نوفيلا سر مدفون بقلمي فاتن جمال واقعية الفصل الاول حصريه وجديده

نوفيلا سر_مدفون بقلمي_فاتن_جمال واقعية الفصل الاول حصريه وجديده 
المقدمة غلطة مع الصغيرة
وسر اتخبا مع نايا وتزوجت وماانكشف هالسر
كيف اتزوجت
ومين ساعدها
ماض اليم كفيل يدمر الانسان
ماضي بخلينا نعيش حياة صعبة ومعاناة
بخلينا نكره اقرب الناس النا
مين السبب 
ومين دفع الثمن 
الام ولا ابن جاهل 
ولا قدرها خلاها تعيش بهالمتاهة
سر_مدفون
فاتن_جمال
الجزء_الآۆل
ابو سامر اليوم بدنا نروح نبارك لرفيقي عمر ببيتو الجديد جهزي حالك ولا تعترضي
نايا والاولاد بدهن يروحو معنا
ابو سامر عن اي اولاد عمتحكي ابنك صار شب وماحدا راح يجيب اولادو 
نايا لا مابدي روح لكن او مناخد معنا سمر
ابو سامر يامرا والله ماحلوة ناخدا معنا وين مارحنا 
نايا انا ماني رايحة معك
ابو سامر هلق كل مابدنا نطلع مشوار هيك بدك تعملي
والله کرهت حياتي معك من وقت كبرت سمر وانتي هيك
ماضروري بكل مشوار ناخدا معنا
ام سامر بترجاك تركني بحالي انا مابرتاح غير هيك
وخبر بيت صديقك اني مريضة اذا سألوك عني 
ابو سامر اي خليكي قاعدة بالبيت وماعاد قلك تروحي معي ع مكان عيشة بطقق
طلع ابو سامر وخبط الباب ورا
ونايا بلشت بالبكي هي بتحب تروح معو وبتحب زوجها كتير بس مافيها تترك سمر لو شو ماكان السبب
راح عرفكن ع ام سامر نايا عمرها خمس وثلاثين سنة عندها ولدين 
سامر عمرو 18
وسمر 16
منرجع لقصتنا
قاعدة نايا عمتبكي پقهر
سمر ماما بوس ايدك بكفي تبكي ليش عمتعملي هيك
نايا تركيني امي الله يرضى عليكي
سمر امي من وقت كان عمري عشر سنين وانا بشوفك عمتبكي وكل مابدو البابا يروح معك مشوار بتعملي مشكلة
امي انا ماعدت صغيرة تركينا وروحي وانبسطي
بترجاكي انا تعبت كنا انا واخي صغار وبدنا نلعب سوا ماتقبلي كنت وقتها صغيرة ومافكر ليش هيك بتعملي 
بس هلق الف سؤال بدور براسي
نايا شو بدور براسك
سمر ليش بتبعديني عن اخي 
اذا قعدنا نحضر فيلم ممنوع نقعد ندرس ممنوع 
وكتير سألت حالي ليش هيك بتعملي ماعملاقي جواب مقنع 
نايا لان لساتكن صغار 
سمر ماما انا ماني صغيرة وعمتعلم بالمدرسة كلشي 
واذا موواثقة بتعليم المدرسة علميني فهميني شو الصح والغلط وليش هيك بتتصرفي معنا 
ولي بتقسي ع سامر هيك
نايا انا مابقسا علي غير لمصلحتو 
سمر امي رفقاتي بحكولي كيف بقضو يومهن مع اخواتهن وبسهرو سوا وبدرسو سوا وبطلعو مشاوير انا مافيني اعمل متلهن دائما مبعدتيني 
وانا بحبو كتير وهوي بحبني وبخاف علي بس 
نايا بس شو ليش سكتي 
سمر بسبب تعاملك معو عمتخلي يبعد عني 
نايا يعني طلعت بنظرك انا سيئة وظالمة ماهيك 
سمر لا امي ماهيك قصدي بس بدي اشوفك مرتاحة وافهم منك ليش هيك بتعملي 
نايا مافيني مافيني احكي شي انتي مابتعرفي شي
سمر امي احكيلي ريحي قلبك وريحيني
نايا بنتي هالزمن پخوف مابعرف كيف بدي فهمك الموضوع بنتي انا بخاف عليكي من الهوا المارق جنبك 
سمر حتى من اهلي
نايا اي حتى 
سمر ماما شو عمتحكي هذا اخي بتعرفي شو عمتحكي انتي
نايا تركيني الله يرضى عليكي