رواية خارج_عن_المألوف_الجزء_الثالث البارت الخامس بقلم_نشوه_عادل حصريه وجديده

رواية خارج_عن_المألوف_الجزء_الثالث البارت الخامس
بقلم_نشوه_عادل حصريه وجديده 
لان ببساطة لو قولنا كده محدش كان وافق يمسك القضية دى ٦ ظباط يمسكوها اللى البيت يولع بيه بدون سبب واللى غرق ف البانيو واللى قتل مراته واللى اتكسر عضمه بسلم لحد ماټ واخيرا اللى اټجنن واللى فقد اطرافه 
يزن ايوة بس انا من حقى اعرف واقرر اكمل او لا 
علاء الكلام ده مش وانت لابس بدلة الشرطة ي حضرت الظابط انت مش مهندس ولا دكتور من يوم ما اتخرجت واقسمت اليمين وانت مطالب تحمى الناس من الاذى وتاخد حقهم من المچرم
يزن الكلام ده لما اكون عارف مين هو الظالم ادخل الحړب وانا عارف مين عدوى لكن انا مطلوب منى احمى الناس من حاجة مش معروفة اصلا 
علاء وانت لما بتحقق ف قضية قتل او مخډرات بتبقى عارف مين المتهم! ع العموم انت حر ي يزن عايز تعتذر وتمشى اتفضل انا مش همنعك 
طلع يزن وراح ع مكتبه وهو مش عارف يعمل ايه سمع صوت خبط ع الباب ....يزن ادخل
اشرف مساء الخير ي فندم حمدالله ع السلامة
يزن الله يسلمك ي اشرف خير فيه حاجة!
اشرف بص ي فندم انا عارف ان الكلام اللى هقوله ده انت ممكن متصدقوش بس انا واثق ان كل اللى بيحصل ده من ورا الجن
يزن انت برضه هتقول الكلام ده!
اشرف ي باشا الجن والسحر اتذكروا ف القرآن الكريم وانت راجل مؤمن انا بقولك الكلام ده لانى شوفته بعينى
يزن باهتمام شوفت ايه بالظبط!
اشرف الظابط التانى اللى كان ماسك القضية كان اسمه شبل مندور كان شاب وعنده قبول وكالعادة لان الشبهة تمس خديجة استدعاها للتحقيق وسمعتها بودنى بتقوله الخنقة اللى انا حسيت بيها بسبب الظلم منك انت هتحس اضعافها لكن لما ينكتم نفسك ومتقدرش لا تطلعه ولا تدخله بسبب المياه
طبعا شبل باشا مهتمش بكلامها ولانى عارف ان الظابط اللى قبله ماټ محروق فضولى اخدنى اروح لشبل بيه وكان معايا نسخة من المفتاح وكنا حوالى الساعة ٢ ونص بليل دخلت ع الشقة وكان فيه صوت نقط مياه جاية