رواية أشقاؤها_الثمانية_بلوتي الفصل الأول بقلم إليا حصريه وجديده
في شعرها _ يا اخواتي ع العسل أنا مستعد امسح بكرامة مراد بلاط الكرة الارضية كلها لحتى اسمع الضحكة الحلوة ديه منك يا حلوة .. يا عسل ..
سلطان بحزم _ بطلو رغي بقا و خلونا نتعشى و انت يا مراد هتحصلني الاوضه بعد اما نخلص نشوف موضوع عضلاتك اللي نفخ على الفاضي ديه ..
مراد بهمس _ ربنا على الظالم المفتري ..
سلطان _ كاني سامعك بتقول حاجة يا مراد ..
مراد _ احم .. بقول يلا ناكل .. نياط قلب مراد اكلك قل اوي و بقيتي خفيفة زي الريشة لو تحبي أرفعك ألف بيكي بعد العشا تتفرجي على القصر ..
نياط _ لا أحب اتفرج عليك لما سلطان يعلقك ..
ضحكت و كلهم شاركو ضحكتها بس زي عوايدها فالايام الاخيرة مبقتش تاكل كويس بتفضل تلعب بالشوكة في الطبق و هي سرحانة بتفكر في عثمان حبيبها اللي على أساس جاي يطلب إيدها بكرة
نياط .. نياط .. نياط .. يا نياط ..
بعد كل النداءات ديه منتبهتش غير لما عمران حرك كتفها رفعت راسها لاقتهم كلهم بيبصولها بنظرات مليانة قلق و تلقائي حطت عينها بالارض و بقت تفرك إيديها من التوتر و بتبص فكل حته ما عدا عيونهم خاېفة ..
سلطان _ نياط .. تعاليلي هنا ..
نياط پخوف متلخبطة فالكلام _ ليه .. خلاص هاكل أهو .. أنا آسفة ..
سلطان بيأمرها _ نياط انا قلت إيه تعاليلي هنا بسرعة ..
مروان بيمسح على راسها بحنية _ انت خاېفة ليه يا نياط ده سلطان هيعمل فيكي ايه يعني ..
قامت من على الكرسي بتمشي بالراحة مش عايزة توصل لعنده حاسة انه بمجرد ما يبص فعيونها هيكتشف كل حاجة مخبيتها عنهم مسك ايدها و أخدها ع الكنبة قعدها و قعد عند رجليها و البقية لحقوه يشوفو مالها
سلطان حط ايده على جبهتها _ نياط .. انت تعبانة حاسة بحاجة نروح على المشفى ولا نتصل بدكتور يجيلك البيت ..
رضوان بلهفة _ حبيبتي ردي عليه متقلقيناش عليكي ..
نياط بهمس _ أنا مش تعبانة ..
سلطان _ طيب حد من الحلاليف دول زعلك قوليلي هو مين و أنا .. زيد .. بزعيق ..
زيد باندفاع _ مزعلتهاش يا سلطان و لو زعلتها من غير قصد انا مستعد اتنفخ بس تفك التكشيرة ديه ..
نياط ابتسمت _ محدش منهم زعلني ..
سلطان _ طيب مالك مبقدرش اشوفك كدة ساكتة و هادية مالك .. همم ..
نياط بدلع _ أنا عايزة حاجة .. بس انتو مش هتوافقو ..
رضوان _ مش هنوافق .. احنا عمرنا ما رفضنالك طلب اي حاجة بتشاور عليها الأميرة هنجبهالها ..
مراد بيبصلها بطرف عينه _ كل الدلال و الزعل و الاضراب على الطعام ده عشان عايزة تغير كل هدومها بوحدة جديدة .. كشفتك ..
نياط بتهز راسها للناحيتين _ لا ..
زين _ همم .. عايزة تغيري ديكور اوضتك ..
نياط هزت كتفها _ لا ..
يزن _ لقيتها اكيد زهقت من قعدة البيت و الجامعة و عايزانا نسافر نغير جو .. صح ..
نياط _ لا ..
عمران قعد جنب سلطان على الارض و
حط صباعه تحت ذقنها بيرفع راسها لفوق بيلعب فخدها بحنية ..
عمران _ طيب قليلنا عايزة ايه نجبهولك او نعملهولك مش هنقول لا .. مفيش حاجة تغلا عليكي يا غالية ..
نياط بتأتأة _ أنا .. أنا .. عايزة اتجوز ..
يتبع ..
