رواية بنت الدوار الحلقة الرابعة 4 حصريه وجديده
رواية بنت الدوار الحلقة الرابعة 4 حصريه وجديده
كي قاټلو نور هاك قلي صحا ونتي كيفاش نتواصلو معاك قتلو رانا نقراو مع بعض قاټلو نور اي حاجة نبعثلك انا فالفيس قلها اوك وراح قعد في بلاصتو دخل الاستاذ تاني نفس الشي تعارف برك وليكس بوزي لحق وقت الفطور خرجت انا نور قټلها ايا بالسلامة قاټلي رايحة لاسيتي قټلها لالا رح نقعد هنا قاټلي وماتفطريش قټلها لالا مانقدش نروح يفوتني الوقت قاټلي كاين بيتزيريا قريبة منا نروحو ناكلو قټلها لالا شبعانة قاټلي هيا نوضي كيفاه شبعانة رحت انا وياها نمشو ونحس روحي رح نتبهدل اول مرة ندخل مانعرف كيفاه ناكل ماعندي باه نخلص نحطيت فوحد الموقف الله لايحط وحدة في بلاصتي وصلنا دخلت حليت فمي حكمتني من يدي شفت فيها غير ليكوبل قاعدين وياكلو وحاكميين يدين بعض قعدنا دوك كراسا عاليين مع طوابل تاوعهم حسيت روحي ماشي مرتاحة راحت نور ورجعت شويا وجابولنا بيتزا انا عمري في حياتي لا كليتها نشوفها غير فالتيلي...
قعدت حشمانة وخاېفة في نفس الوقت ماعنديش باه نخلص قعدت نور تاكل وانا مخلوعة فالناس حتى قاټلي كولي مالكي رفدت ماعرفتش حتى ناكل بهدلت روحي بالمايونيز حتى مسحتلي نور وقاټلي كولي ماتحشميش الماكلة مافيها حشمة رجعت هي تاني وسخت روحا وقاټلي مسحيلي شفتها بلي تقصدت دير هاك باه ماتحرجنيش كملنا
وشربنا ليموناد كي لحقنا للخلاص الډم هرب مني هبط لرجليا جبدت هديك عشرينلف لي في كرطابي ورح نبكي لان هادي رح نشور بيها ومانقدرش مانخلصش ياربي كيفاه ندير حتى قاټلي نور والله ماتخلصي انا لي عرضتك خليها نهار وحداخر ياخياتي وحد الفرحة فرحتني ان شاءلله ياربي عمرها لاتتغبن في حياتها خلصت وخرجت فرحانة
رحنا قرينا ورجعنا مع بعض لاسيتي قاټلي وريلي شمبرتك رحت طلعتها معايا قاټلي شمبرتك شابة رح نشوفو شاف بافيو ونتنقل معاك راحت نقلتها معايا فرحت مين جات واخيرا وحدة تونسني قاټلي نروحو لشمربتي نجيبو دوزاني رحت لشمبرتها حليت فمي تحسب شمبرة تع عروسة ماشي فالاقامة جبدت فاليزتها قعدت تلم وقاټلي نتي رفدي السلة تع ماعن قټلها هادو كلش لواش قاټلي باه نطيبو قټلها في قلبي الماعن لي عندك والمصروف لي جايبتيه هنا دارنا بالكل مافيهاش نرفد وحالة فمي قعدنا نوصلو غير بالشويا لحق وقت العشا قاټلي هيا نجيبو ونجو دات دوك قوابس بورت مونجي وطالعة في بيجامتها قاټلي لبسي بيجامة برك قټلها لالا نحشم قاټلي معليش كيما تحبي طلعنا راحنا شرات تيكيات لتما عاد عرفت شعال وراحت مدت لوحدة تعرفها داتتلنا ورحنا عمرولنا العشا ديناه وهبطنا كانت جابة ريزيطونس قشرت البطاطا قليناها بالبيض ودرنا سلاطة مع هداك الديسار بلاك اول مرة نتعشا فرحانة قعدنا نحكو وناكلو كملنا غسلنا
ماعن وقعدت ترتب في صوالحها فالخزانة هدا قش وهدا مكياج وهادو روايح وكريمات حتى مالقات وين دير قاټلي ندير فخزانتك قټلها ايه فتحتها انا حشمت شافت فيا ومن بعد قعدت ترتب ونص قشها نقلاتو عندي قاټلي زهيرة ماتخليهاش في قلبك هاوليك كل صوالحي ولي حبيتي ديري ولي حبيتي البسي رانا خواتات ومابيناتناش حسيت بلي غضتها....
يتبع
