رواية بنت الدوار الحلقة الثانية 2 حصريه وجديده
رواية بنت الدوار الحلقة الثانية 2 حصريه وجديده
مسحت عينيا بعد ماتنفخو مالبكا وشمرت على يديا وقعدت نقي فهديك الشمبرة وانا كرشي تتلوى من الجوع اصلا متعودة نضل قاع النهار بلا ماناكل تامنو مرات مانلقو مانديرو للفطور وللعشا نخبزو فطير وناكلوه مع لتاي كملت خملت قشي واش من قش 2سليبات وستيان واحد وبيجامة والساجدة لي حكيتلكم عليها وبس هادا هو قشي والله يخلف على ناس لي جاو باركولي ومدولي دراهم باه شريت فراش وهاد القش لي حكيت عليه غسلت وتوضيت صليت لحقت انا ووقت العشا ورحت ماعرفتش وقتاش يحل ريسطو شفتهم يروحو رحت معاهم بعد مالبست ساجيدتي فوق البيجامة لان نخاف واحد يوشفني وانا هاك رحت ويا خياتي ونشوف وحد لشان كحلة بلاك 500بنت واقفة قدامي سقسيت وحدة قاټلي روحي اشري تيكيات ورواحي ديري لشان دوك يداتيلك هداك كي تلحق نوبتك وروحي دي ماكلتك رحت قلت اواه انا دراهم عندي قيس مانشور مانجمش كل يوم نضيعهم على عشا ما علباليش بلي هدوك تيكيات الف تفوتلي
سمانة... قعدت نشوف والقنطة حاكمتني واش جابني انا هادي مش بلاصتي شفتهم يفوتو يدو الخبز ويروحو عرفتوهم شكون هدوك لي يطيبو وحدهم يعيفو الماكلة تع الريسطو رحت انا تاني كيفهم ديت الخبز وشفت يعني من جيهة الماكلة يمدو بلا تيكي يعني عادي مانقدرش ندي ديسار مانيش لموالفة ناكلو المهم ناكل لي كاين قلت لوحدة مدتلي بلا من عندهم ورحت ديت كانو دايريين روز وسلاطة...
عمرتلي فرحت انو لقيت حاجة نسد بيها الجوع وحمدت ربي على هاد النعمة مالقيتش طابلة فارغة رحت قعدت مع بنات كانو لابسين لي شورت تع جينز وبيستي برك صدورهم وفخاضهم كل عريانين وقاعدين ياكلو يضحكو وهوما سمنات شويا قلت سلام رجعولي وشافو فيا وحد النظرة فهديك اللحظة عرفت بلي الفقر يذل شافولي مالفوق للتحت وشافو في بعضاهم وضحكو قعدت حسيت بالدمعة لاصقة في شفاري كي عدت معاهم خلو بلاوات وناضو راحو قد ماكنت جيعانة بصح حسيت بالفرق بين الغني والفقير قلبي تبلع...
حطيت شويا
خبز في فمي والله ماقدرت نبلعو قعدت نشطوف في بلاواتهم خلو الجاج كيما هو وخلو ياغورت تاني انا هادو الصوالح ممكن ناكلهم مرة فالعام قلت شوف اربي ناس ترمي فالماكلة وناس تخمم طول النهار واش توكل ولادها ماقدرتش دمعتي نزلت رحت رفدت هداك البلا وصلت وين يحطوهم قاټلي هديك لي تغسل فرغيه قعدت نشوف فيهم يجو يرمو الماكلة في لابوبال ويرمو حتى الخبز واللحم اقسم بالله يالبات حسيت روحي رح نتعذب انا اذا رميت هاديك الماكلة قټلها لالا مانقدش نرميها كاين ناس مالقاوهاش وحطيتلها البلا ورحت وخليتها وجبت معايا الخبز هبطت لشمبرتي فوتت هديك الليلة غير دموع ولحق وقت الرقاد انا عمري في حياتي مارقدت وحدي صدقوني يالبات بت عينيا محلولين حتى اذن الفجر....
يتبع
