مر الإهمال الفصل الخامس 5 بقلم ناهد خالد

رواية مر الإهمال الفصل الخامس 5 بقلم ناهد خالد
مر الإهمال
مر الإهمال
رواية مر الإهمال الحلقة الخامسة
وحشتيني .
وقفت تنظر له بدهشه ماذا أتي به لهنا ! ألم يخبره آخاها أن يأتي بعد يومان! .
وكأنه يقرأ أفكارها حينما قال ببرود وهو يقترب منها حتي أصبح أمامها تماما .
أكرم قالي أجي بعد يومين بس أنا قلت مش من حق حد يحدد أشوف مراتي امتي .
رفعت حاجبها بذهول من حديثه البارد الهادئ توقعت أنه حين يراها سيثور علي ما فعلته وابتعادها عنه طوال الأسبوع المنصرم لكن لم يحدث!
أي يابيبي أنت مش سمعاني بكلمك ! مبترديش لي !
بيبي تلك الكلمه التي تثير حنقها وهو يعلم هذا لطالما تشاجرا بسببها في أول زواجهما ظهر امتعاضها علي ملامح وجهها وهي تنظر له بضيق .
جلست محلها مره أخري تنظر للتلفاز مقرره العمل بخطة والدة زوجها فهو يستحق 
تذكرت حديثها حينذاك وهي تملي عليها خطتها 
بصي هو شايف أنه مش مهملك ولا حاجه أنت كمان اتصرفي زيه تمام ولو مضايقش يبقي أنت الي مكبره الموضوع ولو اتضايق قوليله انا بتعامل زي ما انت بتتعامل معايا بالضبط وقتها لما يحس باحساسك لما بيهملك هيفكر صح ولما يقرر يصلح علاقتكم هيصلحها لكن الكلام والعتاب مش دايما بيجيب نتيجه ماشي هيتفهمك وهيعدل من تصرفاته بس وارد يبقي ده لفتره صغيره وبعدها هيرجع تاني للوضع المعتاد لأنه ببساطه محسش بيك بجد مجربش يبقي مكانك عارفه وارد جدا بينه وبين نفسه يقول دي مكبره الموضوع اوي آه ما الستات بطبعها كده بيأفوروا ونكديين لكن صدقيني لو بقوا مكانا هيعرفوا أن الموضوع يستاهل ويستحق الزعل الصوره من بره يا أمنيه مش زي ما تدخلي جواها.
تنهدت بهدوء وقد اقتنعت بحديثها تماما وقررت العمل به .
مسكت جهاز التحكم تقلب في التلفاز بملل نظر لها برفعة حاجب وهو يري تصرفها الغير متوقع تحلي هو الأخر بالبرود واتجه ليجلس بجانبها قطبت حاجبيها بضيق وهي تراه يلتصق بها نظرت له بجانب عينها 
الكنبه واسعه وسع شويه.
نظر لها متجاهلا حديثها وقال باهتمام 
راسك عامله اي 
كويسه .
ذاكرتك تمام يعني ولا الخبطه أثرت عليك 
نظرت له بضيق وتمتمت وهي تجز علي أسنانها 
بطل سخافه .
ابتسم ببرود وهو يقول 
فكرت الخبطه أثرت عليك عشان تقعدي أسبوع بعيده عن بيتك ومش عاوزه تشوفيني .
لا الخبطه ملهاش دعوه .
قالتها ببرود وهي تزجره بعينيها .
طب الحمد لله اومال اي السبب بقي 
أخذت نفس عميق قبل أن تجيب 
خاېفه ارجع البيت بعد اللي حصل .
نظر لها بتمعن وهو يسألها
وجودي مكنش كافي يطمنك لو رجعتي
وجهت أنظارها إليه والتزمت الصمت صمت كان موجع لقلبه لأبعد حد