عوده مېت الفصل السلدس

هترتاح فبقول نمشي احسن
آسر ماشي يا اخويا 
وغادر اصدقاء آسر المنزل وجلس اسر وحيد في الغرفة في ملل حتي جاء موعد مغادرة مريم للمدرسة ففكر في كيف ستعود وحدها مع السائق فقط فقرر ان يتصل بقمر ليطمئن عليها وجاء ليمسك الهاتف فوجدها ترن علية فرد بسرعة
قمر احم اهلا يا استاذ آسر
آسر اهلا يا قمر
قمر الف سلامة علي حضرتك
آسر الله يسلمك
قمر انا كنت عاوزة اطلب طلب من حضرتك ممكن
آسر اة اكيد
قمر انا ممكن اوصل مريم معايا بالعربية
آسر مهو السواق هيجبها
قمر عارفة بس بصراحة يعني خاېفة عليها تيحي مع السواق متقلقش انا هوصلها لحد البيت
آسر ماشي انا موافق يا ستي عشان خاطرك بس
قمر شكرا لحضرتك
آسر خديها معاكي وانا هكلم السواق يمشي وراكو بالعربية عشان يأمنكو بس
قمر ماشي مع السلامة
آسر مع السلامة
اغلق آسر معها الخط وهو يفكر هل ما فعلة صحيح ام لا لماذا هو يأمن لها لدرجة انة يترك اختة معها
نفض هذة الافكار السيئة عن رأسة واخذ يفكر فيما سيفعلة في الهدف الاساسي لة الذي تناساة بسببها هي فيجب ان يظهر نفسة للجميع ويعرفو حقيقتة ويكفي تأخير فهو انتظر كثيرا حتي يعلن عن نفسة وحان الوقت ليفعل ذلك ولكن بعدما يتأكد من شئ ما اولا
في الجهة الاخري
كانت قمر تأخذ مريم بالسيارة 
مريم تعبتي نفسك لية يا مس مهو السواق جة اهة
قمر يعني انتي مش عوزاني اوصلك بقا ولا اية
مريم لا طبعا يا مس انا بحبك اووي ونفسي تبقي معايا علي طول
آسر طب خلاص يبقا تسمعي الكلام وتركبي بقا
جاء السواق باتحاههم اهلا يا فندم استاذ آسر كلمني وقلي امشي وراكو عشان اأمنكو اتفضلو اركبو
قمر شكرا جدا اتفضل انت
وركبت قمر سيارتها هي ومريم وكان السواق خلفهم
قمر روما حبيبتي استاذ آسر عامل اية
مريم الحمدلله يا مس بس هو مش بيسمع الكلام ماما قلتلة ميقومش من السرير بس هو قام بردة 
قمر هههه وانتي بقا مش عارفة تخليا يرتاح ولا ملكيش شخصية بقا
مريم لا طبعا ابية آسر لو قلتلة حاجة بيعملها هو بيحبني اووي وبيعملي كل اللي انا عايزاة ابية آسر دة اطيب واحد في الدنيا كلها انا بحبة اووي اووي
قمر طب بتحبي مين اكتر بقا انا ولا هو
مريم بصراحة يا مس انا بحبك اة بس بحب ابية آسر اكتر 
قمر طبعا مش اخوكي بقا
مريم ابية آسر مش بس اخويا دة كل عيلتي اصلاا هو بيحبني اوووي وهو اللي مربيني ومكانش بيخلي حد يأذيني ولما كان حد بيضايقني كان بيضربة وضحكت وهي تتذكر افعال آسر في الماضي
قمر بتضحكي علي اية
مريم اصلي افتكرت آسر كان بيعمل اية في اللي بيتجرأ ويكلمني بس
قمر طب احكيلي بقا
مريم لا مقدرش اصل ابية آسر قالي محكيش لحد علي حاجة من دي عشان محدش يتريق علية
قمر مش انتي بتحبيني احكيلي طب علي حاجة واحدة بس عشان خاطري بقا
مريم طب توعديني انة يبقا سر بينا
قمر اوعدك
مريم كنت قبل كدة وانا في الحضانة فابية آسر كان ابية آسر هو اللي اصر يوديني اول يوم فلما راح وانا داخلة اقعد لقا ولد عاوز يقعد جمبي راح ابية آسر جية وشال الكرسي من تحت الولد وقالة قوم من جمبها بدل ماضربك راح الواد جري بسرعة ومشي وراح ابية آسر هو اللي قعد جمبي فلما المس دخلت بتقلة انت قاعد هنا لية قلها انا قاعد جمب اختي وتقلة يا ابني ماينفعش دي حضانة وانت كبير مينفعش تقعد مع الاطفال انة يقوم ابدااا وفضل قاعد معايا في الحضانة والمس فضلت تضحك اووي انة اخويا بيغير عليا وانا في حضانة كدة ومدراش يوديني الحضانة تاني عشان فيها ولاد وقعد هو اداني دروس تعرفي كان بيغير عليا لما بابا كان بيلاعبني كان بيحي يتحشر في النص بينا كدة عشان ميلعبش معايا
قمر 
مريم دة في مواقف كتير هي دي حاجة بس الحاجات الباقية بقا لو عرف اني قلتها هينفخني دي كلها مواقف فظيعة
قمر لا بلاش احسن لينفخنا احنا الاتنين
مريم احنا وصلنا بقالنا كتير علي فكرة وابية اسر كدة هينفخنا بجد
قمر طب يلا ننزل بسرعة بقا
ترجلت مربم وقمر من السيارة وذهبوا ليدقوا باب المنزل
ففتحت لهم حنين اية يا مريم اتأخرتي كدة لية دة آسر شايط علي الآخر
مريم يا ختااي يا عيني عليكي يا مريم هتتنفخي النهاردة
حنين وهي تنظر الي قمر مين دي يا مريم
مريم دي مس قمر يا ماما هي اللي وصلتني وابية آسر عارف بس احنا كنا بنتكلم فعشان كدة اتأخرنا هو ابية آسر فوق 
حنين اهلا يا بنتي اتفضلي اة يا مريم آسر فوق اطلعيلة بسرعة بقا وانتي اتفضلي يا بنتي
قمر شكرا يا طنط انا كنت بوصل روما بس
حنين لا طبعا مينفعش تيجي لغاية هنا ومتدخليش اتفضلي يا بنتي اتفضلي
قمر حاضر يا طنط
ودخلت قمر مع حنين الي الداخل ومريم صعدت