رواية ورده في وسط الصعيد البارت الثالث عشر بقلم الكاتبه الصغيره حصريه وجديده

رواية ورده في وسط الصعيد البارت الثالث عشر بقلم الكاتبه الصغيره حصريه وجديده 
بالليل كانت وردة والبنات جوة كلهم واقفين حوالين امل ومبسوطين كان الكل فرحان ماعدا جميلة وفرح لانهم شايفين ان امل متليقش بهم يلا نسيبهم هما مع حقدهم كانت وردة مبسوطة اوي لان دي اول مرة تحضر خطوبة او مناسبة في الصعيد كان عاجبها الاجواء اوي وشايفة الطيبة والحب في عيون الناس قربت من امل اللي كانت مبسوطة لانها اخيرا بقيت علي اسمه وله هو بس
وردة وهي بتحضنها الف مبروك ي حبيبتي
امل الله يبارك فيكي ي وردة انا بجد مبسوطة اوي
وردة ربنا يسعدك دايما ي امولة
الجدة صفاء بت ي صفاء
صفاء نعم
الجدة بطلي تنطيط شوية وروحي جيبي الدهب يلا عشان تلبسيه لامل اتاخرنا
صفاء حاضر
راحت صفاء بسرعة وجابت الدهب وقعدت جمب امل ولبستهولها اول ما خلصت ارتفع صوت الزغاريط والكل بدأ يبارك لهم
تسريع الاحداث
في القصر في اوضة عمر ووردة كانوا قاعدين مع بعض وبيتكلموا
وردة انا مبسوطة اوي ومش مصدقة انا اول مرة احضر مناسبة في الصعيد كانت الاجواء حلوة اوي والكل كان فرحان
عمر دي احسن حاجة هنا ي حبيبتي ان كلنا يعتبر عيلة وحدة فتلاقي الواحد بيتمني الخير للتاني
وردة امم كانت ليلة حلوة بجد وامل كانت فرحانة اوي
عمر بصي ي وردة احنا لنا عادات وتقاليد والعادات فيها ظلم للبنت واحنا مينفعش نكسرها ابدا بس انا مع حبهم هنا الحب حرام معني انك تحبي والكل يعرف دي ڤضيحة الصعيد زي ماليه مميزات ليه عيوب البنت هنا بتتجبر تتجوز اللي الاهل بيختاروه ومش مسموح لها انها ترفض ومش مسموح لها انها تحب انا ضد كدة لان لازم يكون في مساواه الولد عادي انه يحب والبنت كمان بس في نفس الوقت يكون حب في الحلال يعني مينفعش تعمل حاجة غلط والحجة الحب وهو زي ما هو بيحبها لازم يطلب ايدها ويحبها في الحلال اقولك الحب ي وردة غريب اوي فجأة بتلاقي نفسك بتفكري في حد ومش قادرة تبعديه عن تفكيرك وخصوصا لما تشوفيه بتبقي حد تاني هو كدة الحب متعرفيش امتي وازاي واللا حتي اي السبب ودي احسن حاجة فيه
وردة ياه اي دا كله بس تصدق عندك حق
عمر طبعا وعشان كدة بقولك ان انا مع حبهم يعني انا عارف من زمان ان احمد بيحب امل وكمان ادهم وصفاء وانا معاهم لاني واثق فيهم هما الاربعة وعارف انهم مستحيل يعملوا حاجة غلط
وردة طب دلوقتي احمد اخد امل ادهم مش ناوي يعملها
عمر لا لسة حكايتهم طويلة جدي مدي كلمته لادهم من سنين ولسة لحد دلوقتي متخطبوش لحد ما ادهم بقي شاكك انه ھيموت ومش هياخدها
وردة اكيد جدك في دماغه حاجة من ورا التأخير دا
عمر ايوة جدي محدش يقدر يفهم هو بيفكر في اي
وردة بس هو حكيم في تصرفاته والواحد بيثق فيه وفي كل كلمة بيقولها لانه بيبقي قد كلمته
عمر بقولك ما تبطلي كلام ويلا بقي عشان ننام واللا انتي مش هتنامي
وردة هنام انا تعبت اصلا