وقعت في عشق القاسې الفصل(14) بقلمي(منة أشرف)

حنان مقاطعة:إخرس أنا مش أمك ولا أمها لحد ما وصية أبوك تتحقق خلاص خلاص ماټ وبقيتوا تاخدوا قرارات من نفسكوا بس أنا لسه عايشة لما تعدموني أبقوا إتصرفوا زي ما أنتو عايزين
إقترب خالد من شوق وساعدها علي النهوض وهي كانت تبكي بقوة فنظر لحنان وقال
خالد:لو هي مش موافقة أنا مش هتجوزها وبطريقتك دي سوري بس إنتي هتعقديها
حنان:هي مش محترمة يا إبني وقبل كده غلطت في حقك وعرفت إنها غلطانة بس مرضتش تروح تتأسفلك خاڤت علي كرامتها منك
إندهش خالد لكونها تعرف بأنه برئ مما رأته ونظر لها وسألها
خالد:عرفتي فعلا
نظرت للأرض ولم تجيب و زاد بكائها
تنهد خالد قائلا
خالد:أنا بعرض عليكي الجواز كشخص عادي تقبلي ولا لا
شادي:لا مش هتقبل
شوق بدموع وصوت مبحوح:لا هقبل كفاية يا شادي
حنان بإبتسامة:ده اللي مستنياه
نظر شادي لخالد وشعر بالذنب وتركهم ورحل عن المنزل
إسعاد:يبقي الخطوبة بكرة والفرح يوم الحد
حنان:علي بركة الله
عاد فهمي إلي قصره يائس بعدما فعل كل ما بقدرته ليجدها لكن دون جدوي فبكي پقهر لتركها وحيدة في ذلك القصر
لكنه لم ييئس وعزم الأمر علي أن يجدها حتي إذا كلفه الأمر آخر قطرة بدمه
في فيلا مالك
مالك:كان عندي ست سنين لما أمي ماټت ساعتها حسيت إني خلاص مليش لازمة وهي مش موجودة محدش وقف جنبي ولا سألني حاسس بإيه كنت وحيد حتي أبويا مش فاضيلي مفكر إن العيشة إني باكل ويشرب وبتنفس وعمره ما حس بإني إبنه وأنا كمان نسيت إنه أبويا بعدها بسنتين إتجوز واحدة إسمها إسعاد عشان تفضل معايا بس أنا مع الوقت عرفت إنها بتحبه وهو بيحبها بس مش موضح ده يعني كمان إتحوزها عشان يخليها جنبه مش عشاني إتعودت علي العيشة لوحدي وفي يوم قابلت بنت تقريبا أول واحدة أشوفها وأحبها وهي كمان حبيتني كانت بتشتغل جارسونة في مطعم مهتمتش لشغلتها وإتفقنا نتجوز بس فهمي بيه رفض وقال إنها بنت مش مظبوطة وخدني معاه شقة وورهاني مع واحد كانوا مقربين من بعض لدرجة إنه كان هيبوسها ودي أول مرة مصدقش عنيا  بعدها سيبت القصر وحياتي كلها وجيت إسكندرية إشتغلت بنفسي عشان أنسي إشتغلت علي إيدي مصمم ليل ونهار لحد ما وصلت لمركزي ونسيت مالك بتاع زمان وبقيت حد جديد حد أنا بكرهه

إنهمرت العبرات من عيناها وقالت
يارا:وللأسف أنا تعيسة الحظ اللي صحت فيك روح الكره والشړ وعيشتني معاك أسود أيام كنت أتوقعها
مالك:وقتها عشان حسيت نفس الشعور اللي حسيته في بداية حبي للبنت دي مكنتش عايزاه يكبر عشان كده دمرتك
يارا بصړاخ:إنت مخلتش فيا إحساس خلاص