الفصل الثاني من ( حماتي العزيزه) بقلم علا أحمد حصريه وجديده

علي الشغل وطلعت اسيا تشوف هناء بتعمل ايه او بمعنى اصح تضايق فيها شويه 
هناء كانت قاعده بتتفرج على مسلسل 
مسكت آسيا الريموت وحولت على قناه تانيه بمنتهى قلة الذوق
هناء لا كدا يا آسيا دا مسلسل حلو 
اسيا ببرود بس انا عايزه اتفرج على حاجه تانيه أظن أن دا بيتي ومن حقي 
هناء بإحراج طبعا يا بنتي بيتك و محدش يقدر يقول حاجه 
جابت اسيا علي برنامج مسابقات 
هناء وهي تحاول تلطيف الجو والله احسن حاجه الحاجات دي بتسلي 
نظرت لها آسيا بملل و عادة النظر الى الشاشه مره اخرى 
وبعد ما اندمجت هناء مع البرنامج قامت آسيا بأغلاق الشاشه 
آسيا اصلي عندي صداع شديد ومش عايزة اسمع حاجه 
هناء لا ألف سلامة عليكي انا هقوم اصلي العصر وقامت ودخلت غرفتها 
اسيا وهي تزفر بضيق يارب عليكي ست بس والله انا وراكي لحد ما تغوري من هنا
مصطفى فضل ماشي بالعربية لحد نص الليل محتار مش عارف يراضي مين يسمع كلام أمه أو اسما 
وقف العربيه علي جنب ونزل منها وقف قدام البحر وهناك شاف شباب قاعدين و واحد بيحكي ل التاني 
شوفت انهارده بوست علي الفيس واحد بيحكي أن زوجته رافعه عليه قضية خلع ومصرة ع الطلاق رغم انها كانت بتعشقه عشق لدرجة العبادة بيحكي كنت بضربها كانت تميل ع رجلي تبوسها وتقولي ولا يهمك برضوا هتحمل عصبيتك عشان مليش غيرك وكنت اضړبها واغضبها عند بيت اهلها هي اللي تتصل وتقولي وحشتني عاوزة ارجع دلوقت بقولها ابوس ع رجلك قدام اهلك كلهم وترجعي تقولي لأ نهائيا طلبت منه اتواصل معاها ف لما كلمتها قالتلي اقسم بالله لو هيفتحلي باب الجنة عشان ارجعله لجري ارمي نفسي ف الڼار ولا اعيش معاه خلاص ده انتهى مبقاش عندي حاجة تاني اديهاله 
الخلاصه لو لقيت ست بتضحي عشانك متمسكة بيك متحملة قرفك وغضبك متفتكرش انه ضعف منها وتستحلى الامر وتدوس عليها لأنه ده لعب پالنار مع كائن لما بيدي بيدي كل حاجة ببزخ بس لما ټجرح عزة نفسها وحبها بتتحول لكائن عنيد بتدوس ع قلبها بجزمتها وتنساك لو انت ضي عنيها. الستات لما بتقسى مبيفرقش وياها حتى لو ھتموت ..
إستوصوا بالنساء خيرا كما وصاكم نبيكم الأكرم 
مصطفى قام ركب العربية مرا ثانيه والكلام الشاب دا بيرن في دماغه 
معقول ممكن يجي يوم واسما تكرهه !!! 
لأ مستحيل هي بتحبه وهو بيحبها واكيد هيلاقي حل للمشكله دي من غير ما يجي علي أمه أو علي اسما !!!
بينما كانت تجلس اسما تستمع إلى محاضرة بعنوان نصائح لام الراجل  
انتي بتربي راجل ركزي كويس اوي في كلمه راجل دي بتربي راجل هيفتح بيت في المستقبل ويبقي مسؤل عن زوجه واطفال بتربي قائد للعلاقه بتربي نخوه وشهامه وجدعنه وكلمه وراي بتربي عقليه ناضجه وواعيه واد