رواية حب بالاجبار الفصل الثامن عشر بقلم رنا سليمان حصريه وجديده

علطولواثق انك هتكوني احن ام ليها اكتر من امها ياسين وراندا الاتنين اتحبسوا وياسمين اټقتلت واللي قټلها كان ياسين كان فاكر انه كدة بيكفر عن ذنبه اللي عمله معاكي .خديجة انتي وحشتيني اوي نفسي تفوقي علشان في حاجات كتيرة عايز اتكلم فيها معاكي
مسكت في ايديها..لاول مرة ايديها تتحرك في ايدي وتمسك ايدي..فضلت باصص علي ايديها وانا مش مصدق نفسي من الفرحة بدات تفتح عينها وتبص ناحيتي بدات اتكلم وانا مش مصدق نفسي
_خديجة انتي فوقتي..حمدلله علي سلامتك يا حبيبتي .اخيرا يا خديجة فوقتي يا حبيبتي
الدكتور دخل وكان معاه الممرضة وكان لسه هيتكلم بصتله واتكلمت
_فاقت يا دكتور خديجة فاقت
_مش معقوله مريم بعد اذنك خرجي استاذ معتز برا
_لا يا دكتور انا عايز ابقي معاها
_حضرتك مينفعش وكمان الطفلة اللي مع حضرتك مينفعش تكون هنا اكتر من كدة من فضلك اخرج برا لو سمحت
خرجتني من الاوضه انا وعائشة اول ما خرجت كانوا واقفين قدام الاوضه كلهم اتكلمت بفرحة
_فاقت يا طنط فاقت
_بتتكلم بجد يا معتز..الف حمد وشكر ليك يا رب الحمدلله انها قامت منها
_طيب يا بتتي احنا ممكن نشوفها امتي
_اول ما الدكتور يخرج هيقولكم علي كل حاجة ..بعد اذنكم
دخلت العناية تاني .اخدت مني عائشة وفضلنا واقفين مستنين الدكتور اول ما خرج قربنا منه كلنا
_طمنا يا دكتور هي عامله اية دلوقتي 
_الحمدلله هي فاقت وبقيت كويسة احنا هننقلها اوضه عاديه وبعدين هتقدروا تشوفها .بعد اذنكم
بعد شويه نقلوها اوضة عاديه وكلنا دخلنا علشان نطمن عليها
_حمدلله علي سلامتك يا بنتي 
_الله يسلمك يا ماما 
_حمدلله علي سلامتك يا خديجة 
_الله يسلمك يا معتز
_طيب يلا يا طنط علشان نجيب يزن من المدرسة ونرجع تاني
_يلا يا حبيبتي
خرجوا وسبونا لوحدنا
_مالك يا معتز
_هيكون مالي يا خديجة..انتي نسيتي اللي عملتيه
_عملت اية
نسيتي انك روحتي ل راندا من غير حتي ما تاخدي رايي..اللي عملتيه دا كان اكبر غلط يا خديجة والنتيجة اهي انتي كنتي ھتموتي وقعدنا تلات شهور بڼموت من القلق
_كنت فاكرة اني بعمل حاجة صح لما اروحلها واني هعرف ابعدها عننا بس غلطت ومكنتش اني غلطت غلط كبير اوي كدة يا معتز
_يا خديجة انا اكتر واحد فاهم راندا وعارف انها مكنتش هتبعد عننا مهما حصل وكنت عارف انها هتعمل اي حاجة علشان تبعدنا عن بعض ولو كنتي جيتي واخدتي رايي كنت هرفض انك تروحلها
_خلاص يا معتز انا اسفه مكنتش اعرف ان دا هيحصل 
_ماشي يا خديجة بس بلاش تقرري حاجة من دماغك تاني
_حاضر
مسكت في ايديها وابتسمت
خديجة 
عدا اسبوع والدكتور سمحلي بالخروج..كنت قاعده مستنياه في المكتب بتاع الظابط الباب اتفتح اول ما شوفته قومت وقفت العسكري كان ماسك في ايده وقفوا قدامي ساب ايده وبدا يتكلمقدامكم خمس دقايق
خرج وسبنا احنا الاتنين
ازيك يا ياسين عامل اية
_الحمدلله يا خديجة انتي عامله اية دلوقتي 
_الحمدلله