رواية حبيبتي_البريئة البارت السادس بقلم_سديم حصريه وجديده
رواية حبيبتي_ _البريئة البارت السادس بقلم_سديم حصريه وجديده
باليوم التاني ...
كانت رهف لسا مو نايمة قامت وقفت قدام المراية ....بتتأمل وشها التعبان وعيونا الي متل الجمر وهيه بتحكي مع حالا ...
رهف انا كيف درست حقوق ومو قادرة احكم ع ابي بالعدل ع اي اساس درست قانون وانا هيك ضعيفة درست لحتى امسك الي عمي بس شكلي انسانه فاشلة ومو حمل هالشي انا ما فيني كون مع يزن وابي بالسجن طول العمر سامحني يا روحي ..
مسكت تلفونها واتصلت ع نبيل ...
نبيل باقي نص ساعة وانا بطريقي للمحكمة قلت ممكن رهف عنيدة ..
رهف انا موافقة اتزوجك بس بشرط ..
نبيل الي هو !
رهف زواج عالورق وبس وكمان بعد اسبوع بتجي بتتقدملي انا هلق مو جاهزة قول موافقة بدي وقت لاتقبل هالشي ...
نبيل وانا موافق زواج عالورق لحتى ترضي يصير حقيقي .. وكمان..
سكرت الخط بوشو تلفونها بالارض ...
رهف الله يلعنك حقېر ااااه يا ربي خدني وريحني ... رن تلفونها فكرته هو اجت لتفصل الخط بس كان يزن قعدت عالارض وصارت تبكي ما قدرت تفتح الخط وتسمع صوته قفلت تلفونها ورمتو جوا الدرج ..
اتصل يزن كثير ع رهف بس كان هاتفا مغلق ..
يزن بحيرة غريب مغلق ..مع انه رن اول مرة ممكن مافي تغطية حط تلفونه
عالطاولة ورجع مسك كتاب كان يقراه ...
كانت ترتجف وجبينا يتصبب عرق وهيه بتهلوس ...
زينب شو صرلك يا روحي ليه هيك فجأة تعبتي ..
جمال لا تخافي حبيبتي قلي الدكتور هلق بترتاح عالدوا ...
بعد فترة غفيت رهف وراحت حرارتا غطت بنوم عميق ...
المسا كان واقف قدام باب البلكون وحاط ايديه بجيابه وهو عم يتأفف بضجر ..
يزن وينك رهف ماعاد فيني اصبر لبكرا ح اتصل بسارة ...
رنلا ...
سارة اهلين يزن
يزن سارة تواصلتي مع رهف اليوم ..
سارة لا من الصبح برنلا وتلفونها مقفل ..
يزن طيب بتقدري تحاكي حدا من اهلا وطمنيني عنها ..
سارة يلا ثواني رح شوف خالة زينب وبخبرك ..
يزن ناطرك...
اتصلت سارة ع زينب وخبرتا انها كانت تعبانه كثير وهلق نايمة ..
سارة يزن انا حاكيت خالة زينب وقالتلي رهف كانت مرضانه وهلق نايمه انا رايحه لعندا وبس صحيت بخبرا تحكي معك ...
يزن طيب شكرا سارة ..
سارة العفو ولوو
راحت سارة لعندا قعدت جنبا وحاولت تصحيا ..
سارة رهووف قومي ما ارتحتي شوي..
فتحت عيونا بتعب وهيه حاسة بصداع شديد ..
رهف سارة انتي هون
سارة اي يا روحي كيف صرتي ..
رهف أحسن ...
سارة بتقدري تحكي مع يزن هو قلقان عليكي كثير ..
دارت راسا لجهة التاني ونزلت دموعا بصمت ..
رهف ما بعرف اذا فيني حاكيه لما لا ..
سارة ليكي ابن الحلال عند ذكره ببان عم يتصل خدي حاكيه ..
فتحت الخط وعطتا التلفون ...
يزن الو ما صحيت لسا
رهف مبلا صحيت ..
يزن حبيبتي...سلامتك يا قلبي كيف صرتي
رهف منيحة كيفك انت
يزن هلق صرت منيح دخيل قلبك صوتك تعبان بتقدري تقومي لعند شباك غرفتك بدي شوفك رح جن ....
رهف بغصة انت هون
قامت بتعب وهيه بتتماسك حتى ما توقع وقفت عند شباك غرفتا كان واقف تحت الشباك والدنيا مطر سندت حالا عالشباك و لما شافته ابتسمت لا ارديا ..
رهف بتحاكيه بالتلفون حبيبي برد ومطر ليه واقف عندك ح تمرض ..
يزن اااه يا روحي شو مشتقلك رهف انا بدونك بمۏت ..
نزلت دموعا وحكت بصوت مخڼوق ...
رهف بعيد الشړ عنك لا تحكي هيك ...
كان حاسس بڼار شاعلة بنفسه يطلع لعندا ويخبيا بين
