الغول الجزء الرابع

ايه .
الضابط تقرير الطب الشرعى والمعمل الجنائى بيقول ان حبيبه سبب عدم اتزانها ووقوعها من على سور البلكونه انها كانت شربه خمور .
انفعلت الست كريمه لما سمعت الضابط وقالت انت بتقول ايه انتم اتجننتم حفدتى حبيبه كانت شربه خمره .
الضابط يا ست كريمه الانفعال ملهوش لزمه والكلام اللى بقوله ده حقيقه بنتكم كانت شربه ومش معنى كده انها كانت بتشرب ممكن يكون صحابها عزموا عليها او احرجوها علشان تجرب تشرب وهى مثلا طوعتهم وعلشان هى مش متعوده على الشرب اكيد داخت وحصلها اللى حصل .
الست كريمه الكلام اللى بتقوله ده مستحيل اصدقه بنتنا كانت متربيه احسن تربيه بنتنا حبيبه لو مليون واحد حاول يقنعها تشرب خمره عمرها ما تعملها بنتنا متربيه بفلوس حلال يا حضره الضابط الكلام اللى بتقوله ده افتره وكدب .
الضابط يا ست كريمه والمعمل الجنائى هيفترى عليكم ليه ايه مصلحته يعنى انا بعرفكم اللى ظهر فى نتيجه التقرير مش اكتر .
الست كريمه ولا مليون تقرير من بتعكم دوول يخلونى اشك حتى فى اخلاق بنتى حبيبه انا لو شفتها بعنيا هقلع عنيا بايدى ومصدقش اللى شفته .
الضابط انا كده عملت اللى عليا حابب اعرفكم ان قضيه حبيبه اتقفلت واتقيدت قضاء وقدر .
مشى الضابط وساب الست كريمه وعلى فى حاله محدش يتخيلها مش بس ماټت بنتهم لا وكمان اتقال عليها كلام يسيء لسمعتها ولسمعه اهلها كانت حاجه صعبه اوى على الست كريمه وعلى ابنها على كمان .
مر يومين بالظبط وجه ضيف لشقه على خبط على الباب وفتحت الست كريمه الباب لقت قدمها واحد قالها ده بيت المرحومه حبيبه 
الست كريمه ايوه انت مين 
فرد الواحد ده وقالها انا دياب عزب كنت عاوز اتكلم مع حضرتك شويه مش حضرتك ام حبيبه بردو 
الست كريمه انا جدتها اتفضل ادخل .
دخل دياب وقعد وبعديها قال حضرتك متعرفنيش انا كنت فى الحفله اللى كانت فيها حبيبه قبل ما ټموت .
انخضت الست كريمه لما سمعت كلام دياب وقلبها انقبض وكان على سامع كل الكلام
 اللى بيتقال وهو فى اوضته .
الى هنا يكون نهايه حديثنا اليوم ولكن لم تنتهى روايتنا بعد ارجوا ان تنال اعجابكم ويسعدنا مشاهده تفاعلكم وتعليقاتكم .