رواية أشقاؤها_الثمانية_بلوتي الفصل الخامس بقلم إليا حصريه وجديده

العشرة .. 
زين ساحبها على الحمام و عيونها لسا مقفولة _ مفيش منه الكلام ده قرص خدودها .. صحصحي و حصليني بعد اما تغسلي وشك .. 
ڠصب عنها عملت اللي قالها عليه طلعت عنده و هي بتتذمر في سرها مبوزة و بتدبدب برجلها على الارض
زين بيكتم ضحته و بيمثل التكشير _ مالك قالبة وشك مش عايزة تتعلمي شغل البيت تأمري يا ستي بنفذ طلبك .. 
نياط عملت فراغ بين اصابيعها _ قد كده ممكن تسيبني أنام شويتين بس .. 
زين بيزقها من ظهرها _ يلا قدامي .. 
وداها على اوضة الغسيل حطلها كمية هدوم متوسخة متتعدش قدامها
زين بدرامية _ يلا يا سندرلي .. اليك المهمة الأول هتغسلي كل دول .. 
نياط هزت كتفها _ هلمهم و ادور الغسالة .. 
زين بتريقه_ عمرك شفتي سندرلي بتغسل الهدوم فالغسالة هو اي عبط و خلاص هتفركيهم بايدك .. 
نياط مبرقة _ بتهزر مبعرفش .. 
زين قعد جنبها _ هتحطي مسحوق الغسيل فركتين و غطسة فالمية اهي سهلة .. يلا يا سندرلي .. كتم ضحكته .. 
نياط بغيظ _ متقلش سندرلي .. 
كانت بتعافر مع الهدوم بتحاول تعمل اللي تقدر عليه وشها كله اتملى بمسحوق الغسيل نص ساعة يا دوب لحقت تغسل قميصين لما لقت ملاية سريرها المتوسخة بين الهدوم وقفت الفرك فجأة و بصتله بعيون متتفسرش
نياط ايدها اترعشت _ مش هينفع اغسل ديه اخاڤ تفسد مني الا ديه يا زين بتاعت ماما هغسلهم كلهم الا ديه .. 
زين بحنية _ طيب خلاص سيبيها وسعي كده انا هغسلها لعب في شعرها .. مټخافيش مش حيحصلها حاجة .. 
ابتسملها و بادلته الابتسامة بعد ما كانت الدموع ع طرف رموشها تعبت من الغسيل و لسا مكملتهش ربعهم و بقت تنهج قعدها زين قدامه و غسلهم بنفسه 
زين بتوتر _ متقوليش لحد اني غسلتهم احسن يتريقو عليك ضړب انفها بصباعه .. عدي جمايل