رواية خارج عن االمألوف الجزء الثالث البارت الثامن بقلم نشوه عادل حصريه وجديده

عاوزة ادخل الحمام 
رتيبة بالله عليك ي رضوان افتحلها ي اخويا خليها تدخل الحمام بس
رضوان امرى لله خد ي خالد افتحلها وانتى ي خلود خليكى واقفة معاها لحد ما تدخل اوضتها تانى وتقفلوا عليها
خلود حاضر ي بابا 
فتح ليها خالد الباب وبمجرد ما خرجت طلعت تجرى ع باب الشقة لكن كان مقفول بالمفتاح ...خديجة بتحول وصوت مرعب افتحوا الباب 
رتيبة پخوف اهدى ي بنتى واستعيذى من الشيطان مينفعش تخرجى 
خديجة لو مخرجتش الضحېة الجاية هتكون واحد منكم افتحوااا الباااااب حااااالا
همس رضوان لخالد حاول تلهيها 
خالد اهدى ي خديجة حاضر انا ..انا هجيبلك المفتاح استنى 
دخل خالد وجاب مفتاح تانى ...خالد قربى ي خديجة خدى اهو
قربت خديجة واحدة واحدة من خالد بحذر وفجأة جه رضوان من وراها بحبل واتمكن منها فضلت تصرخ وجه خالد ربطها معاه 
اتحولت عيون خديجة پغضب وهى قاعدة ع الارض وقالت بصوت مرعب انت وابوك ه........
ولكن قبل ما تكمل كانت خلود كتمت بوقها بطرحة عشان متكملش وفعلا وقتها وقعت بالارض بأنين وظهرت ع ايدها وكتفها علامات حرف D پالنار وبتترك اثر بالحړق وفجأة فقدت الوعى 
رضوان ايدك معايا ي خالد ندخلها ع اوضتها ونقفل عليها تانى 
بالفعل دخلوها ومرضيوش يفكوها ...رضوان تفضل كده بوقها ده ميتفكش الا للاكل والشرب وبس قسما عظما اللى ما هينفذ كلامى بالحرف ما هيقعد فيها اديكم شوفتوا اللى حصل 
هز الجميع راسه بالموافقة وخرج رضوان ع الجامع مع خالد فضلت رتيبة تبكى هى وخلود ف حضڼ بعض ...رتيبة يارب ..يارب من قلب ام محروق ع ضناها ومتكتفة مش عارفة تعمل حاجة ليها نجيها لشبابها يارب خلصها من اللى هى فيه يارب انت قادر ع كل شئ 
وصل رضوان وخالد ع الجامع وهناك قابلوا الشيخ ايهاب وكان الامام وبعد الصلاة ... رضوان الحمدلله ي شيخ ي ايهاب انك بخير كنت ناوى أصلى واجى اشوفك
ايهاب الحمدلله ي حاج انا بخير
رضوان بأمل يعنى ...يعنى الكلام اللى بيتقال ع بنتى مش صح!
ايهاب لا صح انت مشوفتش بعيونك اللى حصل لما كنت عندكم بالبيت وكمان مشوفتش اللى حصل ليا انا والظابط يزن وربنا وحده اللى نجانا
خالد پصدمة ليه هو ايه اللى حصل!!
حكى ليهم ايهاب ع اللى حصل واللى شافه هو ويزن وكمل زى ما قولتلك ربنا وحده اللى نجانا 
رضوان بحزن وكان هيبكى طب والحل ي شيخ ايهاب لازم يكون فيه حل ساعد بنتى الله يصلح حالك 
ايهاب لا حول ولا قوة الا بالله والله انا قولت للظابط انى مش هقدر لوحدى ولازم حد يكون متمكن اكتر يقدر يتعامل معاه
خالد يعنى ايه! اختى هتفضل ع الحال ده لامتى لازم يكون فيه حل
يزن من وراهم اطمن ي خالد بكرة ان شاء الله هيكون موجود اللى يساعد اختك 
رضوان بلهفة ازاى ومين هو!
يزن
واحد معرفتنا من البلد انا كلمته وشرحت ليه الوضع والراجل مشكور هيجى بكرة وان شاء الله هيكون عنده حل 
رضوان بامتنان كتر الف خيرك ي حضرت الظابط انت بتعمل حاجة عمر ما حد قبلك فكر او حاول حتى يساعدنا فيها 
يزن انا بحاول اعمل وجبى واحمى الناس من الاذى مهما كان 
تانى يوم المغرب فى محطة القطر كان يزن ف انتظار الشيخ عثمان اللى وصل القطر بتاعه ونزل دور بعيونه ع يزن لحد ما شافه وراح ليه ووو.......يتبع