رواية بنت الدوار الحلقة السادسه حصريه وجديده
رواية بنت الدوار الحلقة السادسه 6 حصريه وجديده
وصلت لشمبرتي فتحت ودخلت عيطتلي نور قاټلي انا مانقدش نجي اليوم زادت كملت عليا كانت جايبة فالشمبرة الخضرة وانا جبت الخبز معايا من الدار دارتوهلي ما قاټلي باه ماتجوعيش لبست بيجامتي وسيقت الشمبرة وقعدت وليت رحت للخزانة لقيت السيشوار قلت نمشط شعري مايقعدش كي الديسة جبدتو ومشطت شعري رجع حرير شعري طويل بصح خشين رجع حرير كملت رحت للمكياج تاعها درت منو مانعرفش قعدت غير نلبز في وجهي وليت قعدت نقيس في لبسة نور ونشوف في روحي فالمراية تامنو ماعرفتش روحي قاع تبدلت 180درجة قلت ياه اللبسة والحطة تلعب دور فالجمال كلشي قستو وعجبت روحي وليت قلعت ورحت درت روز بلاصوص للعشا تعشيت حتى سمعت لبنات فالكولوار دايرين موسيقى تحسب ديجي والزغاريت انا خفت في بلاصتهم وليت شفت ماقالولهمش قعدت نشطح غير في شمبرتي حتى عييت رقدت فهديك الليلة من التعب وصباح نضت غسلت وجبت الحليب شربت مع كرواسون وليت رحت لبست ساجيدتي ورحت للجامعة قعدت نستنا حتى شفت هيثم درت روحي ماشفتوش حطيت راسي حتى قلي صباح النور درت روحي ماسمعتوش قلي واش بيه الزين مايقيمش قاع رحت دخلت للكلاسة وخليتو جبدت صوالحي حتى دخل البروف شفتو جاي قلي نقعد حداك نور مزال ماجاتش سكت قعد حدايا قلي زهور واش بيك نخلعت اول مرة واحد يدلعني قتلو مابيا والو قالي وعلاش ماتحكيش معايا كاش مادرتلك...
قتلو لالا مانحبش المداسرة قلي بصح صاي هنا دوك نكملو العام قاع مع بعض ورح نرجعو اصدقاء وكل يوم نتلقاو لخاطر ليكسبوزي قلي لازم دخلي روحك فينا وتوالفي داسرينا قتلو لالا مانقدرش خويا مايحبش كون يسمع بيا ېقتل.. ني...
حتى نطق البروف واش ياطيور الحب قلي عاوديلي واش كنت نقول سكت حسيت الحمى طلعتلي قلي ارفدي صوالحك وخرجي خلاص حسيت المۏت دخلتني قتلو استاذ تعيش واىله مانعاود قلي قټلك خرجي خرجت ثعدت نبكي حتى شفت هيتم لحقني ويضحك قلي يا المهبولة تبكي قتلو بسبتك خرجني قلي ماتخافيش مايدير والو قتلو بصح دوك ننعد غايبة شكون يدخلني بويا مايحبش يجي ولوكان يسمع يقلي درتي المشاكل قلي خلاص تبعيني قتلو لا بسبتك ونزيد نتبعك لالا قلي هاي وماتخافيش قلي نجيبو البيي قتلو واش قلي باه تدخلي تق اي قتلو كيفاه قلي هايا رحت معاه وانا خاېفة وحسيت الناس يشوفو فيا بلي راني نمشي مع شير ومن بعد حبست خليتو بعد شويا وانا وراه خفت ناس يشكو فيا ويوصلوها لخويا
دخىنا للادارة قلي استناي هنا دوك نجي قعدت نستنى شويا وجا رافد 2قصاصات قلي هاوليك البيي قتلو كيفاش قلي صاحبي جابهملي يخدم هنا وجيت حتى لنور...
يتبع
