رواية حب خارج المنطق البارت الاول حصريه وجديده
ايه پصدمة : تجيلي زيارة فين؟؟؟
رشيد باستغراب : في الحاجه دي اللي اسمها داخلية اللي هتسكني فيها!!..ايه يا بنتي مش حابه وجودي ولا ايه؟؟
ايه بضحك : ايوه تعالى اسكن معايا في الداخلية عشان اطرد انا من الداخلية والجامعه كلها!!
ابوها بصلها بضحك وهو فاهم ان عمها ميعرفش اساساً داخلية دي ايه
هنادي بدموع : مع السلامه يا ايه هتوحشيني مع انك كنت بنت دبش وفقر اوي بس بحبك!!
شكرا يا هنادي اهم حاجه حب الناس...ودي تبقى هنادي بنت عمي رشيد اكبر مني بسنتين بس متجوزه ومكملتش تعليم زي اغلبيه البنات هنا للاسف كل همهم الجواز ومعندهومش طموح للتعليم !!
منار و ميار ومنى وهما بيعيطوا : مع السلامه يا ايه هتوحشينا اوي اوي اوي اوي !!
ايه وهي بتحضنهم حضڼ جماعي : وانتوا كمان هتوحشوني!!
القطر كان خلاص عايز يتحرك فكان لازم اركب بسرعة واسيبهم
ايه وهي بتركب القطر باستعجال وبتشاور لهم من الشباك : مع السلامه يا جماعه...مع السلامه للكل...هتوحشوني اوي...ملحقتش اودعكم كلكوا !!
هتقولولي دول كلهم وملحقتيش تودعيهم هقولكوا اه اصل البلد كلها جات تودعني اللي اعرفه واللي معرفوش لدرجة حسيت نفسي وزيرة ولا حاجه مهمة وانا واحدة اساساً مكنش حد يعرفها غير ابوها وامها والقطر كله كان بيبصلي باستغراب و صدمة من التجمع ده اللي جاي علشاني !!
ميار بهمس من الشباك : بت يا ايه...خدي ده!!
بصيتلها باستغراب واخدت منها الكيس من الشباك والقطر بعدها اتحرك....
فتحت الكيس لقيت فيه على ما اظن من خبرتي اسمه روج ده اللي بيحطوه البنات اللي على النت في الشفايف وحاجه تانيه بتتحط على الرموش مش عارف اسمها وكان في حاجه عامله زي القلم الاسود افتكرته كحل بس شكله كان غريب ولقيت ورقه جوا الكيس مكتوب عليها "جيبتلك الحاجات دي من البت سوسو من ورا اهلك اصل البنات في مصر بيحطوا منها ابقي حطي منها " ضحكت ودخلت الكيس الشنطة وغمضت عيوني بنعاس
: لو سمحتي لو سمحتي
فتحت عيوني بنعاس وانا ببص حواليا : ايه وصلنا؟؟؟
: لا بس كنت عايزة اعمل مكالمة ضروري من تلفونك تلفوني فصل شحن لو سمحتي!!
: اكيد طبعا هديكي تلفوني... فتحت الشنطة وانا بدور على تلفوني.....ايه ده لحظة تلفوني فين؟؟؟.... تلفوني مش لاقياه!!!...... انا اتسرقت!!
يتبع
