حب مجهول الهويه الحلقة الاولى
عينيه جت عليا لما قال انه مبيحبش الكلام الكتير.. اكيد كان يقصدني انا بكلامه.. طب اروح فين واهرب منهم ازاي انا شكلي كده وقعت مع عصابه زي اللي بشوفهم في الأفلام الأجنبي!
الرجل اللي اقتحم القطر رفع ايديه باستسلام وقاله
طب خلينا نتفق يا طارق.. انت ترجعلي الفلوس اللي اخوك طاهر الله يرحمه سرقها مني وانا اسيبك في حالك.
ابتسم طارق بسخريه و رد عليه
انا معرفش فلوس ايه اللي طاهر كان واخدها منك وبعدين انت عارف ان انا مليش في سكتكم الشمال دي واديني شوفت اخر الطريق بتاعكم كان مۏت اخويا مقتول ولسه معرفش مين اللي قټله.
اتكلم الرجل اللي اقتحم القطر بتوتر
بس انت اكيد عارف ان انا مليش يد في مۏت اخوك.. طاهر كان من اعز اصحابي وهو اللي غدر بيا في الأول لما خد الفلوس كلها وهرب.
رد طارق عليه پغضب
واللي اخد الفلوس منه وهرب هو كمان وانا معرفش لحد دلوقتي هو مين. ومعرفش اي حاجة عن شغله معاك ومش عايز اعرف.. طاهر ماټ خلاص وماټت معاه كل اسراره.
اتكلم الرجل اللي اقتحم القطر بنبرة حادة
وفلوسي
رد عليه طارق ببرود
اعرف مين اللي قتل طاهر وانت هتعرف مين اللي سرق فلوسك..
وقف الرجل محتار وبيفكر في كلام طارق هدده طارق بتاعه لاخر مرة وقاله
واللي انت عملته انت ورجلتك ده مش عايزه يتكرر تاني.. دي اخر مرة اشوفك في طريقي.. والا انت عارف كويس انا ممكن اعمل فيك ايه.
اتحرك الرجل بتوتر وقاله
ماشي يا طارق .. انا همشي دلوقتي بس عشان انا متآكد ان انت طول عمرك شغال في السليم وكنت بعيد عن اخوك طاهر وشغله معانا.. بس صدقني لو عرفت ان فلوس طاهر معاك انا هرجعلك تاني.
اكتفى طارق بابتسامه بارده. نزل الرجل من القطر ومعاه رجالته. اتكلم طارق مع واحد من رجالته وامره انه يروح لسواق القطر ويطلب منه انه يكمل طريقه ل أسوان.
طبعا كل اللي حصل ده وكل الحوار ده انا كنت قاعده تحت الكرسي على الأرض وبتابع كلامهم باهتمام وكأني بتفرج على فيلم أكشن بجد! مكنتش مصدقه ان في كده فعلا.. وحقيقي طارق ده شكله طلع جامد اوي ومش بېخاف!! ازاي خرج اللي في ايديه ده بسرعه كده وخرجه منين ازاي كان واقف قدام اللي القطر وهو مش خاېف وكان بيبتسم بثقة وببرود ومش هامه اي حد..
وانا في دوامة أفكاري لقيته فجأة واقف قدامي وانا على الارض تحت الكرسي وهو بيتكلم بصوت قوي
اطلعي من تحت الكرسي..
خۏفت واټخضيت لما لقيته واقف كده ولسه السلاح في ايديه! رديت عليه وانا تحت الكرسي
بس انا مرتاحه كده.
اتكلم مرة تانيه بعصبيه
قولتلك اطلعي من
تحت الكرسي احنا مش هنلعب مع بعض هنا!
اضايقت لما زعق فيا وقومت من تحت الكرسي واتعصبت عليه انا كمان
وانت بتزعقلي ليه دلوقتي.. انت مين اصلا عشان تزعق فيا كده!
بصلي بقوة في ايديه وقالي
اظن انتي سمعتي كل الكلام اللي اتقال هنا واكيد عرفتي انا ابقى مين.
اتوترت جدا وعملت نفسي مسمعتش حاجة و رديت عليه
لا طبعا انا مسمعتش اي حاجة ومعرفش انتوا كنتو بتتكلموا على ايه اساسا!
بصلي بغموض كده شويه وانا اتوترت اكتر..
اتحرك القطر مرة واحدة وانا اټخضيت وصړخت لاني كنت هقع وڠصب عني عشان مقعش الغريب ان هو كمان بسرعه وسألني بقلق
انتي كويسه
صړخت اكتر لما لقيت بتاعه وخۏفت بيه واتكلمت معاه بسرعه وخوف
هو ده حقيقي!
رفع قدام عيني وقبل ما ينطق بكلمه انا اتكلمت تاني بړعب
انت عايز انا معملتش حاجة والله ومسمعتش اي حاجة.. اختي هتولد عليك مينفعش قبل ما اختي تولد.
رد عليا بستغراب
يعني لما اختك تولد ممكن عادي
اتكلمت پخوف وانا ھموت من الړعب
لا طبعا ايه!.. طب ورحمة اخوك طاهر ما تعملي حاجة وسبني امشي.
رفع حاجبه واتكلم وهو بيبصلي بقوة
واضح فعلا ان انتي مسمعتيش حاجة!
اتكلمت پخوف وتوتر
انت مش مصدقني ولا ايه
رد عليا بسخريه
لا مش مصدقك ازاي!! دا انتي حتى بتحلفيني برحمة اخويا طاهر.
استوووب
البطلة بتاعنا مش كذابه هي قالتلك انها مسمعتش حاجة يبقى مسمعتش والستات ميعرفوش يكدبوالسه الحكاية في اولها واللي جاي اجمد بكتيييير
