الفصل_الثامن (مسلوب الإرادة) رواية_جوازة_ابريل نورهان_محسن

اللي عملتيه فيه .. احرجتيه اوي قدام المز ة بتاعته يا ابريل
زفرت أبريل بضيق وهي تلوح بكفها بلا مبالاة وقالت پحقد مكتوم يشوبه التوتر مايو لع مترح ماهو .. خلاص فكك من السيرة دي ..
تابعت سألتها وهى تغير مجرى الحديث تماما وأدارت رأسها حول المكان اومال فين لؤي
احترمت ريم رغبتها في عدم الانخراط في نقاش حول هذا الأمر أكثر وأجابت ببساطة راح يلعب مع صحابه .. انتي عارفة بيعشق اللعب والتنطيط قد ايه
سألتها ابريل بلطافة حبيبي .. هو عامل ايه
أخبرتها ريم ببسمة هادئة الحمدلله .. كنتي وحشاه .. هتلاقيه بعد شوية جاي يجري يسلم عليكي
ارتفعت شفتاي ابريل في ابتسامة جميلة وقالت بمحبة هو كمان وحشني جدا .. ماتتصوريش انا بحبه قد ايه زي عمر ابن اختي بالظبط
توسعت ابتسامة ريم ووجهت لها سؤال بطريقة لطيفة وهو كمان بيحبك .. قوليلي لسه بتفكري في عرض دبي
خرج صوتها الناعم مصحوبا ببحة بعد صمت دام لحظات لا خلاص .. مش من نصيبي فرصة الشغل في شركة المقاولات دي
برمت ريم شفتيها إلى الأمام مازحة وهي ترى ملامحها العابسة بتقوليها بحزن كدا ليه!
مطت ابريل شفتيها بأسى ثم ردت بنبرة متهكمة هحزن ليه !! هضايق نفسي ليه!! انا واحدة فرحها بعد اسبوعين ولسه ماسكة شهادة التخرج في ايدي من كام يوم .. وفرصة شغل بتيجي في العمر مرات محدودة جدا جاتلي وانا رفضتها
كررت ابريل سؤالها بنبرة مغتاظة هضايق ليه!!
اڼفجرت ريم ضاحكة بصوت خاڤت وهي تضع يدها أمام فمها وانتقل الضحك إلى أبريل تلقائيا وقالت ريم بتهدج ېخرب عقلك موتيني من الضحك
هدأت ضحكاتها تدريجيا لتردف بإبتسامة حنونة ماتزعليش نفسك تتعوض بشغل احسن ان شاء الله
أخبرتها أبريل بعزم بعد أن أخرجت ربطة شعر من حقيبة يدها ثم جمعت خصلات شعرها معا إلى الأعلى وربطتها في شكل ذيل حصان ماهو انا مسكتش برده .. قدمت السي ڤي بتاعي في كذا شركة من اللي اشتغلت فيهم ايام التدريب ومستنية الرد بقي
ضحكت ريم على حماسها وعنادها المشتعلين على الدوام بينما ارتفعت حواجبها بإعجاب ثم صاحت بابتسامة متعجبة مالكيش حل شكلك .. مستعجلة علي الوظيفة اكتر من الجواز .. بس عارفة انا مبسوطة انك قدرتي تاخدي الامور بالبساطة دي
ابتسمت ابريل بحب كبير يفيض من عينيها لتلك المرأة الطيبة قائلة بامتنان هائل زي ما قولتي قبل كدا نظرتي للامور هي اللي بتتحكم في حجمها سواء كانت حاجة كويسة او وحشة .. و مش عارفة من غيرك كنت هعمل ايه يا ريم .. بجد وجودك وكلامك ودعمك ليا وقت ازماتي ساعدني كتير اوي .. دا غير طبعا ان جلساتي باخدها ببلاش
أنهت ابريل جملتها بمزحة جعلت ريم تضحك بخفة وتمسك بيدها وتربت عليها بحنو صدح فى صوتها قائلة بإبتسامة دا دور الصحاب يا توتة وانا بعتبرك صحبتي مش بتعامل اني دكتورتك النفسية وانتي عارفة كدا..
أردفت ريم ضاحكة بإيماءة من رأسها إلى الخلف اهو مش قولتلك .. اهو جاي يجري عليكي هناك
انفرجت ابتسامة عريضة على وجهها تظهر غمازاتيها المحفورتين وهي تستدير لتفتح ذراعيها لذلك الصبي الصغير البالغ من العمر سبع سنوات الذي كان يركض في اتجاهها لتضمه في حضنها بشوق ومهللة بفرحة صادقة فور رؤيته لولو!!!
ريم أشرف طبيبة نفسية صاحبة هادئة تتصف برجاحة العقل والهدوء مهندمة دائما وأنيقة.
تعرفت على أبريل قبل ثلاث سنوات حيث كان ابن ريم يلعب في النادى وأكل أحد الأطعمة التي تحتوي على مكون