رواية بنت الدوار الحلقة الخامسة 5 حصريه وجديده

بلي خويا عندو شمبرة وكوزينة صغيرة فالحوش يعني وحدهم بصح ولاد خويا قاعدين معانا فرشت بلاصتي وكان الحمان عيطتلي نور تسالني كي وصلت وهداك تلفون ينوض المېت من قبرو جا خويا جات ما سمعو تلفون يصوني قعد واقفين على راسي وانا نهدر وخويا يخزرلي ومن بعد قټلها بالسلامة غير كوبيت نطق خويا معامن تهدري قتلو صحبتي قلي بديتي تتحلبي بلخف درتي صاحبة وعطيتيلها رقمك ولت تعيطلك قتلو والله غير معايا فالشمبرة قلي قټلك ماتخالطيش قاټلو ما خلاص ماتعاودش تمد نومروها... 
راح وما قعدت معايا قاټلي يابنتي مانحبش يوصلو لخوك خبار مشي مليحة لازم ترفعيلهم راسهم مشي تهبطيه واي حاجة خبريني بيها وانا مك ونعرف صلاحك ديريني صحبتك ولاتامني في لصحاب قټلها ان شاءلله ما ماتخافيش راني تربيتك بصح ماعرفتش بلي يجي نهار وين نخذلها... 
تغطيت رقدت نضت صباح الجمعة بكري قولولي علواش مبكرة لانخرج ندور لا كاش طعام باه نديرو وندير المرقة ونخاف اللحم مايطيبليش لا والو نوض نتقهوا ونسيق ونقعد ماكان حاجة من غير هادي بالجمعة يعيطو خوتاتي يحكو عندهم برك الجمتة ومن عند رجالهم ماعندهمش تلفونات.... 
فات نهاري عادي لحق نهار السبت نضت مكتئبة لان رح نروح لاسيتي لخاطر الاحد نقرا صباح ومايلحقنيش الوقت دوشت ودارت ما بطاطا فايضة سلاطة راكم عارفين الصيف الراعي الرسمي تاعها ماقديتش ناكل لخاطر قنطانة لبست ساجيدتي ومدلي بويا دراهم لي سلفهم لخاطر ناس لي يخدم عندهم كلاوه ماخلصوهش مسكين يخدملهم الحديد حتى يديه يرجعو غير الدمومات مانديروش فازلين ولا كاش كريم ولا لالالا نديرو الزيت والشمع كل ليلة يدير ليديه ورجليه وخصوصا فالشتا يديه قاع ينحلو...
يتبع