رواية جديدة الفصل الثالث بقلم مريم وليد

رواية جديدة الفصل الثالث بقلم مريم وليد 
كنا واقفين في الجراچ كلنا متجمعين حوالين الچثة شكلها كان صعب للدرجة اللي تخليني مقدرش افضل باصة.
مريم معتقدش وجودك ليه لازمة روحي أنت وأنا هفضل مع حضرة الظابط أدهم وأتابع الدنيا.
أدهم كمل هو كمان
أنت فعلا وجودك بعد اللحظة دي ملهوش لازمة يوسف صور الواقعة والدنيا تمام..
اتنهدت بهدوء وأنا بحاول اتمالك اعصابي وكملت بثبات
وجودي هنا ميقلش أهمية عن وجودكم يوسف بيصور الحدث وأنا اللي بكتب عنه فطبيعي اشوف كل التحقيق.. عادي ننزل الصور مع الوقعة ونكتب اللي فيها يا حضرة الظابط
حرك راسه بإيجاب وكمل
مش عادي بس ده لازم.. الموضوع مش طبيعي وواضح إن فيه كذا نقطة ومش مجرد چريمة قتل والسلام دي كلها جرايم مرتبطة ببعض ولو مش كده فلازم كل واحد ېخاف على نفسه.
حركت راسي بإيجاب وكملت
تمام عن إذنك.. وأنت يا يوسف برضوا معتقدش وجودك ليه لازمة.
حرك راسه بهدوء وكمل
تعالي اوصلك البيت طيب.
اتنفست بهدوء وحركت راسي بماشي شاورلي فمشيت قدامه بهدوء.. عكس كل الثورة اللي بتدور جوايا شكل الډم الكتير صحى جوايا أكتر مشهد محبش أفتكره في حياتي شكل بابا وهو سايح في دمه قصادي وأنا لسه مش فاهمة السبب.. شكل أنس وهو وشه أزرق جنبه ومېت.
مريم أنت تمام..
كان حط إيده على كتفي علشان يفوقني فاتنفضت بخضة مسك إيدي بهدوء وكمل
مريم مينفعش تعرضي نفسك للضغط أكتر من كده ريحي شوية المناظر اللي بتشوفيها بقالك يومين صعب حد يتقبلها يا حبيبتي.. أنت محتاجة ترتاحي شوية وتخلي بالك من نفسك ده اقل حاجة تعمليها تنزلي اسكندرية اجازة.
بصيت له وحركت راسي بنفي
أسيب القضية وهي كل يوم بتكبر! دي القضية مش مجرد قضية قتل يا يوسف أنا واثقة إن الممنوعات ليها دخل في الموضوع الموضوع أكبر من مجرد حد اټقتل أو واحد قاټل واحد علشان فلوس او تليفون طريقة القټل الحدث.. كل حاجة عموما مربوطة ببعض.
اتنفس بهدوء
يبقى تطلعي وتهدي وتحاولي تفصلي أنت مش شايفة وشك..
اتنهدت بزهق
خلاص