وقعت في عشق القاسې الفصل(16) بقلمي(منة أشرف)
في منزل يارا
أمام باب غرفة يارا
عبير:يا بنتي افتحي الباب حرام عليكي اللي بتعمليه في نفسك ده
لم تجد منها إلا صوت بكائها وشهقاتها
عبير:بلاش عشان نفسك يا يارا أبوكي راجع النهاردة من عزا عمك وهو في اللي مكفيه لو شافك بالمنظر ده نفسيتوا هتتعب أكتر قومي يا بنتي الله يهديكي إغسلي وشك وأتوضي وصلي ركعتين قلبك هيرتاح
يارا بصوت باكي:حاضر يا ماما بس سيبيني لوحدي بس
عبير:حاضر يا حبيبتي
نهضت يارا من علي الأرضية وخرجت من غرفتها وصارت إلي الحمام بخطوات متثاقلة حتي وصلت إلي حوض المياه وفتحت الصنبور وتوضأت ولم تكف عن البكاء ثم عادت إلي غرفتها وإرتدت إسدال الصلاة وأدت صلاتها ودعت الله أن يحميها ويرضي عنها
وعندما أنهت صلاتها سمعت صوت والدتها وهي تقول قبل أن تغادر المنزل
عبير:أنا رايحة عند أم جمال يا يارا زي ما إنتي عارفة إبنها اتجوز من قريب وأنا مرحتش باركتله ساعة زمن وهرجع
ظلت يارا تقرأ أيات القرآن الكريم ولم تنتبه أن مر ساعتين ولم تعد والدتها فسمعت صوت طرقات علي الباب فذهبت وفتحته
يارا:أيوة مين حضرتك
نانسي:أنا نانسي مش إنتي يارا
يارا:اه إنتي عارفاني
نانسي:ممكن نتكلم مع بعض شوية
يارا بعدم إرتياح:أتكلم معاكي ليه وأنا معرفش إنتي مين
نانسي:هفهمك كل حاجة بس لو تسمحيلي عشر دقايق بس مش أكتر
يارا:طيب إتفضلي
بعدما جلسوا
نانسي:مش عايزاكي تتضايقي من كلامي بس لازم تسمعيه عشاني وعشانك
يارا:كلام إيه
نانسي:أنا كنت خطيبت مالك قبل كده
وقفت يارا فجأة وأولتها ظهرها
يارا:لو سمحتي مش عايزة أسمع شيء يخصه لو سمحتي
نانسي:أرجوكي لازم تسمعي أنا عارفة كل شيء عمله مالك وكل تغيراته بعد ما سيبنا بعض أنا دايما كنت بتابعه بس كنت بخاف أقوله أنا بحب مالك أكتر من حياتي كل اللي حصل كان ڠصب عني أبوه أبوه هو السبب
إلتفتت لها يارا وقالت پغضب
يارا:أبوه قالك روحي خوني خطيبك اللي كان هيبقي جوزك معلش وإنتي وافقتي ولا عرض عليكي مبلغ كبير يريحك طول عمرك
إننهمرت من عينيها الدموع وقالت
نانسي:إخترت إني أبقي بعيدة عن مالك بس يبقي لسه شرفي زي ما هو أحسن من إن أفضل جنبه وأنا مش بنت بنوت كل ده عشان مالك أنا عمري ما فكرت أئذيه
يارا بعدم فهم:تقصدي إيه
نانسي پبكاء:أبوه كان عايزني أبعد عن مالك بأي شكل كان بيبهدلني ويمرمتني وأنا بسكت عشان مالك ولما قرب معاد جوازنا لقيت أبوه جاي عند بيتي أنا وأهلي وقال لأمي وأبويا لو إتجوزت مالك
لم تكمل حيث إنهارت وظلت تبكي
يارا بدموع:كملي أرجوكي
نانسي پبكاء:هيغتصبني ليله ډخلتي
يارا پصدمة:إيه مش معقول
نانسي:هو.ده اللي حصل ووالله أنا برضو رفضت إني أبعد عن مالك بس ده كان دور أبويا إنه يرفض إني أتجوز مالك عشان شرف العيلة وأجبرني إني أسمع كلام فهمي بيه اللي دمرني ودمر حياتي وكل ده مكفهوش حطني في موقف ژبالة مع مالك
يارا:لما شافك في حضڼ غيره
نانسي پبكاء:أيوة والشخص ده إتجوزني برضة إجبار من بابا وإحنا إطلقنا من قريب
يارا بحزن:عشان كده راجعة لمالك
نانسي:ومحتاجة مساعدتك
يارا:أسفة أنا مليش دعوة بيه الموضوع ده ميخصنيش
نانسي بدموع:لا يخصك عشان مالك بيحبك
يارا:مالك طلقني وخلاص الحكاية إنتهت
نانسي بتوسل:أرجوكي إنتي الوسيلة الوحيدة عشان أوصل لمالك ويرجع يثق فيا انتوا محصلش بينكوا حاجة وإنتي مش بتحبيه يعني الموضوع سهل ساعديني أرجوكي وأنا هبقي ممنونة ليكي لآخر حياتي أرجوكي
يارا بدموع:مش هقدر أنا حامل من مالك
نانسي پصدمة:حامل
يارا:دي الحقيقة
نانسي بدموع:عن أذنك
غادرت نانسي بينما جلست يارا تفكر فيما قالته نانسي وتسأل نفسها أيعقل أن ما قالته نانسي حقيقة!!!!
