رواية المعلم وزوجته ومراته البارت الاول والتاني والتالت والرابع والخامس والسادس بقلم أماني سيد حصريه وجديده
رواية المعلم وزوجته ومراته البارت الاول والتاني والتالت والرابع والخامس والسادس بقلم أماني سيد حصريه وجديده
يا معلمه يا معلمه الحقى يا معلمه
دهبيه : ايه ياد يا حمص فى ايه مالك داخل زى القطر
حمص : المعلم زيدان يا معلمه
دهبيه بخضه : ماله يا واد انطق
حمص : بيتجوز عليكى يا معلمه
دهبيه : أيه اللى بتقوله ده ياد بيتجوز مين
حمص : زينب بنت مرات ابوكى الله يرحمه يا معلمه وكتب كتابهم دلوقتي في بيت ابوكى الله يرحمه
دهبيه : بص يا واد يا حمص وطأطالى ودانك كويس واعمل اللى هقولك عليه
حمص: اوامرك يا معمله انا لحم كتافى من خيرك انتى وابوكى الحاج غانم الله يرحمه
دهبيه : عيزاك تروح كتب الكتاب من غير ما حد يحس بيك تصورلى فديو حلو كده يكونوا فيه باينين وتصورلى كمان الناس اللى حاضرة كتب الكتاب وتاخدلى كام صوره حلوه كده ليهم من هناك سامع يا حمص
حمص : اوامرك يا معلمه حمامه
هياتم: زغرطوا يا بنات دا انهاردة يوم الهنا يوم المنى
زيدان: اهدى شويه يا هياتم مبحبش الدوشه واحنا من الاول متفقين بس انتى بداتى خالفى الاتفاق اهو من دلوقتي وعازمه ناس ياما وممكن حد يرمى كلمه توصل لدهبيه
هياتم بمسكنه : بنتى يا معلم ونفسي افرح بيها وان شاء الله نفرح اكتر لما تجيب لك ولي العهد
زيدان: ما حدش عارف الخير فين يا هياتم امال فين العروسه ما خرجتش لحد دلوقتي ليه
هياتم : في اوضتها يا معلم عروسه بقى ومكسوفه وكده
زيدان: طيب ادخلي ناديها يلا عشان نكتب الكتاب
هياتم : انت تؤمر امر يا سيدي المعلمين
زينب بنت يا زينه خلصتى ولا لسه
زينب : ايوه ياما خلصت اهو
هياتم : بسم الله ما شاء الله بسم الله ما شاء الله عليك قمر يا حبيبه امك
زينب: بجد ياما يعني هعجبه
هياتم : تعجبيه بس ده انت هتاكلي عقله اكتر ما انتى واكله
زينب: مين كان يصدق ياما ان ذهبيه تبقى ضرتي
هياتم: طيب اتجدعنى انت يلا اوام اوام بس وهاتي له العيل اللي نفسه فيه عشان ساعتها دهبيه تعرف وټموت بقهرتها
زينب: اه ياما يا سلام نفسي اشوف منظرها لما تعرف ان المعلم زيدان على السن ورمح اللي كانت طالعه بيه السما والمعلم زيدان راح المعلم زيدان جه بقى جوزى وهيا بقت ضرتى
هياتم : طيب احلمي بعدين ويلا دلوقتي عشان نلحق نحقق الحلم ونخرج نكتب الكتاب
تم كتب الكتاب وتعالج الزغاريد داخل منزل الحاج غانم والد دهبيع يقال الماذون الجمله الشهيره بارك الله لكما وبارك عليكما وجمع بينكما في
خير في الجهه الاخرى
حمص : اتفضلي يا معلمه الصور اعى والفيديوهات كمان زى ماطلبتى بالظبط
دهبيه : جدع ياد يا حمص خد دول مكافأة ليك وحسك عينك حد يعرف انى عرفت حاجه او إن المعلم اتجوز عليا سامع يا حمص
حمص : اوامرك يا معلمه اللي صحيح ايه اللي نزلك النهارده مش بعاده يعني انزلي المذبح في نص الاسبوع
دهبيه : نصيب يا ولا عشان اعرف اللي بيحصل من ورايا روح انت يا حمص شوف شغلك
بقى كده يا زيدان دي اخرتها هانت عليك العشره من بين كل الناس مالاقتش غير زينب بنت مرات ابويا اللي حاولت تاكل ورثى و تقوم ابويا عليا بس ملحوقه وحياه العشره اللي بينا يا زيدان لاوريكم كيد النسا على اصوله وهعرفك مين هي المعلمه دهبيه شكلك نسيت
اتصلت دهبيه على زيدان
زيدان: الو يا دهبيه ازيك فى حاجة
دهبيه : الحمد لله يا زيدان ألا انت فين صحيح
زيدان بتوتر : فى المد. بح يا دهبيه هكون فين ليه السؤال ده مش بعاده يعني
دهبيه : اصلي موجوده فى المد. بح وملاقتكش هناك فقلت اعرف انت فين واجيلك يمكن روحت
زيدان: لا انا بمر كده على السوق بطقس على الاخبار والاسعار خليكى عندك انا جايلك دلوقتي
زينب : ايه يا معلم رايح فين
زيدان: انا لازم امشي دلوقتي
زينب : ازاي بس ده النهارده طفلتنا وكب كتابنا وانت كنت قايل لي انك هبات معايا ينفع كده
زيدان: معلش يا زينب ظروف ولازم امشي استحملي
زينب : ظروف ولا دهبيه
زيدان: كلام ايه ده يا زينب طريقه الكلام دي ما تنفعش معايا احنا لسه في اولها يا بنت الناس
هياتم: ما تقصدش يا معلم هي عروسه وصعبانه عليها نفسها ان يوم في يوم كتب كتابها جوزها يسبها ويمشي ويروح عند مراته القديمه
زيدان: خليها تهدى كده وانا هعوضها بسفريه يلا فوتكم بعافيه
هياتم : الله يعافيك يا معلم
وبصت لبنتها ايه مش عارفه تقفلي بقك ده شويه هتضيعي كل اللي بنخطتله بغبائك ده
زينب : انت ما شفتيش اول لما كلمته جري ازاي
هياتم يا بنت يا عبيطه ذهبيه مش سهله خليكي اذكى منها المعلم بصلك ليه عشان حاسس انك ضعيفه وغلبانه عكس دهبيه اللى عنيها قويه خليكي كده محسساه معاكي بالمسؤوليه و لما يتقفل عليكم باب واحد كلي بعقله حلاوه ونسيه دهبيه واللي خلفوا ذهبيه وهو المعلم لو مكنش حبك كان هيغامر ويتجوزك على دهبيه وانتى عارفه دهبيه وضعها ايه فى السوق
زينب : عندك حق يا أما
فى السوق.
دهبيه : ايه التاخير ده كله يا معلم
زيدان : معلش يا دهبيه عندي شغل وكنت بخلصه مش عوايدك يعني تيجي للمد. بح النهارده ما عرفتنيش ليه انك جايه
دهبيه : بقى لي ياما ما شفتكش قلت اعمل لك مفاجاه واقعد معاك شويه اصل انا ما بقتش عارفه اتلم عليك
زيدان: معلش يا دهبيه حقك عليا بس انتى عارفه الشغل
دهبيه : اه طبعا ربنا يعينك عشان كده بقى انا جبتك النهارده عايز تراضيني
زيدان: طبعا يا دهبيه امري لله شوفي اللي انت عايزاه ايه ويكون عندك
دهبيه : الامر لله عايزاك يا سيدى المعلمين تاخدنى تخرجنى تودينى سينما وتغدينى فى مكان حلو كده وتجبلى حتتين صيغه حلوين هديه بقاله كتير ماهدتنيش بدهب دانا حتى اسمى دهب يه
زيدان: بس يا دهبيه انا مشغول النهارده وكنت هبات بره كمان
دهبيه بصلته جامد واخدت شنطتها واتحركت على باب المحل وهى زعلانه. براحتك يا معلم براحتك خالص انا ماشيه معطلكش بقى
زيدان: خلاص يا دهبيه خلاص ما اقدرش على زعلك ناجل الشغل النهارده يا ستي عشان خاطرك احنا عندنا كام دهبيه يلا بينا
خرج زيدان ودهبيه وعمللها كل اللي هي عايزاه وتصوروا صور كثير ذهبيه اخذت صوره من الصور وحطيتها صوره بروفايل ليها وليه والصورتين شبه بعض
روحوا بيتهم بالليل واستنى لما ذهبيه نامت وراح يتصل بزينب عشان يراضيها ودهبيه عملت نفسها نايمه عشان تشوفه هيعمل ايه
زيدان : الو يا زينب
زينب بشحتفه : يفرق معاك يا معلم عامله ايه وانهارده جوازنا وبدل ماتعد معايا تخرجنى روحت لمراتك القديمه انت عارف احساسى ايه ولا شكلى ايه قدام الناس
زيدان : معلش حقك عليا يا زوبه هعوضهالك يا بت بسفريه حلوه
زينب : زيدان هو انت بتحبنى
زيدان: طبعا يا بت بحبك امال اتجوزتك ليه وانتى عارفه محدش يقدر يجبرنى على حاجه ومش بعمل حاجه غير لو عايزها
زينب : امال مش عايز تقول لدهبيه ليه
زيدان: مش دلوقتي يا زينب انا مش جبان عشان اتخلى عنها وما انفذ وصيه المرحوم ابوها الله يرحمه بعد اللي عملوا معايا اه انا ما بقتش احبها زي الاول بس بينا عشره ما اقدرش اسيبها لوحدها خصوصا انها لا عيل ولا تيل ولا عيله
كل الكلام ده اتقال ودهبيه واقفه وراه وسمعاه ودموعها على خدها
الفصل الثاني
سمعت دهبيه كلام زيدان عنها واټصدمت انه بطل يحبها ومش بس كده انت كمان اتجوز عليها بنت مرات ابوها اللي حاولوا ېقتلوها بعد مۏت ابوها عشان ورث ابوها كله يروح لهم اه كبيره خرجت من دهبيه بس في سرها وجريت على اوضتها ودفنت وشها في المخده عشان زيدان ما يحسش بيها ويعرف انها سمعته
دهبيه . انا لازم اهدى لازم اهدى والله لذوقه ڼار الغيره اللي جوايا عامله ازاي بس مش قبل ما اخذ حقي وانتى يا زينب انتى وهياتم هطلع عليكم قديم والجديد
نامت دهبيه وحلمت بباباها كانت هي واقفه بين زيدان وهياتم وزينب وجيه باباها طلعها من وسطهم وكادها ومشي وزيدان بقى يجري وراها وابوها يزقه وهو يجري وراها وبعدين شدها منه فابوها مشي وسابهم وبصلهم بحزن .
صحي دهبيه مخضوضه وعماله ټعيط بشحتفه وصحي زيدان على صوت عياطها
زيدان صحى مخضوض : مالك يا دهبيه فى ايه تعبانه نروح للدكتور
دهبيه : لا انا بخير انا بس شفت كابوس
زيدان: شفتى ايه خير اللهم اجعله خير استنى اجبلك مايه الاول
دهبيه . حكت لزيدان على الحلم وبان على ملامح زيدان انه اتضايق وخد دهبيه فى حضنه لحد مارجعت فى النوم تانى وخرج بعد كده البلكونه شرب سېجاره ورجع كمل نوم تانى
تاتى يوم
دهبيه : صباح الخير يا زيدان
زيدان: صباح الخير يا دهبيه رايحه لابسه وراحه فين كده
دهبيه : هروح ازور ابويا وبعد كده هعزم هياتم وبنتها على الغداء
زيدان: ليه يا دهبيه ما تسيبك منهم
دهبيه : لا هعزمهم يا زيدان مش عايز تحضر براحتك
زيدان: حاضر اعملي اللي انت عايزاه بس اهدي بس ويلا تعالي هوصلك واروح معاكى ازورو انا كمان
ذهبيه طلعت على باباها التراب واخذت معاها لحمه وزعتها رحمه ونور على روح باباها وبعد كده زيدان رجعها البيت وراح هو على الشغل ودهبيه قالت. للشغاله تحضر ايه على الغدا والشغاله نفذت كلامها واتصلت بمرات ابوها وبنتها عزمتهم على الغداء وطبعا هما ما صدقوا عشان عايزين يشوفوا شقه ذهبيه اللي هي قاعده فيها عامله ازاي والمستوى اللي عايشه فيه دلوقتي عامل ازاي
جه وقت الغدا
زيدان رجع البيت وكان جايب معاه هياتم وبنتها
دهبيه : اهلا اهلا يا مرت ابويا عامله ايه وانت عامله ايه يا زينب
هياتم : بخير يا حبيبتي تو ما افتكرتينا وسالتي علينا بس معلش انت زي بنتي برده
دهبيه : معلش يا مرات ابويا الجايات اكتر لولا ابويا جالي في الحلم ووصاني عليكم جامد لولا اتلصت عليكم
هياتم: المهم انت يا دهبيه طمنيني عليكى يا حبيبتي عامله ايه ما فيش حاجه كده جايه في السكه تفرحينا بيها
دهبيه : والله يا مرت ابويا ما حدش عارف الخير فين عموما يا حبيبتي انا لسه صغيره وبعدين انا مش مستعجله على الخلفه ههههههه انا اللي زيي لسه ما اتجوزوش والدليل على كلامي بنتك اهي
هياتم وشها قلب من كسفه دهبيه ليها
دهبيه كملت الا صحيح يا مرات ابويا هو انتوا اتقابلتوا ازاى انتوا وزيدان اتقابلتوا تحت ولا فين
زينب ردت بخباثه : ليه يا دهبيه حتى المعلم زيدان ربنا يبارك له كي اخدنا من البيت واصر انه وصلنا بنفسه
ذهبيه بصت لزيدان بصه مافهمهاش وقالت : طبعا ده المعلم اكتر واحد ابن اصول وبيفهم في العشره تفضلوا خشوا جوا على ما اخلى الشغاله تحط الغدا
دخل الذهبيه تتمم على الحاجه وخرجت لقيت زينب قلعه الطرحه واخده راحتها كان البيت بيتها
دهبيه : يلا يا جماعه السفره الغدا جهز
قاعد زيدان على راس السفره ودهبيه على يمينه وزينب على شماله وجنبها امها
دهبيه حلو قوي الاكستنشن الجديده دي يا زينب واضح ان شعرك لسه ما بيطولش وزي ما هو عشان كده لسه بتحطيها
زينب بصتلها جامد وزورت عشان كان زيدان فاكر ان ده شعرها وزيدان بصلها واټصدم
ذهبيه ضحكت عليها وكملت حاسبي الف سلامه عليك يا زينب طب فاكره زمان يا زينب لما خليتيني نايمه واحنا صغيرين ومش جايبه المقص وقصه شعري وخليتى امك توصلهولك في شعرك وامك سمعت كلامك وحطيتهولك وراح ضاحكه ومكمله كان شكله وحش قوي عليك الصراحه يا زينب ساعتها لما خرجت تلعبي مع العيال العيال كلهم فضلوا يضحكوا عليكى وابويا الله يرحمه يومها جه واخذني وراح جاب لي حلويات اد كده عشان يراضيني وبعد كده وداني للكوافيره كان اول مره اروح لها وهي كملت على شعرى وعملتلى تسريحه حلوه اوى
زينب : بصيتلها بغل واضح وقالت : والعيال ساعتها فضلوا مخاصمني لحد ما شعرك طول ورجع تاني لطوله
دهبيه : معلش بقى يا زينب مش مشكلتي انهم كانوا بيحبوني اكتر منك وكانوا شايفينك بتقلديني في كل حاجه فطبيعي الناس بتحب الاصل وترمي الصوره ولا ايه يا معلم زيدان
زيدان بص لدهبيه : طول عمرك حلوه يا دهبيه والناس بتحبك وشايفينك كبيره وبيضربوا بيكى المثل فممكن يقلدوكى من حبهم ليكى
دهبيه : انت شايف كده . يبقى عندك حق بس المثل بيقول على الاصل دور 🙂🙂 ههههههههه
صحيح يا هياتم سمعت ان زينب اتخطبت بس محدش قالى مين صراحه
هياتم : لا يا حبيبتي دي اشاعات اصل بيجيلها ناس ياما بس هي مش عاجبها حد ابدا عايزه حد يبقى شبه المعلم كده
دهبيه : وماله يا مرت ابويا خليها تحلم يمكن تحقق حلمها بس يا رب ما يقلبش كابوس
انا شبعت الحمد لله هروح اجهز الحلو والمشروبات على ماتخلصوا
وقت ما كانوا بيشربوا القهوه
هياتم : حلو قوي الاسوره اللي في ايدك دي يا دهبيه
دهبيه : دي هديه المعلم جابها لي امبارح كان طقم على بعضه اثار المعلم من يجيبه لي ده حتى كمان غير لي الدبله زي ما اكون بيجيبلى شبكه من اول وجديد
زينب اول ما سمعت كده وشها قلب والغيره قادت فى قلبها اكتر واكتر
زينب : جواز ايه يا دهبيه انتى كبرتى على الحاجات دى بقى
دهبيه ضحكت بعلو صوتها سن ايه يا زينب ده انا اكبر منك بسنه يا حبيبتي انت اللي حاسه اني كبيره عشان انت لسه ما اتجوزتيش انما انا اتجوزت عيله صغيره وابويا الله يرحمه كان حاسس ان ھيموت بدري تجوزني بدري حتى من غير ما ياخد رايي
زينب : معنى كده انك ما بتحبيش المعلم يا دهبيه واتجوزتيه ڠصب عنك عشان خاطر ابوكى
دهبيه : انا احب اي حاجه من طرف ابويا يا زينب
هياتم : طب بالاذن احنا بقى عشان نلحق نلاقي تاكسي نركبه
دهبيه : عيب يا هياتم المعلم بيفهم في الاصول ما فيش داعي يا حبيبتي انك تروحي في التاكسي المعلم زي ما جابكم هيوصلكم اصل اللى بيعمل حاجه لازم يكملها وبصت للمعلم ولا رايك ايه يا معلم
زيدان : عندك حق يا دهبيه هوصلهم وهاجى مش هتاخر عليكى
اول ما خرجوا اتصلت دهبيه على صاحبت عمرها ايه
ايه : ازيك يا دهب عامله ايه كنت ھموت واكلمك من الصبح عشان اقول لك الاخبار بس ما اتصلتش زي ما انت ما قلتيلى
دهبيه : طمنيني يا ايه نفسي افرح
ايه : نتيجه التحليل ظهرت وانت حامل يا دهبيه
دهبيه : بجد يا ايه ولا انت تعملي فيا مقلب والله هزعل منك لو ده مقلب
ايه : حامل يا روحي والله حامل النتيجه ظهرت الصبح و انك حامل اخيرا اخيرا يا دهب
دهبيه فضلت ټعيط وتشكر ربنا وتحمده
ايه : مالك يا دهبيه طمنيني عليك انا حاسه انك مش مبسوطه احكي لي في ايه يا حبيبتي طمنيني عليكى
دهبيه حكتلها كل حاجه بالتفصيل من اول ماعرفت بجواز المعلم لحد ماخرجوا من باب الشقه
ايه : حسبي الله ونعم الوكيل فيهم ازاي جوزك يعمل حاجه زي كده بس برده انت غلطانه انك ما كنتيش بتحكيله كانوا بيعملوا معاكي ايه
دهبيه : وهل ده مبرر ان يتجوز عليا من ورايا يا ايه
ايه : طب ناويه على ايه دهبيه وهتعرفي انك حامل ولا لا
دهبيه : المفروض نواعدها انه هيسفرها شهر عسل قبل السفر بيوم هقول له واشوف هيعمل ايه
ايه هتعرفيه ازاى
دهبيه : مش انا اللى هعرفه ومش هخليه يسافر اصلا
ايه امال هتعملى ايه
دهبيه : ________
البارت الثالث
دهبيه : هخلي اعراض الحمل اللي كنت بداريها تبدا تظهر والباقي هقول لك عليه في ساعتها
ايه : طيب عرفتيه انك اتقبلتي في الكليه وهتكملي تعليمك
دهبيه : لا ما قلتلوش حاجه انا كنت رايحه عشان اقول له واعرفه لكن اتفاجئت انه عريس وبيتجوز
ايه : ربنا معاكي يا قلبي وما تنسيش تعدي عليا عشان تتابعي معايا الحمل
(((ايه دكتوره نساء وولاده وصاحبه دهبيه من ساعت ماكانوا اطفال)))) بقلم امانى سيد
دهبيه : تمام انا هقفل بقى عشان انام
ايه : تصبحي على خير يا حبيبتي
دهبيه : وانت من اهل الجنه
العربيه عند زيدان
زينب : صحيح يا معلم هتقولي لدهبيه امتى على جوازنا
زيدان كان سرحان في نظرات ذهبيه لي وانتبه على صوت زينب
زيدان: مش دلوقتي خالص يا زينب
زينب: امال هنسافر شهر العسل امته
زيدان: الجمعه الجايه على طول يعني كمان يومين كده
زينب : بجد والنبي يا معلم
زيدان: اه جهزي نفسك بقى
هياتم : صحيح يا معلم هي زينب هتفضل قاعده معايا بعد الجواز في الشقه بقلم امانى سيد
زيدان: هو انت فاكره تسالي السؤال ده دلوقتي يا هياتم
هياتم بارتباك: لا يا معلم انا واثقه فيك انك مش هتاكل حق بنتي بس بطمن انما انا اشيلكم على راسي
زيدان: انا هشتري يا هياتم الشقه اللي فوقك وهتفضى اول الشهر ولما تفضل نخلي العروسه تفرشها على ذوقها
هياتم: نعم ايه الكلام ده يا معلم يعني دهبيه تعيش في شقه يرمح فيها الخيل ما يجيبش اخرها وانا بنتي تقعدها معايا في اوضتين وصاله هو ده العدل يا معلم بين مرتات اقل شيء تجيب لبنتى شقه زي القعده فيها دهبيه
زيدان : انا فاكرك هتفرحي عشان بنتك هتقعد جنبك
هياتم : افرح لما بنتي تكون جنبي اه لكن ازعل لما الاقيك مفضل ضرتها عليها
زيدان: انت عايزه ايه يا زينب
زينب : عايزه شقه حلوه زي القعده فيها دهبيه
زيدان: طب وامك
زينب : تيجي تزورني وتبقى تقعد معايا الايام اللي انت مش هتكون موجود فيها وبايت عند دهبيه
زيدان: حاضر يا زينب هعمل لك اللي انت عايزاه
بعد ما وصل زيدان زينب وامها راحه على شقته اللي فيها دهبيه ولقى دهبيه نايمه دخل اخذ شاور ونام جنبها وصحي بعديها بسبب صوت ترجيع وحد بيقل في الحمام ومالقاش دهبيه جنبه على السرير بقلم امانى سيد
زيدان: ايه يا دهبيه مالك في ايه
دهبيه : ما فيش شكل جالي برد في المعده
زيدان: طب يلا نلبس ونروح المستشفى نطمن عليك دلوقتي
دهبيه : لا انت اطله بره دلوقتي وسيبني
زيدان: حس انها مش عايزاه يشوفها كده فراح عليها استحاله طبعا اسيبك كده يلا وغسل لها وشها وخرج بيها دهبيه اسمعي الكلام يلا نروح المستشفى انا اول مره اشوفك كده
دهبيه : لا انا دلوقتي افضل بعد الترجيع لكن لو فضلت كده تعبانه بكره تانى هبقى اروح اكشف
زيدان: طيب هنستنى للصبح ونشوف
رجعوا ناموا و تاني يوم الصبح دهبيه صحيت صحتها افضل
زيدان: عامله ايه النهارده
دهبيه : احسن ممكن اكون تقلت امبارح الحلويات عشان كده ده حصلى
زيدان: طيب الحمد لله بقول لك ايه يا دهبيه انا يوم الجمعه ان شاء الله هسافر كده اسبوع ولا حاجه هنزل اجيب عجول ومحتاج اشوفها بنفسي واطمن على صحتها
دهبيه : تروح وترجع بالسلامه
زيدان: مش نفسك في حاجه اجيبهالك وانا جاي
دهبيه : هو انت مسافر شغل ولا تتفسح لا سافر انت بالسلامه مش محتاجه حاجه
زيدان: طيب انا نازل دلوقتي رايح الشغل محتاجه حاجه اجيبها لك معايا وانا جاي
دهبيه : لا انا هقابل ايه وهننزل نشتري شويه حاجات كده
زيدان : محتاجه فلوس
دهبيه : لا الخير كتير يا معلم تسلم
خرج زيدان راح الاول لزينب وجاب لهم طلبات البيت ومشي بعد كده راح الشغل
دهبيه خرجت راحت لايه العياده الاول عشان تطمن على الحمل
ايه : مبروك يا دهب هب عايزه كم واحد
دهبيه : كم واحد ايه ده انا نفسي في واحد بدعي ربنا بقىالى تسع سنين يرزقني بيه
ايه : سبحان الله كرم ربنا كبير يا دهبيه انت مش حامل في واحد انت حامل في ثلاثه
دهبيه بعياط : بجد والنبي
ايه : اه يا قلبي بجد بصي اهم وسمعتها نبضهم واطمنت عليهم على فكره انت كده حامل وشهر ونص شهرين ونص كمان ونعرف نوعهم ايه
دهبيه : بقول لك ايه انام على السرير ما اتحركش خالص صح مش انت بتقول كده للحوامل
ايه : هههههههههههه لا طبعا اتحركي واخرجي واعملي كل حاجه بس بحدود واوعي تنطي اوعي تعملي اي حاجه وابعدي تماما عن القرفه هديكي ورقه فيها التعليمات تمشي عليها بالظبط وهتاخدى كل يوم الصبح برشامه الفوليك اسيد دى برشامه هنمشي عليها اول ثلاث شهور
دهبيه : طب يلا ننزل نجيب شويه هدوم وحاجات انا عايزه افرح عايزه احس اني حامل عايزه افرح بحملي
ايه : طيب بس استني الاول لما نعرف نوع البيبي ايه عشان تقراري هتجيبي هدوم بناتي ولا اولادي
دهبيه : طيب بصي احنا ننزل نشتري فساتين حلوه وواسعه عشان لما اتخن تيجي مقاسي عايزه ابقى مستعده من دلوقتي
ايه : طيب يلا بينا
خرجت ايه وذهبيه وراحوا الكوافير واشترت دهبيه كاشات منزليه حلوه وقصيره ومريحه والوانها جميله جدا مبهجه واشترت الفساتين خروج جميله وواسعه وغاليه واشكالها مبهجه عشان تخرج نفسها من حاله الحزن وتحس بفرحه انها حامل وقالت اايه خطتها اللي هتنفذها معاه بكره
رجع بالليل زيدان شاف دهبيه انبهر من جمالها في اللوك الجديد اللي هي عاملاه كانت لابسه كاش مايوه جنزاري في ورد اسود حمالات رفيعه مبين بياضها وكانت فرده شعرها كله من غير اي توك والكوافيره كانوا عاملينلها تنظيف عميق للبشره فكانت بشرتها صافيه وجميله وشكلها حلو من غير اي ميك اب وكانت حاطه كحل اسود ومسكره فكان شكلها ياكل العقل
زيدان: ايه الجمال ده يا دهب
دهبيه : بقىالك كتير ما قلتليش يا دهب
انا جهزت لك الشنطه تمم عليها عشان لو في حاجه ناقصه احطها لك فيها
زيدان باس ايديها تسلم ايدك يا دهب
دهبيه : صحيح يا زيدان ابو محروس اتصل عليك النهارده ولما ماردتش عليه كلمني
زيدان اتوتر وبان عليه ودهبيه كملت بيقول لك الشقه هتفضى بكره لو عايز تخلص بكره هو موجود الا صحيح يا معلم هو انت عايز تشتري الشقه دي ليه
زيدان: اهو عقار قيمته فيه وانا بعد كده غيرت رايي بس لسه ما كلمتوش عشان كنت مشغول بفكر اخد في مكان افضل واركنها
دهبيه : طب ايه بعرفوا بقى انك مش عايزها لان هو كان بيقول انك مستعجل عليها
وده كله عشان يناموا وحاول زيدان يقرب منها وهي عملت نفسها تعبانه وسابته ونامت وهو اخد شاور بارد عشان يعرف ينام
جه تاني يوم الصبح دهبيه صحيت تعبانه وزيدان صحي تاني على صوتها وهي بترجع
زيدان: ذهبيه انا مش هستنى اكتر من كده يلا نروح المستشفى دلوقتي
دهبيه : ما لوش داعي اتصل بايه الاول تيجي تكشف عليا لو قالت محتاجه اروح المستشفى يبقى اروح
زيدان اخذ تليفون ذهبيه واتصل بنفسه بايه وعدى نص ساعه وايه جت وادي الدهبيه اختبار حمل عشان تعمله
خرجت ايه مبتسمه للمعلم زيدان
ايه : اتفضل يا معلمو
زيدان: ايه ده
ايه : سبب تعب دهبيه
زيدان: مش فاهم
ايه : ذهبيه حامل وده اختبار الحمل
ذيدان بفرحه مش سايعاه انت بتتكلمي جد يا دكتوره
ايه اه يا معلم لما انت قلت لي الاعراض في التليفون انا شكيت ولما جيت اديتها الاختبار عشان تتاكد وطلع الحمد لله حمل
زيدان سجد شكر لله من الفرحه وبعدين دخل جري على دهبيه
زيدان: يلا قومي يا دهبيه دلوقتي عشان نروح المستشفى
دهبيه : لازمتها ايه ما احنا اطمنا انا هبقى احجز واروح
زيدان: لا عشان نتاكد ولو فعلا حمل نشوف المطلوب ونبدا ننفذه من دلوقتي
ايه : اهدى يا معلم هي هتاخد الفوليك اسيد وبعدين لما تكشف هنطمنك اكتر ان شاء الله
زيدان: لا مش هستنى لازم اتاكد وراح طلع هدوم ذهبيه بنفسه وساعدها تلبس وراحوا المستشفى وهناك عرف انها حامل في ثلاث توائم فرحته زادت وحلف ليد. بح تلات عجول ويوزعهم لله
ايه : شفت بقى ازعل لانك شاكك في قدراتك يا دكتوره دلوقتي
زيدان: حقك عليا دكتوره بس كنت عايزه اطمن ويا ستي طول فتره الحمل تتابع معاكي زي ما هي ما عايزه
وبص لدهبيه . يلا بينا نروح يا ذهبيه ومش عايزك تتحركي من مكانك خالص وهم ماشيين ذهبيه طلبت منه انه ما يعرفش اي حد بحملها نهائي
دهبيه : بقولك يا زيدان مش عايزه اى حد يعرف بالحمل نهائى
زيدان: ليه يا دهب هى دى حاجة تستخبى
دهبيه : لا استنى لما الحمل يثبت الاول
دهبيه بمسكنه هتسافر برضو يا زيدان
زيدان: للاسف يا دهبيه مدي كلمه للناس
دهبيه : بصتله بحزن لانه فضله سفره مع زينب عليها وقالتله براحتك يا معلم
روح زيدان المذبح عشان يذبح العجلين بنفسه ويوزعهم بنفسه على الناس الغلابه
وبعدين راح لزينب عشان يحاول ياجل معاها موضوع
السفر
زيدان: بقول لك يا زينب ايه رايك ناجل السفر اسبوع او اسبوعين كده
زينب : ليه
زيدان: اصل دخبيه تعبانه ومش عايز اسيبها لوحدها
زينب بغيره : على فكره تلاقيها بتمثل عليك عشان ماتسافرش
زيدان : لا هي مش بتمثل هي فعلا تعبانه بجد
زينب : ايش عرفك اخذتها للحكيمه وقالت لك كده
زيدان: اه اخذتها وطلعت حامل
زينب پصدمه : ازاى استحاله وبعدين سكتت خاڤت لتقع بلسانها فى الكلام ( هنعرف في الاحداث ليه هما عارفين ان ذهبيه استحاله تحمل)
انت بتقول ايه ازاي هو الحمل ده ظهر كده مره واحده دلوقتي
زيدان : في ايه يا زينب ما تتكلمي عدل
زينب : على فكره يا زيدان دهبيه عارفه اننا متجوزين
زيدان: انت بتقولي ايه استحاله طبعا وبعدين هتعرف من مين
زينب : وانا بقول لك ذهبيه عارفه ان احنا متجوزين واحتمال الحمل ده يكون لعبه مش صاحبتها برضو هي اللي كشفت عليها وقالت لك ان هى حامل
زيدان: فعلا ايه هي اللي قالت لي بس برضو دهبيه هتعرف منين
زينب : اقطع ذراعي من هنا اما كانت عارفه هي بتعمل كده وعامله نفسها ما تعرفش عشان انت تفضل عايش بالذنب انك مداري عليها روح اسالها يا زيدان واتاكد
زيدان : فكر في كلام زينب وحاسس ان كلامها صح بسبب نظرات ذهبيه اللي ما كانش عارف يفسرها وقرر انه يسالها ويصارحها عشان يخلص من الحمل اللي على كتفه انه مخبى عليها وفي نفس الوقت يتاكد اذا كانت عارفه ولا لا
ساب زيدان زينب ومشى وراح لدهبيه
زيدان: دهبيه كنت عايز اسالك على حاجه
دهبيه : طيب مش تطمن على عيالك الاول
زيدان: تجاهل كلامها وسالها دهبيه انتى تعرفى انى كاتب على زينب
والفصل كده خلص يا نجماتى
توقوعاتكم بقى دهبيه هتقوله انها عارفه ولا هتنكر ؟
ياترا رد فعلها هيكون ايه ؟ 🤔🤔🤔
الفصل الخامس والسادس
زيدان: يعني كنت عارفه وموافقه وساكته طب ايه اللي خلاكى تغيري رايك دلوقتي
دهبيه : انا ما كنتش موافقه انا كنت مديالك فرصه الاول قلت لنفسي اتقالي يا بنت دى نزوه ده بيحبك انتة لكن لقيتك بتعترف بلسانك انك بطلت تحبني قلت اصبري يمكن حلاوه البدايات لكن لقيتك خاېف عليها بتجيبها وتوديها عشان خاېف تخرج لوحدها مع انك بتسيبني اخرج لوحدي عادي قلت معلش بقيت اديك عذر قلت يمكن بيعمل كده عشان خاطر عايز عيل من صلبه حقه ومالوش دخل في الماضي اللي بينا وسكت فضلتها عليا انا وولادك وكنت واخدها ومسافر وانا تعبانه كتمتها في نفسي وعديت عشان خاطر العيال ما يطلعوش بين ابوهم لكن الاقيك جاي وبكل بجاحه بتشكك فيا وتطلع اسراري بره وبتتهمني اني كدابه وتضربني عشانها عشان غلطت فيها يبقى لا بقى لا عاش ولا كان اللي يحاول يقل مني يزيدان او يطلعني واحده خاينه وكذابه مع ان في الحقيقه انتم الى خاينين وانتم الكدابين وانانيين افتكر دلوقتي كده ان اللي بينا خلص واللي يخصك عرفته اتفضل اطلع بره هو ورقتي توصلني وانت عرفت مكاني فين دلوقتي عشان تبعتلى ورقتى عليه
زيدان: انا اسف يا دهبيه حقك عليا كلامك كله صح طيب اديني فرصه كمان حتى عشان خاطر ولادنا
دهبيه : انا كنت مديالك فرص لكن انت ضيعتها اتفضل بقى امشي ورا كلامها خليها تنفعك وسيبني في حالي
زيدان: يا دهبيه ارجعي عن اللي في دماغك واللي انت عايزاه انا هعملهولك
دهبيه : ما انا عملت اللي انا عايزاه وانت طلقتني واللي ليك عندي ولادك هخليك تشوفهم مره في الاسبوع اليوم اللي انا هحدده وعندك زينب روح خلف منها بدا العيل 10 انما انا خلاص انسى
زيدان: طب يا دهبيه قوليلي عرفيني عملوا معاكي ايه
دهبيه : ما بقاش يخصك انت رميت نفسك في حضنهم يبقى كمل للاخر وما تحاولش تعرف اي حاجه عني واتفضل اطلع بره
خرج زيدان وهو بيستغبى نفسه ازاي ما كانش فاهم نظرات ذهبيه وازاي جري ورا عواطفه وسابها كده واضح خلاص ان دهبيه شالته من حياتها
عند دهبيه
كلمت حمص وقالت له ينشر خبر طلاقها من المعلم السوق كله وفعلا حمص عمل كده والسوق كله بقى يتكلم عن طلاق المعلمه ذهبيه من المعلم زيدان وجوازه من زينب بنت مرات ابوها
ثاني يوم الصبح
ذهبيه راحت محلها تباشر الشغل بنفسها وفي نص اليوم جالها صاحب مصنع لحوم (....) اسمه يونس المحمدي
يونس : لما قالوالي انك نزلتى الشغل بنفسك تتابعى زى زمان ما صدقتش قلت لا لازم اجي بنفسي
دهبيه : قامت وقفت ورحبت بيه يا اهلا يا اهلا بيونس بيه المحل نور
يونس: ده منور بصحابه يا دهبيه عامله ايه دهبيه والله زمان
دهبيه : انا بخير الحمدلله انت عامل ايه
يونس : بخير لما عرفت انك نزلتى الشغل قلت لازم انزل انا كمان واستلم بنفسي وبالمره اشوفك واسلم عليكى
دهبيه : طول عمرك اصيل يا ابن المحمدي
يونس : انت لسه فاكره يا بنت غانم ههههه
كنتى ساعتها لسه عيله صغيره عندك 16 سنه وواقفه مع ابوكي بتتعلمي الشغل بس كنتى ب 100 راجل وانا لما كنت اضايقك كنت تقولي يا ابن المحمدي وكنت اقول لك يا بنت غانم
دهبيه : اه كانت ايام للاسف مش فاكره من طفولتي اي حاجه غير الوقفه مع الجزارين وسط السوق
يونس : بس خليتك جدعه دهبيه وما حدش يعرف يكسرك بسهوله . خدي يا ستي دى مجموعه مشكله من انتاج المصنع بتاعي
دهبيه بمشاكسه : بيقولوا اللحوم المصنعه مضره يا يونس
يونس : بضحك لو مضره يبقى بسبب لحمتك يا دهبيه انا المصنع كله شغال عندي باللحوم اللي بستوردها منك
دهبيه بضحك : هديه مقبوله يابن المحمدى
واثناء مكانوا بيضحكوا دخل زيدان عليهم المكتب
زيدان: ازيك يا دهبيه عامله ايه
دهبيه : بخير يا معلم زيدان اتفضل
صحيح نسيت اسالك يا يونس الكلام اخدنا ونسيت اسالم لك تشرب ايه قهوه ساده صح 😂😂
يونس : صح يا دهبيه لسه فاكره
وانت يا معلم زيدان تشرب ايه
زين بصلتها بغيظ : قهوه ساده
زيدان كان عارف ان يونس من زمان عينه على ذهبيه ولما تقدم لها ابوها ساعتها اعتزرله لانها كانت اتخطبت في وقتها عشان كده خلى ذهبيه تقعد في البيت وتنزل كل اخر كل اسبوع تراجع الحسابات معاه وتاخد نصيبها في الفلوس وهو كان بيتعامل معاها بامانه وما كانش بياخد جنيه من فلوسها وما كانش بيخليها تصرف جنيه في البيت
دهبيه : خير ما معلم
زيدان: لما يونس بيه يمشي يبقى نتكلم مع بعض يا دهبيه هستناكى لما تخلصي معاه
يونس : معلش يا معلم زيدان انا ما بعرفش اتكلم مع دهبيه غير دلوقتي من ساعه ما انت قعدتها في البيت وانا مش عارف اتابع معاها ولا ادخل معاها فى شغل جديد .شغلك ممكن تاجله وتتكلم فيه مع ذهبيه في البيت ولا انتوا بتفصلوا الشغل في البيت
دهبيه : بشماته لا يا يونس انا والمعلم زين اتطلقنا واللي بينا دلوقتي شغل بس
زيدان: اللي بينا عشره وولاد يا دهبيه مش هنتكلم قدام الناس
يونس : هو في حد يبقى معاه المعلمه دهبيه وطلقها يلا نصيب
بصى يا معلمه انا كنت عايزك في شغل كنت عاوز ازود كميه اللحوم اللي باخدها منك لاني فتحت مصنع ثاني باسم جديد
دهبيه : وميله الف مبروك على المصنع الجديد الكميه المطلوبه قد ايه
يونس : قد الكميه اللي باخدها للمصنع القديم
دهبيه : بس كده مش هقدر اوفرها لك لان ما عنديش اللحوم الكافيه بس ممكن المعلم زيدان يوفرهالك عنده عجول زياده
زيدان. بصلها بشكر لانه رغم الخلافات لسه بتقف جنبه لانه كان قايلها ان عنده عجول زياده وخاېف تكبر يضطر يبيعها ارخص واستغبى نفسه جدا لان ضحك عليها وقال لها انه رايح يشتري عجول وهو كان قبليها قايل لها ان عنده عجول ذياده والسوق نايم ومش سهل يخلص منها فهم لحظتها ان هي كانت عارفه ان هو بيكدب عليها وحس ان هو غبي جدا قدامها
دهبيه كملت : وما تقلقش يا يونس هيبقى نفس السعر مش هنغلي عليك
يونس : كلامك ماشي يا معلمه اتفقنا اتكل انا على الله وهكلمك ثاني برده احدد لك الميعاد اللي هاجي اشيل فيه
زيدان: تابع معينه انا كده كده اللي هسلمك الاثنين انا عندي ومن عندها
يونس: قص له ان شاء الله يا معلم مع السلامه
دهبيه بعد خروج يونس : بقول لك ايه يا معلم انا ما رضيتش اكسفك المره دي قدامه لكن شغلي انا اعرف امشيه كويس قوي وانا اللي هسلم بنفسي كل الطلبيات
زيدان: على چثتي يا دهبيه سامعه على چثتي انك تتواصلى مع البني ادم ده تاني
دهبيه : انت مالك مش تطلقني خلاص وكل واحد راح لحاله خلي كل واحد بقى يشوف حياته حاشر نفسك في حياتي ليه
زيدان: ذهبيه اقصرى الشړ معايا دلوقتي انا عفاريت العالم كلها قدامي ويلا اتحركي معايا دلوقتي
دهبيه : يا هربت منك خالص اجي معاك فين
زيدان: يلا يا دهبيه هنروح اطمن على العيال النهارده معادنا مع الدكتوره
دهبيه : اعتقد ان انا كبيره وبعرف اروح واجي لوحدي وبعدين من امتى انت بتوديني ولا بتجيبني ما انا طول عمري بتحرك مع نفسي لاتكون ناسي وفاكرني ناس تانيه
زيدان : من دلوقتي يا دهبيه ويلا قدامي بدل اقسم بالله اشيلك قدام الناس كلها واخلي السوق كله ما وراهوش سيره غيرنا وانتى عارفاني اعملها
دهبيه : السوق كله عارف اننا اتطلقنا
زيدان: وانا هعرف مين السبب فى نشر الخبر ده وليا تصرف تاني معاه ويلا دلوقتي بقى عشان ما نتاخرش عشان نلحق نطمن على البيبيهات
زين ودهبيه راحوا عند ايه العياده عشان يطمنوا على الاطفال وايه ما تكلمتش في حاجه خالص وتعاملت عادي لانها ما تعرفش ايه اللي حصل وخلى ذهبيه تيجي ومعاها زيدان وخلصوا كشف وزيدان اخد دهبيه ومشيوا
زيدان اخد ذهبيه لمطعم كبير عشان يتغدوا هناك
دهبيه : اسميه ايه ده بقى ان شاء الله
زيدان: مطعم بس حلو اوى هيعجبك
دهبيه : انت بتهزر صح
زيدان: لا مش بهزر بس انا بقالى اكتر من اسبوع مكلتش حاجه خالص من ساعت ما مشيتى مبكلش حته جبنه ولقمه وباكلها من غير نفس عشان اعرف اعيش ارجوكى يا دهبيه ارجوكى تعالى ناكل لقمه مع بعض وحياه ولادنا والعيش والملح اللى بينا
دهبيه صعب عليها زيدان لانها فعلا كانت شايفاه مرهق جدا
دهبيه طلب باستا بصوص المشروم واستيك وهو طلب زيها طبقين لانه كان جعان جدا
زيدان: انا مش عارف الاكل المره دي هو اللي حلو بزياده ولا انا اللى طفس فضلوا يتكلموا هما الاتنين ويخمنوا اسماء اولادهم ودهبيه اندمجت فى الكلام معاه ونسيت زعلها منه فرحتها بالكلام على ولادها نسيتها كل حاجه وفى لحظه كانت هتنسى كل حاجه وتبدا معاه من الاول الا ان النادل جه ومعاه مدير المطعم
المدير : منورنا يا زيدان بيه
زيدان اهلا بيك
المدير: المطعم نور بيكم
دهبيه : انت تعرفوا
زيدان: اه بوردله لحمه
المدير: الويتر قالى ان دى تانى مره تيجى المطعم اتمنى ان الاكل يكون عجبك
دهبيه بتسال النادل : هو زيدان بيه زبون عندكم
النادل: اه كان بيجى وهو والمدام
دهبيه : تمام عن ازنكم
اټصدمت دهبيه واخدت بعضها وخرجت من المطعم و بصت لزيدان بصه زيدان عرف معناها ايه وزيدان خرج وراها جري وشالها من غير كلام يحطها في العربيه عشان عارف انها كانت استحاله هتركب معايا وخان خاېف عليها لانها بتمشى بسرعه وخاف يحصل حاجه للجنين
دهبيه : ابعد عنى بقولك سامع ابعد بدل ما اصړخ والم عليك الناس
زيدان: طيب اسمعينى سبينى ابررلك
دهبيه : ولا كلمه سامع ولا كلمه مش طايقه اسمع صوتك سيبني امشي بقولك
زيدان: طب مش هتكلم خالص ولا هفتح بوقي اعتبريني تاكسى بس اهدى يا دهبيه عشان خاطر عيالك
دهبيه كانت قاعده في العربيه وبتحاول تهدي نفسها وهو ما رضيش ياخدها شقتهم القديمه عشان ما تتعصبش اكثر وهو عايزها تهدى
وصلها زيدان وهما نازلين من العربيه قبلتهم زينب وكانت فى وشهم وكانت متغاظه جدا ان لسه زيدان بيجري ولا دهبيه
زينب : هو انت ايه ما عندكيش ډم خالص ولا كرامه هو طلقك بتتمحكي فيه ليه كل مره كان بيخطرنى انا وانتى البعيده مش بتحسي خالص سيبيه في حاله بقى
مش سمعتي بودانك انه بطل يحب عايزه ايه تانى سيبيه بقى مش طلقك
دهبيه بصتله وقالتله : حتى مشاكلنا الخاصه حاكتهالها
هى حاست انها مش شايفه قدامها ولسه هتمشى وقعت من طولها وزيدان جرى عليها وشالها واخدها وراح المستشفى
فى المستشفى الدكتور اخدها منه ودخلوها طورائ وبعد نص ساعه خرج الدكتور
زيدان: ها يا دكتور طمنى هى عامله ايه
الدكتور : _____
زيدان 😓
البارت السادس
الدكتور: المدام ضغطها واطي جدا وعندها ڼزيف بنحاول نسيطر عليه عشان نحافظ على الجنين
زيدان پصدمه : طب يا دكتور شوف ايه المطلوب واعمله حاول توقف الڼزيف وتحافظ على الاطفال بس حياه دهبيه اهم
الدكتور: احنا جنبها وبنحاول نسيطر على الوضع هي هتقضي الليله هنا في العنايه المركزه وممكن حضرتك تروح دلوقتي وتجيلها الصبح
زيدان: لا طبعا يا دكتور ما اقدرش اسيبها ينفع ادخل ابات معاها او على الاقل ادخل اشوفها و اطمن عليها
الدكتور: لا للاسف صعب حضرتك
قعد يدين على الكرسي خارج الغرفه يفتكر بدايته مع دهبيه وابوها
Flash back
كان عمره وقتها ١٨ سنه لما ابوه اتوفى وهو في اخر سنه في الثانويه العامه ومامته كانت متوفيه وهو صغير وكان قاعد في الشقه لوحده وتراكم عليه الايجار وابو دهبيه كان بيساعده ويبعت له اكل وبعد كده نزل اشتغل عنده عشان يقدر يسدد الايجار ويصرف على تعليمه وابو دهبيه ساعدوا وسددلوا الايجار المتاخر وبقى يساعده فى مصاريف تعليمه واعتبر نفسه والده ولما بقى في ثانيه كليه المعلم مسكه حسابات نص المحلات وعلى بدايه تخرجه كان ممسكه حسابات كل الفروع وافتكر اول عجل دبحه كان الحاج غانم هو اللي علمه ازاي يمسك سکينه ويذبح العجل وساعده ازاي لما جاب له اول عجل وعمل له شادر وخليه يبيع ويوزع والشادر بقى اثنين وبقى محل وبعد كده بقى مجموعه محلات وازاي شاف ذهبيه كانت بتقف في وسط الجزارين وتتواصل معاهم وهي عمرها 16 سنه لما ابوها بدا يتعب وبقت تنزل معاه وبعد كده بقت تنزل مكانه وازاى بتقف وسط الجزارين وتعاند وتبيع بالسعر اللى هى عايزاه
افتكر يوم ما دهبيه تمت ال ١٨ سنه وابوها بعتله
غانم : ازيكزيا زيدان يابنى عامل ايه
زيدان: الحمد لله يا حاج غانم عامل ايه
غانم : انت عارف يا زيدان انا بعتبرك ابني اللي ما خلفتوش
زيدان: من غير ما تقول يا حاج انت يعلم ربنا ان معزتك فى معزه ابويا بالظبط ابويا الله يرحمه لو كان عايش مكنش هيعمل اكتر من اللى انت عاملته معايا
غانم : بص يا بنى انا خلاص ايامى معدوده فى الدنيا وناس كتير مستنيه موتى وانا مش قلقان غير على دهبيه
انها تبقى لوحدها هى اه تبان قويه وزكيه بس فى الاخر بنت واخاڤ عليها عشان كده يابنى المثل بيقول اخطب لبنك ولا تخطبش لابنك وانا مش هامن لبنى غير معاك
زيدان: ده شرف كبير ليا يا معلم ويوم المنى انى اناسبك
غانم : على خيره الله الخميس الجاي كتب الكتاب والډخله
زيدان: ومهرها يا حاج المحل الجديد اللي بفتحه هكتبه باسمها
غانم : ابن اصول يا ابني على خيره الله وقالوا الفاتحه وبعدها عملوا فرح كبير يليق بمعلمين السوق وبعدها باسبوعين المعلم غانم ماټ و زيدان حزن عليه حزن كبير ما يقلش عن حزنه على ابوه
افتكر نزول ذهبيه المحلات بعد اسبوع واحد من فرحهم ورغم من مۏت ابوها الا ان ده قواها وقفتها وفصلها مع الجزارين في نفس وقت مۏت ابوها خلي الكل ېخاف منها ويعمل لها 1000 حساب
افتكر مره لما المصنع اللي زيدان بيوردله له لحوم كانوا عايزين يضغطوا في السعر يا اما يرجعوا له اللحمه وساعتها لو اللحمه رجعت كانت هتبوظ افتكر وقفت دهبيه معاه واجلت دبح العجول بتوعها ووردت لحمته هو للمصانع اللى بتتعامل معاها بسعر اعلى من اللى كان هيبعيوا للمصنع اللى بيوردله
الموقف ده سمع فى السوق ووقتها صيت زيدان على اكتر فى السوق وتجار كتير خافوا يوردوا للمصنع القديم لحوم وده خلى المصنع يقع وكانت خساره كبيره ليه
End flash back
فاق من سرحانه على صوت الدكتور بيبلغه ان الاطفال نزلت وانهم قدروا يسيطروا على الڼزيف
زيدان وقع على الكرسي پصدمه والدموع متحجره فى عيونه ندم وقتها انه اتجوز على دهبيه اتمنى الزمن يرجع بيه ومش هيتجوز ابدا عليها دموعه نزلت ڠصب عنه لانه اتاكد انه خسر عياله ودهبيه عمرها ما هتسامحه على اللى عاملوا فيها
راح المسجد وفضل يبكي هناك ويدعي ربنا انه يرجع له ذهبيه ورجع المستشفى تاني والدكتور بلغه انها دخلت غرفه عاديه ودخل لها زيدان ونام على الكرسي اللي جنب السرير لحد الصبح
فاقت دهبيه ولقت زيدان ماسك ايديها
دهبيه : اصحى اصحى انت ايه اللي منيمك هنا
زيدان : حمدالله على سلامتك حاسه بايه دلوقتي
دهبيه : انا بخير الاولاد عاملين ايه
زيدان: فضل ساكت وعيونه مدمعه
دهبيه : اوعى يكون اللي فهمته صح
زيدان: اهدي يا ذهبيه ربنا يعوض علينا
دهبيه بصت لزيدان ومن غير اى كلام دخلت الحمام ولبست هدومها وخرجت
زيدان دهبيه استنى رايحه فين انتى تعبانه
دهبيه : ملكش دعوه
ذهبيه فضلت ماشيه وهو حاول يلحقها بس ما اعرفش لانها خرجت وركب التاكسي ومشيت
راح الذهبيه على القسم وعملت بلاغ بهياتم وبنتها انهم محتلين الشقه بتاعتها ومش عايزين يسيبوها وانهم حاولوا يسقطوها واديتهم تقرير المستشفى وطبعا اتحركت الشرطه معاها عشان يروحوا يخلوا الشقه وطبعا ذهبيه كلمت ناس كثير عشان تخلص الاجراءات بسرعه وصلت دهبيه مع الشرطه لقت زيدان واقف قدام البيت مستنيها . تجاهلته وطلعت الشقه مع الشرطه وخبطوا جامد على الباب وهياتم وبنتها فتحوا وهما مخضوضين
الضابط : معانا امر اخلاء الشقه وتسليمها لصاحبتها ذهبيه غانم
هياتم : يا نهار اسود هنروح فين ملناش مكان تاني
الضابط: اتصرفوا ما ليش دعوه قدامكم ساعه واحده تلموا هدومكم فقط وتمشوا لان الشقه بالعفش ملك دهبيه
زينب غمزت لامها وبصت لزيدان : خلاص ياما يلا نمشي واكيد زيدان مش هيسيبنا لوحدنا
هياتم فهمت على بنتها وافتكرت ان زيدان هياخدهم شقه دهبيه 😂😂😂😂😂
ولمت هدومها كلها ومشيت مع بنتها
كل ده ودهبيه قاعده على الانتريه وحاطه رجل على رجل ومفتحتش بقها بكلمه لحد ما لموا هدومهم ومشيوا
زينب : شفت يا معلم شفت ههبيه عملت فينا ايه هنقعد فين دلوقتي
زيدان: بعت اشوفلكم شقه مفروش تعودوا فيها
زينب : نعم يعني ايه دي اخرتها شقه مفروش ليه ماشي معايا في الحړام
زيدان: طب تقعدوا في الشارع يعني ولا ايه
هياتم: لا نروح شقتك اللي كانت دهبيه قاعده فيها
زيدان: لا دى شقه دهبيه يا هاتم وما حدش هيقعد فيها غيرها انسى اللي بتفكري فيه انتى وبنتك انا بدور لكم على حاجه مفروش بس عشان بنتك لسه على اسمي لكن اوعوا تكونوا فاكرين انى نسيت الكلام اللى بنتك قالتله لدهبيه وده حسابه كبير اوى معايا بس مش دلوقتي
زينب : ايه المشكله مش انا قلت الحقيقه
زيدان: لا مش الحقيقه وبعدين خدي هنا انت عرفتى منين اني طلعت دهبيه كنتى واقفه تتصنتى علينا
زينب : بارتباك. لا ابدا انتوا اللى صوتكوا كان عالى
زيدان: فعلا طب يمين طلاق ثلاثه يا زينب لو سمعت انك انت ولا امك اتعرضتوا لدهبيه باي شكل كان قريب او بعيد لتكوني طالق بالثلاثه وتصرفي مش هيعجبك وهتلاقي نفسك انت وامك في الشارع
هياتم وزينب بصوا لبعض وسكتوا
والسمسار جابلهم شقه اوضه وصاله وقالهم مافيش غيرها متاحه وزيدان قالهم يعقدوا فيها مؤقتا لحد ما يلاقى حل
دخلوا الشقه واتفاجئوا بالعفش قديم والحيطان مشققه بس للاسف رضيو بيها على ما يلاقوا شقه ثانيه
هياتم : يعني بدل ما كنت قاعده وشقه ثلاث اوض وصاله كبيره في الاخر اقعد في العشه دي
زينب : اسكتي بقى ياما انا هطق خلاص انا فكرت ان ذهبيه لما تطردنا هنصعب عليه ويروح يقعدنا في شقتها بس ما توقعتش انه يعمل فينا كده
هياتم : ما انت اللي غبيه ومش عارفه تمسكي لسانك وبدل ما تقربيه منك قلبتيه عليكى
زينب : طب اعمل ايه دلوقتي ياما
هياتم : احنا نعملها عمل هدور على حد بتاع اعمال واخدك ونروح له
عند دهبيه كانت قاعده بتفكر فى ايام زمان لما كانت هياتم شغاله خدامه عندهم امها كانت تعبانه وطريحه الفراش المعلم دور على شغاله لحد ما لاقة هياتم شافها غلبانه وارمله قال يكسب فيها ثواب
هياتم : الله يبارك لك يا معلم غانم الست دهب والست دهبيه في عينيا
ام دهبيه اسمها دهب
غانم : خدي بالك منهم يا هياتم واعملي كل اللي يطلبوا منك وهاتي بنتك معاكي ما تسيبيهاش لوحدها مع الجيران اهي تلعب مع دهبيه ويسلوا بعض
هياتم : تسلم يا حاج خيرك سابق
ومن ساعتها بقت ترسم الطيبه على ام دهبيه وتحكي لها ان اهل جوزها طردوها في الشارع هي وبنتها وما عندهاش مكان تروح فيه وكانت بتمثل الحنيه على دهب لحد ما فى مره
دهب : بقول لك يا غالي انا خلاص ايامي بقت معدوده عايزاك تكتب على هياتم عشان ما يبقاش فيه حرمانيه بدخولك وخروجك عليهم ولو جرالي اي حاجه اهى غلبانه و تربي البنت
غانم : ايه اللي بتقوليه ده يا دهب انا ما اقدرش اعمل كده واتجوز غيرك وبعدين بكره تقومي لنا بالسلامه وتبقي زي الفل
دهب : عشان خاطري يا معلم لو لي عندك معزه
وفعلا تم جواز هياتم من غانم ولما هيتم حبه تفرش ريشها على ذهبيه وامها غانم وقفلها بالمرصاد وعرفها حجمها وقال لها انه متجوزها بسبب دهب وذهبيه وانها لو غلطت تاني في حد منهم هيطلقها ويمشيها هي وبنتها
اټصدمت وقتها هياتم وغلها زاد من ناحيه ذهبيه وامها وبعديها بشهرين دهب ماټت من المړض ذهبيه وقتها كان عندها 12 سنه حاولت هياتم انها تيجي عليها بس غانم واقف لها بالمرصاد لحد ما في مره زينب قصتلها شعرها وهياتم ركبته لزينب في شعرها ساعتها غانم جه وشاف المنظر ومنظر دهبيه وهي مڼهاره رمى عليها يمين طلاق واخذ ذهبيه فسحهت وودتها كوافير عشان يظبطوا لها الباقي من شعرها وما تتقهرش لحد ما ناس كثير اتوسطوا له انه يرجعها وانها ما لهاش مكان ثاني ومن وقتها بقة يزرع فيها القوه وانها ما تسيبش حقها لحد ما بقى عندها 16 سنه وابوها بدا يتعب وهي كانت في المدرسه متفوقه بس سابتها عشان ما تسيبش ابوها لوحده لان في الوقت ده زيدان كان بدا يشوف شغله بره ولسه في بدايته وما كانش هيقدر على كل المحلات والمحلات بتاعته بس من وقت للتاني كان بيروح لدهبيه ويقف معاها ويمشي معاها الشغل ويعلمها وهي كانت بتحبه لانها كانت بتستجدعه فضلت تحبه من طرف واحد لحد ما تمت 18 سنه
غانم : بقول لك يا دهبيه جهزي نفسك عشان فرحك وكتب كتابك على زيدان كمان اسبوع
دهيبه : بالسرعه دي يابا طب على الاقل خذ رايي
غانم : اسمعي كلامي يا دهبيه ما فيش وقت امك وحشاني وعايزاني اروح لها
دهبيه : يابا ما تقولش كده بالله عليك
غانم : بصي يا بنتي المۏت علينا حق خليكى قويه يا دهبيه واوعي تعرفى لحد نقطه ضعفك ابدا هيستغلوها واسمعي الكلام اللي هقوله ده كويس
اوعى يا دهبيه حد يتوقع رد فعلك هيعرفوا ساعتها يدخلولك منين واخرك ايه اهدى وفكرى مره واتين بعقل وماتعرغيش حد بتفكرى فى ايه اى حد مها كان قريب منك القلوب يابنتى قلابه
دهبيه : حاضر يابا اهدى واوعدك انفذ كل كلامك
وعد اسبوع واتجوزت الذهبيه زيدان وجاب لها شبكه قيمتها كبيره وقتها اتجوز في شقته اللي كان قاعد فيها لحد ما يجيب شقه ثانيه ويوضبها ونفذ وعده مع ابوها وكتب لها المحل الجديد بدل ما يكتب قايمه ومن وقتها حب زيدان بيكبر فى قلب دهبيه لحد ما في يوم راحت للدكتوره هي وايه صاحبتها عشان تعرف سبب تاخير الحمل و عملت التحاليل وعرفت وقتها انها كانت بتاخد ادويه منع حمل وهي لسه بنت وده سبب لها عقم وفضلت تتعالج منه لحد ما تمت ٢٧ سنه وايه صاحبتها ساعدتها لانهادكتوره نسا وتوليد و كانت معاها خطوه بخطوه وصحاب من وهم اطفال
فاقت من زكرياتها على صوت التليفون
ايه : عامله ايه يا دهوبه
دهبيه : كويسه يا حبيبتي
ايه : والولاد عاملين ايه
دهبيه : كويسين الحمد لله تصدقينى لو قلتلك انى حاسه بحركتهم من دلوقتي
ايه : هههههههههههه اصدقك
ياترا ايه حكايه ان دهبيه لسه حامل يا نجماتى ؟؟ 😱😱
