الحلقه الثالثه ينزل وهو بيطوح

الحلقه_الثالثه
ينزل وهو بيطوح ويطلع ع السلم ويفتح الباب بالمفتاح .. الصاله كانت فاضيه يدخل اوضته وينور النور .. 
روح بعصبيه وتوتر انت اااا ايه اللى هببته دا !!!
زين بضحك ايه يا غزال متعصب ليه .. قربي بس عاوز اقولك ع حاجه 
روح تستغرب طريقه كلامه وضحكته .. وتستغرب اكتر لما تلاقيه يقوم ويقرب عليها وهو ماشي بيطوح وغير متوازن 
روح پصدمه انت شارب !
زين ورينى مش هيحصل كويس ازاى ! 
روح بدموع لا بالله عليك اوعى .. .. فوق يا زين فوووووق 
. مقدرش يتجاهل نظرتها والدموع اللى ماليه عينها .. يبص ع شكلها بتمعن .. بټعيط .. كمشانه ف نفسها .. عينها بقت حمرا من كتر العياط .. خدودها اتلوثت بالدموع .. وشها كله احمر من كتر العصبيه والخۏف .. وجسمها متلج .... يتخض مره واحده ويقوم .. تضم روح رجلها ع صدرها وټعيط جامد .. يلاحظ الغطا اللى ع الارض .. يجيبه زين ولسه بيقرب عشان يغطيها تتخض وتبعد لاخر السرير .. يغمض عينه بضيق ويرميلها الغطا .. تشد الغطا وتحطه عليها .. يقوم يقف وهو بيستغبى نفسه ومضايق انه وصلها للحاله دى .. يدخل الحمام ياخد شور .. واقف تحت الدش بيفتكر .. الميه عماله تنزل ع وشه اختلطت بالدمعه اللى اتمردت ونزلت من عيونه .. يتنهد جامد وبيحاول يهدى او يبطل يفتكر شكلها .. يخلص الشور ويلبس هدومه ف الحمام ويخرج يلاقيها لابسه عبايه وطرحه وقاعده ع الكرسى ومش بټعيط 
زين روح 
متردش عليه وتتجاهله تماما .. زين يحرك ايده ع اخر شعره من ورا بتوتر ويبصلها 
زين انا اسف .. .. اعذرينى معلش 
تبصله بعتاب ومتردش 
زين طب بصي حقك انك تزعلى وانا اضايقت لانى عمرى ما عملت كده مع بنت .. بس انتى برضو غلطانه .. حد ينام بالشكل دا ! 
روح تقوم تقف ف وشه وتستجمع الشجاعه اللى عندها كلها 
روح اولا انا مكنتش اعرف انك هتيجى انا كنت فاكره زى امبارح هتسيبلى الاوضه وتنام بره وانا متعوده انام كده فقولت طالما كده كده لوحدى يبقي خلاص .. ثانيا انا مش غلطانه انت اللى غلطت من اول الموضوع لاخره .. انت مش بس غلطت ف حقى لا انت كمان شربت ونسيت ان دى من المحرمات اصلا وانه ذنب كبير عند ربنا .. يا ترى بقي يا استاذ هتعتذر لربنا وتقوله سورى مكنتش ف وعيي .. وبعدين لما انت وقفت قدام عمى وقولتله انت مش شايف سنى كام ومجوزلى طفله .. طب انت محترمتش السن دا ليه .. محترمتش نفسك من الاول ليه .. طب سيبك من نفسك .. محترمتش الطفله وبعدت عنها ليه وبعدين مش انا طفله قربت ليه وعملت القرف اللى عملته دا هااا !! رد عليا .. ليييييه عملت كده !!!
زين يبصلها بزهول من طريقه كلامها وعقليتها واقتنع بكلام ابوه انها فعلا مش طفله وان دماغها كبيره وشغاله .. استغرب نفسه جدا هى ازاى طفله وازاى قرب منها بالشكل ده .. هو مش اول مره يشوف بنت كده .. .. ازاى مقدرش يمنع نفسه عنها .. وبيتمنى ف اللحظه دى يشدها لحضنه تانى .. استغرب نفسه وتفكيره وهى واقفه قدامه حاطه ايدها ف وسطها ووشها احمر من العصبيه وعينها بتبصله پحده كأنها هتحرقه بيهم .. يقطع تفكيره روح اللى فكت ايدها وحركتها