رواية حياء وجلال الفصل التالت بقلم دعاء أحمد حصريه وجديده

عنك حاجه لا و جايه تعلميني الادب شوفي نفسك ولابسة المسخره الأول يا هانم
حياء پغضب انت قليله الأدب انا اه متربتش في مصر ولا اعرف التقاليد لكن عمري ما سمحت لبنى ادم انه يقربلي.... وانا مش هتكلم وهستني لما ابوكي يجي و نقوله و هو يبريكي بمعرفته ولا نقول اخوكي اللي لو عرف هيقطع خبرك من الدنيا
شهد بسرعه مسكت ايديها والنبي يا حياء بلاش جلال دا ممكن يدبحني فيها..... والله العظيم دي اول مره يحصل كدا و انا اوعدك مش هشوف تاني بس بلاش جلال والنبي
حياء اتفضلي اطلعي اوضتك و استنيني في كلام كتير لازم تسمعيه و بلاش تروحي تقولي لأمك لان وقتها انا هحكي لجلال ولبابا
شهد حاضر حاضر مش هقولها حاجه بس بلاش جلال يا حياء
حياء بصلها پغضب و حزن ازاي تعمل في نفسها كدا وتقلل من كرامتها و من قيمه اهلها
شهد طلعت وهي في قلبها كره لحياء اللي خرجت من البيت وهي بتفكر ليه جلال عطي الساعه للشاب دا معقول معجبتوش
ابتسمت وهي بتحاول متفكرش فيه دخلت السوبر ماركت واشترت شويه حاجات و طبعا مسلمتش من نظرات الإعجاب لأنها جميله جدا
قررت تناديله قبل ما تمشي عشان يروح يتعشى معاهم
وقفت أدام الوكاله وهي متردده لكن قررت تدخل 
العامل تومريني باي حاجه يا هانم عندنا كل الاقشمه الحرير كل اللي تحتاجيه
حياء بابتسامه جميله مش دي وكاله جلال الشهاوي
العامل اه سي جلال بيه جوا 
وشاور عليه
حياء خالص انا هدخلله 
العامل بصوت عالي نسبي تدخليله اي هي وكاله من غير بواب مين حضرتك الاول
قالها وهو بيمسك دراعها 
حياء ابعد ايدك دي انت اټجننت
العامل ما تكلمي عدل يا بت انتي
جلال من وراه شيل أيديك يا حيوان و اتكلم عدل 
العامل بعد بسرعه و جلال بصله پغضب 
مخصوم منك اسبوع روح على شغلك
العامل يا جلال بيه دي
جلال پغضب روح على شغلك والا هيبقوا اسبوعين
حياء مالوش داع
سكتت وهي بتبلع ريقها بتوتر اول ما مسك ايديها وشدها وراه
جلال بوجه مكفهر اي اللي جابك هنا ومين سمحلك تخرجي دلوقتي
حياء انا ك... كنت.. جايه.. عشان اقولك تيجي تتعشى معانا...
جلال شوفي يا بت انتي انا مش طايقك من ساعات ماشفتك لكن هتخرجي كل شويه وتعملي مشكله و القى واحد كل شويه يقولي اتقدملها وقتها هحبسك في البيت وابقى قابليني لو عرفتي تخرجي
حياء دموعها سألت على خدها وباحراج على فكره انت مش اخويا ولا ليك الحق تكلمني كدا و انا فعلا غلطانه اني فكرت في واحد زيك انشالله عنك ما اكلت
جلال اطلع على البيت و انا هروح للحج واجيبه واجي و بعد كدا تلمي شعرك اللي فرحانه بيه دا
حياء كانت مستغربه انه بيهتم بأنها تكون شكلها محتشمه و انه بيعملها بالطريقه دي و كأنها 
مسحت دموعها وكانت هتمشي لكن وقفت قصاده لو سمحت ممكن متخصمش للولد دا حاجه هو اصلا ميعرفنيش عشان كدا حصل الموقف دا
جلال بسخريه اه واطلع انا عيل ادامهم برجع في كلمتي اخصمله و ارجع اقوله لا هتاخد مرتبك كامل اطلعي و مالكيش دعوه
حياء سابته ومشيت 
جلال ياسين 
ياسين ايوه يا سي جلال
جلال بجديه وصرامه تليق به الشهر دا في مكافات لكل اللي في الوكاله
العامل كان حاسس انها مخڼوق اوي لان اتخصم من مرتبه لكن اول ما سمع الخبر دا بقى يدعي لجلال هي المكافأه هتعوض النقص اللي هيحصل في المرتب و هو عنده عيلته
العامل ربنا يكرمك ويزيدك من نعيمه يا سي جلال و يوقفلك ولاد الحلال و متاخذنيش والله ما كنت اعرف انها تخص الحج
جلال بجديه اديك عرفت وبعد كدا متمدش ايدك على حرمه احنا في اسكندريه و الكل يعرفنا بالشهامه مش عايز حد يقل مننا
العامل ربنا يبارك فيك و يحفظك لشبابك
جلال ابتسم وراح كمل شغل
ياسين لنفسه الجدع دا ازاي كدا... عشان مايبنش انه بيرجع في كلمته ويصغر نفسه أدام الرجاله... يقوم يصرف مكافات