رواية حب خارج المنطق البارت الثاني حصريه وجديده
رواية حب خارج المنطق البارت الثاني حصريه وجديده
وقفوا القطر حالا!!...انا اتسرقت!!
وقفت بسرعة و قولتها بانفعال وصوت عالي وانا متوقعة انهم هيوقفوا القطر ويعملوا تفتيش ويلاقوا تلفوني الا ان الجميع بصلي بسخرية والقطر موقفش سمعت اللي وراا وهي بتتكلم بهمس مع اللي جنبها
يا حرام شكلها لسه ورده مفتحة على الدنيا ومتعرفش حاجه!!...اللي يتسرق يتفلق هنا !!
اه والله انا السفر كله بفضل ماسكة شنطتي عشان متسرقش!!
قعدت مكاني تاني من سرعة القطر وقعدت اعيط بصوت عالي ومش عارفه اعمل ايه وحاسه اني هتعب اوي في سفرتي دي لحد ما اتخرج واتأقلم على الدنيا برا البلد!!
بصيت على البنت اللي قاعدة في الناحية التانيه من القطر وشكلها مش فاهمه حاجه وهتتعب اوي فقررت اساعدها...
نمرة تلفونك!!
بصيتله پخوف و صدمة من طلبه انت بتقول ايه
بقولك عايز نمرة تلفونك!!
بصيتله بعصبية وصړخت فيه يا وقح يا عديم الرباية يا متحر.. ش يا اللي مشوفتش دقيقة تربية انا مش من البنات السيكو سيكو اللي تعرفهم!!
ايه ده
ايه باحراج نمرة تلفوني!!
كنت هرفض اساعدها بسبب موقفها معايا وتسرعها بس حسيت انها ندمت ومكسوفة ومش عارفه حاجه فقررت اساعدها ورنيت عليها
ايه ده صوته بيرن جنبك شوفيه كده تحت الكرسي ولا في الارض !!
نزلت تحت الكرسي وهتفت بسعادة وهي بتلتقطه لقيته!!....... لقيت التلفووون!!.... متسرقش!!....الف حمد وشكر ليك يارب
بصيت على تلفونها اللي فرحانة بيه اوي پصدمة و استغربت ان في حد ماسك تلفون زي ده في الزمن اللي احنا فيه وان ده التلفون اللي معمول عشانه الضجة دي كلها !!
بعد فترة طويلة مش عارفه كم ساعة محستش بالوقت لاني اغلبه كنت نايمة اساسا وصلنا نزلنا و اټصدمت من الاشكال والالوان اللي شايفاها قدامي!!
ايه ده!!...دي عامله زي الممثلات اللي بنلاقيهم في التطبيق اللي اسمه التيك توك!!
بصيت على منظر البنات ولبسهم واناقتهم باحراج من منظري وكانوا هم بيبصلوا باستغراب من شكلي لابسه عباية ماما لما كانت في اعدادي اللي اتوارثتها اساسا من جدتي لما كانت في ابتدائي !!
لو سمحتي فين هلاقي التوك توك
البنت وهي بتبصلي بسماجة انتي بتقولي ايه... توك توك ايه...مش فاهماكي!!
قولتلها وانا بوصف بايدي توك توك ده اللي بيركب الناس كلها في الصندوق بتاعه وبيلف بيهم في البلد!!
البنت وهي بتبصلي پصدمة مفيش الكلام ده هنا!!... هنا بتركبي اوبر!!
بصيتلها بغباء طب وفين هلاقي الاوبرا ده
البنت اسمه اوبر مش اوبرا!!....وبتطلبيه اونلاين من تليفونك!!
اطلبه ايه يا اختي
اونلاين!!...من تلفونك!!... ايه معندكيش تلفون
جاوبتها بثقة وفخر وانا بطلعوا من الشنطة اكيد طبعا معايا خدي اطلبيلي الاوبرا من لونولاين ده!!
مديتلها التلفون وهي مسكته پصدمة وهي بتبدل نظرها بيني وبين التلفون ده تلفونك!!
اردفت بثقة ايوه اكيد طبعا تلفوني لسه مشترينه ليا جديد بمناسبة
نجاحي اصل عندنا ممنوع البت تمسك تلفون الا لما تدخل الجامعة عشان هتحتاجه!!
بس ده يادوب بيعمل مكالمات اصلا!!.... هطلب لك اوبر من تلفوني!!
وطلعت تلفونها من شنطتها كان حجمه اكبر من تلفوني اربعة مرات ماشاءالله وفيه 3 كاميرات اتنين فوق بعض وواحدة على جنب ومرسوم عليه تفاحه انبهرت بشكله اوي و سألتها
الله تلفونك حلو اوي!!...اسمه ايه
ايفون 14 برو ماكس
سيفون كلوراكس 14
ايفوووون مش سيفون !!
