أكتشفت زوجى فى (الأتوبيس ) "" الحلقه الثانيه عشر والثالثه عشر بقلم دعاء عبد الرحمن حصريه وجديده

خروج تانى الا لما الدراسة تبدأ وانتى المسؤله قدامى
يعنى أيه هتحبسنى فى البيت شهرين حرام عليك
البنات المحترمه متقولش على بيت أبوها حپسه
أسمعى يا بت أنتى مفيش خروج تانى الا مع أمك وكبيرك أوى تروحى عند جارتنا _____أنا 
وبس سامعانى ولا لاء
منى دخلت أوضتها وهى مموته نفسها من العياط معقوله الليله الرومانسيه دى تنتهى النهايه البشعه دى
انا عارفه محدش هيقدر على أخويا ده ابدا لو مكنتش ماما موجوده وخاف بابا يصحى كان مد ايده عليا كان ايه بس اللى جابه عندنا النهارده كان يوم منيل
لما تجد منى متنفس بعد هذا اليوم الا زيارتى والجلوس على النت لفترات طويله
وأخبرت سامح بالموبايل بما حدث فأعطاها ايميله وأصبح كلامهم كله من خلال الشات فقط فلقد أصبح من الخطړ الكلام على الموبايل خاېفه حد يسمعها
فى هذه الفتره توطدت علاقتى بها جدا ووثقت بى أكثر وحكتلى على تفاصيل علاقتها بسامح من البدايه وحتى ذلك اليوم
ولكنها حكتلى ايضا شىء حدث من سامح أثناء حوارهم على الشات وسألتنى بسذاجه هو كده حرام 
سامح وحشاتينى يا منى قلبى
منى وأنت كمان
سامح أنا قولت نتكلم دلوقتى أكيد الناس عندك نايمه
منى اه فعلا كده احسن
سامح أقولك على خبر حلو
منى قول
سامح أعملى قبول للطلب ده وغمضى عينك
منى ايه ده انت جبت كاميرا
سامح عمرى ما فكرت أستعملها قبل كده.. بس واضح اننا معاكى هستعمل حاجات كتير أوى
منى اول مره أشوفك من تلت أسابيع..تصدق حاسه ان شكلك أتغير
سامح يعنى أوحشيت ولا أحلويت
منى طول عمرك وسيم يا سامح
سامح الله أكبر ما أنتى بتعرفى تقولى كلام حلو أهو.. أومال قافله الباب فى وشى ليه على طول
منى بطل بقى ... وبعدين أيه ده انت كنت نايم ولا ايه
سامح اه يا حياتى نمت شويه أول الليل علشان اعرف أسهر معاكى براحتى
...اه يا ما نفسى السهره دى كانت تبقى فى بيتنا
منى هو حد مانعك ..فى ايدك تخلى علاقتنا رسمى
سامح والله يا حبيبتى ده يوم منايا لكن أنتى عارفه لسه فاضلى شهرين وأخلص الجيش ويدوب هدور على شغل اجى اقولهم ايه بس
منى .. حاول تستعجل شويه يا سامح انا خلاص مش قادره على الحپسه دى
سامح بغمزة قولى الحقيقه مش قادره على الحپسه ولا مش قادره على بعدى
منى الاتنين
سامح وحشتك يا منى
منى اه
سامح مش قادر انسى اخر مره وانا واخ 
بذمتك مش نفسك تيجى 
منى سامح قولتلك مبحبش الكلام ده
سامح ليه هو انتى بتكسفى من الكتابه كمان هو انا شايفك يعنى ولا حتى سامع صوتك ..هتكسفى تكتبى اه 
منى لا مش هقول كده
سامح كده يا منى بقى انا حريص انك تشوفينى وانتى مستخسره حتى تقوليلى كلمه حلوه
منى يا سامح مش هو ده الكلام الحلو
سامحيا منى اى اتنين بيحبو بعض بيقولوا الكلام اللى