قصه رسمه زين

قصة رسمة زين
#٣ـ٦

كان في طفل اسمه زين، كان بيحب جدًا كل الألوان
أخضر وأزرق وكمان أحمر وعنده ألوان في كل مكان

دايمًا يرسم بالألوان كل حاجة بتعجبه موجودة حواليه 
لحد ما ورق الرسم بتاعه مبقاش في مكان يرسم فيه

وفي يوم كان قاعد يرسم زي العادة، واكتشف إن الورق خلصان 
معندوش أي ورق يرسم عليه، وكان قاعد مضايق وزعلان

ولما راح يطلب من مامته تجيبله أوراق جديدة لقاها نايمة 
زين كان عاوز الورق عشان يرسم، ولكن مفيش أي أوراق تانية

زين قعد متضايق شوية، وبعدها جاتلة فكرة لحاجة جديدة 
بدأ يرسم على سور البلكونة، وكان فاكر إن مامته هتبقى سعيدة

لأنها دايمًا تقوله إنها بتحب الرسم بتاعه، وبتشجعه يكمل فيه 
وهو كمان هيكمل رسم براحته لأن بقى عنده مكان كبير يرسم عليه

قعد زين يرسم وقت طويل لحد ما مامته صحيت خلاص من النوم 
ماما دخلت تدور عليه ولقيته بيرسم على السور وكان وشها مصډوم

ماما استغربت إن زين بيرسم على الحيطة لأن دي أبدًا مش عادته 
قربت منه بكل هدوء وسألته إيه خلاه يرسم هنا على سور بلكونته؟

قالها إن الورق بتاعه خلص وهو مكانش لاقي مكان عشان يرسم براحته 
وافتكر إنها بتحب الرسم بتاعه طول الوقت وكان عاوز يفاجئها برسمه

ماما فهمت قصد زين وقالتله، أنا مبسوطة جدًا عشان كنت عاوز تفرحني 
ولكن لو هتعمل حاجة مش متعود عليها، الأفضل تيجي الأول وتستأذني

وخليك عارف إن عادي ييجي وقت منبقاش عارفين نعمل حاجة عاوزينها 
يعني لو ورقك خلص، ممكن تستنى ومترسمش لحد ما نجيب أوراق غيرها

زين فهم كلام ماما واعتذرلها وقالها إنه مش هيرسم تاني على الحيطة 
وحضن مامته وقالها إنه هيساعدها تشيل الرسمة عشان ترجع تاني نضيفة