رواية بنت الدوار الحلقة الخامسة 5 حصريه وجديده

رواية بنت الدوار الحلقة الخامسة 5 حصريه وجديده
فاتو دوك ليام وانا نحسب بالدقايق وينتا نرجع لدارنا ودوارنا نبات نبكي فليل ونكتم في صوتي باه نور ماتسمعنيش لحق نهار الخميس راجعة فالكار وحد الفرحة كيما الطفل الصغير مين يشوف امو وصلت لدوارنا فرحت من قلبي وطبطبت في دارنا كي شفت ما عنقتها وقعدت نبكي قاټلي يا على البهلولة وكون جيتي متزوجة كي يصرالك قټلها مانتزوجش انا مانقدر نبعد عليكم ودخلت وانا معنقة ماما لاقولي ولاد خويا فالطريق نبوس ونحضن تحسب رحت لفرانسا رحت تاني لبويا نبوس فيه ونبكي قلي على العڨونة تاعي رحت قعدت نحكيلكم وجبدت وحد بنان وتشينا وفرماج كنت جايبتهم من الريسطو عطيتلهم وكاشير بويا فرح بيهم حتى الخبز جبته معايا قاټلي يابنتي غير كولي باه تريحي وتخرجي وتخرجينا من هاد البلاصة قټلها ان شاءلله ما رحت بدلت قشي لبست بدعية من تع ما انا ماعنديش يعطولي برك خواتاتي ولا مرة فالعام نشري وناس الخير ربي يجازيهم رحت للكوزينة قاټلي ما لقطينا شويا شوربة راكم عارفين بلا لحم بلا والو الماء والبصل والبطاطا برك درتها هنا الحمد الله مانتعيفوش على نعمة ربي لي جات ناكلوها رحت عند خويا ومرته تاني سلمت غليهم وقعدو يسالو فيا كيفاه دايرة الجامعة وخويا دايما بكلمته المشهورة ردي بالك تشوفي هاك ولا هاك كل شي يوصلني نسمع نفة عليه نذ... ب.. حك نخاف من هاد الكلمة بزاف وصحيح وصلتلها رجعت للدار ما كانت عاجنة الخبز طيبتو وحطيت هديك الشوربة ولا تقولو الما والزغاريت كليناها بالخبز ورحت غسلت الماعن قعدت شويا مع ما وبويا ورحت للصالة نرقد مع ولاد خويا ماقتلكمش