدًا وسيف كان مستغرب من رد فعله

التنين بص لسيف وقاله متخافش أنا مش هأذيك 
خد البالونة بتاعتك وارجع عشان أهلك هيقلقوا عليك

سيف استغرب من التنين وسأله هو ليه زعلان وقاعد لوحده؟ 
قاله إن أهل القرية حابسينه ومش بيخلوه ينزل القرية بتاعته

مع إن هو كان موجود في القرية دي قبل ما ييجي فيها سكان 
ولما سكانها وصلوا كانوا خايفين منه والحراس حبسوه هنا في المكان

سيف لقى التنين مربوط من رجله ومش عارف يمشي أبدًا 
التنين قاله إن دي أول مرة يشوف طفل، وإن الحراس بس اللي بييجوا دايمًا

سيف دور على أكل وحطه للتنين وسابه وروح على بيته 
وكان عمال يفكر ازاي يساعده ويخليه يرجع يعيش في قريته