رواية أشواك_في_القلب الفصل الاول والثاني والثالث بقلم روان_الشبلاق حصريه وجديده

رواية أشواك في القلب الفصل الاول والثاني والثالث بقلم روان الشبلاق حصريه وجديده 
المقدمة
لما نكون منبوذين بالعيلة بسبب افعالنا وشغلنا الشاغل المصاري ويكون هالشخص المنبوذ هو أمك  
لما تكوني المختلفة بين اخواتك وهمك الوحيد تحافظي على حالك وعلى ابوك
ولما فجاة يجي الغدر الاكبر من أقرب الناس أمكاختكزوجك يلي هو حبيب اختك 
خېانة وألم بكل اتجاه وبعدين
أشواك في القلب
الكاتبة روان الشبلاق
الجزء الاول والثاني والثالث
صبايا القصة كتير حساسة عن قصة واقعية مع تغيير بالأحداث
نسرين . الو .. اي ياكلب وينك صرلك يومين ماعم تتصل ولا عم شوفك
عادل. هلأ هيك الحق علي الي بتصل فيكي
نسرين. اي بجهنم عمرك ماتتصل 
عادل. خرسي شو عم تسوي
نسرين. ولاشي قاعدة جنب ابوي قرفني حالي وهو عم يستفرغ كل شوي
عادل. لسا مامات ابوكي
نسرين. لا ياريت 
عادل. ههههه الله لا يوفقك
نسرين. لك اييييي لا هوي عم يمشي ويتحرك ويبلش بحالو ولا عم ېموت ونرتاح 
مشلۏل بدو حدا 24 ساعة يظل بلشان فيه
عادل. عقبال عندك مايصير فيكي متلو تصيبك الجلطه وتنشلي
نسرين. سدو لحلقك يا ابن ال.... 
عادل. ههههه وينن امك واخواتك
نسرين. ماما بتكون راحت تدور على شي حدا تنصب عليه يييي قصدي تدين منو مصاري
عادل. ههههههه
نسرين . وخواتي حنان عم تقرء قرءان كالعادة 
و بيسان طلعت مع حبيبها اسامة
و ايمان وعبير وندى بالغرفة التانية عم يتمكيجو ويزبطو شعرن وهيك
عادل. اديش رح تاخد بيسان من اسامة على هاد المشوار الي طالعينو اديش التسعيرة ههههههه
نسرين. خراس خنزير شو عرفني اديش بتاخد منو 
بلكي مافي هالشي الي ببالك
عادل. هههههه اييي مافي ماا
العما بقلبكن شو هالعيلة هي ياربي دخيلك 
اذا الام ڼصابة وبنت حرام هههههه
نسرين. اي بدنا نعيش هههههه 
نحن 5 بنات بالغربة مع اب مشلۏل لو عنا اخ شب يصرف علينا يمكن كان الوضع غير
عادل. لك حاج حكي امك من يوم يوما معروفة بين كل العالم من لما كنا بسوريا 
واصلا ابوكي ما انجلط الا من وراها
نسرين. اي ولله انت شو صاير عليك عم تحكي من قلب بارد حبيبي بدنااا نعيش
عادل. هلأ شيلينا من هالحكي الفاضي شو بس انتي قاعدة لا شغلة ولا عملة اجي اخدك ونطلع شي مشوار
نسرين. وهاد المشلۏل الي جنبي اليوم دوري ابلش فيه مارح اقدر اطلع
عادل. عم تحكي وانتي جنبو مابتخافي يسمعك 
نسرين . عادي بلكي بتصيبو جلطه تانية وبنرتاح لانو متل الهم عالقلب
عادل. طيب ايمت بدي شوفك
نسرين. لك ييييي سكر سكر هلأ لانو استفرغ من كتر ماعم يسعل 
سكر هلأ بااي
عادل. باي
نسرين بصوت عالي. اييي وبعدين مع هالحالة 
لك قرفت حالي 
لك الله يخلصنا 
لك يلعن .... 
وبعدين يعني شو هالقرف لأيمتى بدنا نتحمل 
شو هاد يااا 
متل الهم عالقلب
حنان سمعت نسرين عم ټعيط على ابوها 
دخلت لعندا عالغرفة
نسرين. تفضلي يا انسه حنان شوفي ابوكي مو بتحبيه تفضلي نضفي هالقرف من الصبح على هالحالة 
حنان. لك الله لا يوفقك لك انتي مابتخافي من الله سمعتك عم ټعيطي عليه 
لك مابتخجلي من حالك هاد ابوكي
نسرين. والله مزال قلبك عليه ابلشي فيه انتي 
ويكون بعلم الكل انا ماعاد الي علاقة فيه ويادوب ابلش بحالي 
انا مو مجبورة ضيع ايامي وانا قاعدة جنبو ومتحملة هالقرف
انتي مو شيخه وعاملة حالك عم تقرأي قرءان بالغرفة التانية 
تفضلي اقعدي جنبو واقرءي جنبو وابلشي فيه بنفس الوقت
بما انك اسم على مسمى حنان كتير حنونة ماشاء الله
حنان. لك وطي صوتك لك يعني اذا مابيحكي ومابيتحرك 
مابكون عندو مشاعر مابحس ومابيسمع
نسرين. لك يسمع انا بدي ياه يسمع 
يلعن ..... هالعيشة
حنان. ليش عم 
نسرين. حلي عني ياه الله الي بدو يحاسبني مو انتي
حنان. الله يسطفل فيكن بس انتي واخواتك الله لا يسامحكن
نسرين. انقلعي جيبي شي نضفي المكان واعطيه سم الهاري الدوا احسن مايظل يستفرغ 
صارت ريحة الغرفة بتقرف
نضفت حنان المكان ورتبتو وبدلتلو تيابو لأبوها
اتطلعت بأبوها وشافتو عم يبكي مسحتلو دمعتو بأيدها
حنان. لا تهتم لحكي نسرين هي من يوم يوما هيك انانية ومابتفكر غير بحالها
هي انا معك وانا رح دير بالي عليك وظل جنبك
امانة لا تظل زعلان كرمالي مو انا حنان حبيبتك واصغر بناتك واغلاهن ع قلبك
نيمت حنان ابوها وقعدت جنبو تفكر
حنان في نفسها. اخ يا بابا ع هالحياة الي عشتها مع ماما 
كيف تحملتها كل هالسنين 
كيف كنت تسكت على عمايلها
يمكن بسببها انت عشت كل عمرك بالغربة وتشتغل وتبعتلا وياريت كان يعجبا
كنت تنزل كل سنة شهرين على سوريا وماتسدق ايمت يخلصو وترجع تسافر
عشت كل حياتك معا نكد ومشاكل 
حرمتك ماما من كل شي حلو بالحياة 
حتى من اهلك امك وابوك واخوتك
الي كان يجي علينا كانت تقلعو
وحرمتنا نحن نروح عليهن 
من ونحن صغار علمتنا انو هن اعدائنا ومابحبولنا الخير وانو بغارو منا
ومع الاسف خواتي البنات سدقوها وطلعو متلها واپشع
مافي مين يمنعن على شي ولا يقلن لا 
بالعكس ماما بتشجعهن عالغلط
انا الوحيدة بأخواتي الي پتكرهني ماما لانو مابحب تصرفاتها ولا برضا بالشي الي بعملوه
اوووف يا بايا لو تعرف شو عم تعمل فينا وبالعالم
الشباب عم يفوتو ويطلعو عالبيت لعڼا بفوتو لعند خواتي قدام عيون امي وهي ساكتة ورضيانة 
وعاجبا هالشي وبتفتخر
ياريت بس هيك
ماما عم تدمرنا وانا كتير بخاف منها ومن عمايلها السودة
ومافي مين يوقفا عند حدا 
من لما طلعنا من سوريا قطعت علاقتنا بكل قرايبنا
وهلأ وين في حدا هامل وصايع بتفوتو ع حياتنا وبيعجبها 
واي وحدا بتتعرف عليها بتكون بتحبا وبترافقا 
اما الناس المنيحة بتبعد عنن
من كل عمرا بتغار من زوجات اعمامي وبتكرهن وبتحقد عليهن لانو هن عندن اولاد وهي ماعندا غير بنات 
من كل عمرا مابتحب الخير لحدا 
والحقد عامي على قلبا
معقول هي ام مافي بقلبا لو ذرة مخافة من الله
قدام الناس مابتشيل المسبحة من ايدا
وهي بالحقيقة رايحة جاية تسحر بالناس
يا الله شو اذت ناس بنعرفن 
وشو فرقت بين ناس بحبو بعضن
شو اخرتها يا ماما شووو 
انفتح باب البيت وكانت ام نسرين
نسرين. امي ! شو وين كنتي 
ام نسرين. شو دخلك وين كنت مين في عند ابوكي 
نسرين. حنان عندو كانت عم تنضف وراه كل شوي عم يستفرغ
ام نسرين. ايمت الله بدو يخلصنا ااايمت ليكي بدي اسألك عندك صورة تكون حلوة لأختك حنان
نسرين. ايواا هاد الناقص انا بدي شيل صور لهي الحيوانة بموبايلي 
بس لشو بدك الصورة
ام نسرين. هاد مو شغلك
نسرين. لمين بدك تبعتيها ومقابل شو 
ام نسرين. لك انتي شو دخلك انقلعي من وجهي
بعد مرور اكتر من ساعة ..
دخلت ام نسرين ع غرفة بناتها
ام نسرين . حنان شو بدك تساوي هلأ 
حنان. بدي اتحمم ونام
ام نسرين. اي تحممي وتعالي نامي معي بالغرفة عند ابوكي انا تعبانة اليوم مشان اذا احتاج شي
حنان. ماشي هلأ بتحمم وبجي
طلعت من الحمام حنان ولبست بجامة حلوة 
دخلت ع الغرفة لعند امها وصارت تمشط شعرا وفردتو
كانت امها عم تصورها فيديو وصور بدون ماتنتبه
طبعا حنان بنت كتير حلوة متل القمر احلى شي بأخواتها
ام نسرين عم تحكي مع شخص من دولة تانية ع الواتس
ام نسرين . هي بعتلك صورة بنتي هي احلى وحدا ببناتي
ابو خالد. لااا مو معقول شو هالجمال شو هالجسم 
ام نسرين. ايمت رح تبعتلي المصاري 
ابو خالد. لا بالأول بدي فيديو لحتى اتأكد انو هي بنتك وانو الصورة مو من النت
واذا فعلا هي بنتك اطلبي واتمني بس مقابل شوف هالملاك
ام نسرين. بعتلك فيديو وهلأ طالعه من الحمام عم تزبط شعرا
ابو خالد. بكرااا ببعتلك حوالة بالمصاري
واذا بتخليني احكي معها 
ببعتلك مصاري اد مابدك ومابخليكي تحتاجي شي
ام نسرين. انا ماعندي مشكلة بس بنتي هي مستحيل توافق
ابو خالد لما شاف صور حنان عجبتو كتير وجن لما شافها وصار بدو يحكي معها 
ابو خالد. حاولي معها قوليلها بجيبلها دهب وبعطيها مصاري مقابل نحكي فيديو 
وشو مابدها بصير
ام نسرين. بكرا بحاكيها 
هلأ رح ابعتلك اسمي وحولي بكرا المصاري
ابوخالد. اكيد تكرم عينك
حنان. ماما مع مين عم تحكي بهالوقت
ام نسرين. مو مع حدا قومي طفي الضو خلينا انام
يتبع بالجزء الثاني ..
أشواك في القلب الكاتبة روان الشبلاق
الجزء الثاني
تاني يوم ام نسرين وحنان ونسرين قاعدين بالغرفة 
ام نسرين. حنان شو رأيك اعطيكي رقم واحد معو مصاري كتير وكبير بالعمر
اضحكي عليه بكلمتين واسحبي منو مصاري 
حنان. شوو شو عم تحكي
ام نسرين. اي وين المشكلة هو من دولة تانية ومعو مصاري مابتاكلا النيران
وختيار
اذا بتحكي معو بنت بينهبل وفورا بيعطيها الي بدها ياه
حنان. لك مو معقول لك انتي ام وعم تحكي هيك ياعيب الشوم بس
ام نسرين. لك اسمعي مني رح يدللك ويلبسك دهب ويسويلك كل شي بدك ياه
وانا ماعم قلك اتزوجيه عم قلك اضحكي عليه بكم كلمة 
وانتي حلوة يعني اذا بشوفك بطير عقلو
حنان. مابدي دهب ومابدي شي منكن والله لا يحيجني لهيك عالم 
العماا في ام بتبيع بنتاا
تركت الغرفة حنان وطلعت
ام نسرين. يقطع عمرك من بين البنات الله يغضب عليكي 
نسرين. امي لا تهتمي لحكيها اعطيني رقمو وانا بحكي معو 
ام نسرين. مارح يرضا شاف حنان وعجبتو وبدو يحكي معها فيديو
نسرين. بعتيلو صورها يعني
ام نسرين. اي بعتلو 
نسرين. هي مچنونة اذا بتعرف رح تفضحك خصوصي انو مسوية حالها شيخة 
ام نسرين. ليش ټفضحني 
ليش انا لو ماعم اتعب وجيبلكن مصاري رح ټموتو من الجوع 
وين المشكلة اذا واحد معو مصاري ومليان ساعدنا وقدرنا نحصل منو شي
نسرين. اييي مالقيتي غير حنان 
لو بعتيلو صورتي كنت حكيت معو انا
ام نسرين. لك المرا الي اعطتني رقمو قالتلي بهمو كتير الجمال مشان هيك بعتلو صور حنان اما انتي على شو بدو يحكي معك لا جمال ولا شي
نسرين. اصلا انا لما بحط مكياج احلا من حنان بألف مرة
ام نسرين. حاجتك كڈب حنان احلا وحدا فيكن
ولو تحط عقلا براسا وتستغل هالجمال كان هلأ معنا ملايين
انا ماعم قول انو تغلط
بس تحكي معو تسايرو تطالعنا من هالوضع الي نحنا فيه
حنان بغرفتها وعم تبكي 
الله لا يسامحك يا امي على هالشي الي عم تسويه فينا 
انتي مستحيل تتغيري كل مرة بقول انو رح يجي يوم واتوبي وټندمي 
بس عم يصير العكس
وصلت معك انو بدك ياني احكي وابعت صوري لشخص غريب مقابل مصاري
لك انتي شووو
بعد مرور كم يوم تعب ابو نسرين واخدوه ع المشفى وكانت معو ام نسرين
بالليل في بيت ام نسرين ..
اندق باب البيت وفتحت نسرين
نسرين. اهلين عادل تفضل فوت 
عادل. مين في جوا
نسرين. بس انا واخواتي فوت
دخل عادل عالغرفة
عادل. مساء الخير كيفكن يا صبايا
حنان. شو جابك انت 
عادل. ولوو شو هالحكي 
حنان. مابتعرف انو لحالنا بالبيت وامي وابي بالمشفى 
شو جابك وبهيك وقت
نسرين. انتي خرسي شو دخلك 
عادل. جايي شوف اذا لازمكن شي واتطمن عليكن
حنان. شكرا الك مو لازمنا شي فيك تروح هلأ
عادل. ليش هيك عم تحكي معي اصلا يكون بعلمك امك هي الي بعتتني لعندكن وقالت ظل معن مابصير بنات يظلو لحالن
حنان. ماحدا بقبل يفوت على بيت مافيه