رواية زوجتي من الريف الفصل التاسع والعاشر بقلم رنا ياسر حصريه وجديده
المحتويات
ﺍﻟﺤﺎﺿﺮﻳﻦ
ﺃﺣﻤﺪ ﻭﻫﻮ ﻳﺠﺬﺑﻬﺎ ﻣﻦ ﻳﺪﻫﺎ
_ ﻃﻴﺐ ﻳﺎ ﻓﺮﻳﺪﻩ ﻣﻤﻜﻦ ﻧﺘﻜﻠﻢ ﻓﻲ ﺍﻟﺒﻴﺖ
ﺟﺬﺑﺖ ﻓﺮﻳﺪﻩ ﻳﺪﻫﺎ ﻣﻨﻪ ﺑﻘﻮﻩ ﻭﻫﻲ ﺗﻬﺘﻒ ﺑﺼﺮﺍﺥ
_ ﻻ ﻳﺎ ﺣﺒﻴﺒﻲ ﺍﻧﺎ ﻫﻘﻮﻝ ﻟﻠﻨﺎﺱ ﻛﻠﻬﺎ ﻋﻠﻴﻚ
ﺍﻟﺒﻴﻪ ﺍﻟﻠﻲ ﻋﺎﻣﻞ ﻣﺤﺘﺮﻡ ﻭﺑﻴﺤﺒﻨﻲ ﻣﺘﺠﻮﺯ ﻋﻠﻴﺎ ﻭﻛﻤﺎﻥ ﺭﺍﺡ ﺷﻬﺮ ﻋﺴﻞ ﻭﻋﺎﻳﺶ ﺣﻴﺎﺗﻪ ﻭﺍﻧﺎ ﻋﺎﻣﻠﻪ ﺯﻱ ﺍﻟﻤﻐﻔﻠﻪ ﻓﻲ ﻧﻈﺮﻩ
ﺃﺣﻤﺪ ﺑﻐﻀﺐ
_ ﺍﻳﻪ ﻳﺎ ﻓﺮﻳﺪﻩ ﺍﻟﻠﻲ ﺑﺘﻘﻮﻟﻴﻪ ﺩﻩ ﻋﻴﺐ ﻛﺪﻩ ﻭﺑﻌﺪﻳﻦ .......... ﻗﺎﻃﻌﺘﻪ ﻓﺮﻳﺪﻩ ﺑﺼﻴﺎﺡ ﻗﺎﺋﻠﻪ
_ ﻋﻴﺐ ﺍﻳﻪ ﺣﺮﺍﻡ ﻋﻠﻴﻚ ﺍﻧﺎ ﻗﺼﺮﺕ ﻓﻲ ﺍﻳﻪ ﻣﻌﺎﻙ ﻭﻻ ﺯﻫﻘﺖ ﻣﻨﻲ ﺧﻼﺹ
ﻛﺎﻥ ﺍﻟﺠﻤﻴﻊ ﻳﻨﻈﺮ ﻻﺣﻤﺪ ﻧﻈﺮﺍﺕ ﻏﻀﺐ ﻭﻛﺮﻩ ﻭﻭﻗﻊ ﻣﻦ ﻧﻈﺮﻫﻢ ﻣﺪﻳﺮﻫﻢ
ﺳﺎﻟﻲ
_ ﻟﻴﻪ ﻛﺪﻩ ﻳﺎ ﺍﺳﺘﺎﺫ ﺍﺣﻤﺪ
ﺭﺩ ﻋﻠﻴﻬﺎ ﺃﺣﺪ ﺃﺻﺪﻗﺎﺀ ﺍﺣﻤﺪ ﻗﺎﺋﻼ
_ ﻟﻮ ﺳﻤﺤﺘﻢ ﻣﺤﺪﺵ ﻳﺘﺪﺧﻞ ﻭﺑﻌﺪﻳﻦ ﻋﺎﺩﻱ ﺍﻟﺮﺍﺟﻞ ﻣﻤﻜﻦ ﻳﺘﺠﻮﺯ ﺍﺭﺑﻌﻪ ﺍﺻﻼ
ﺃﺣﻤﺪ ﺑﺈﻧﻔﻌﺎﻝ
_ ﻣﺶ ﻋﺎﻳﺰ ﻛﻠﻤﻪ ﻣﻦ ﺣﺪ ﻛﻞ ﻭﺍﺣﺪ ﻳﻠﺰﻡ ﺣﺪﻭﺩﻩ
ﻗﺎﻝ ﻛﻠﻤﺘﻪ ﻭﺍﺗﺠﻪ ﻧﺤﻮ ﻓﺮﻳﺪﻩ ﺑﺨﻄﻮﺍﺕ ﺳﺮﻳﻌﻪ ﻭﺍﻣﺴﻜﻬﺎ ﻣﻦ ﻳﺪﻫﺎ ﻭﺟﺬﺑﻬﺎ ﻟﻠﺨﺎﺭﺝ ﺑﻘﻮﻩ
_ ﻣﺶ ﻣﻌﻘﻮﻟﻪ ﺍﻟﻠﻲ ﺑﺘﻌﻤﻠﻴﻪ ﺩﻩ ﻳﺎ ﻓﺮﻳﺪﻩ ﺻﺪﻗﻴﻨﻲ ﻣﺶ ﻫﺴﺎﻣﺤﻚ ﻋﻠﻲ ﺍﻟﻠﻲ ﻋﻤﻠﺘﻴﻪ ﺍﻟﻨﻬﺎﺭﺩﻩ
ﺍﻧﺎ ﺑﺴﺘﺤﻤﻞ ﻛﻞ ﺧﻨﺎﻗﺎﺗﻚ ﻳﺎ ﻓﺮﻳﺪﻩ ﺑﺲ ﺍﻟﻤﺮﺍﺩﻱ ﺍﻧﺖ ﺯﻭﺩﺗﻴﻬﺎ ﺍﻭﻱ
ﻓﺮﻳﺪﻩ ﺑﺰﻋﻴﻖ
_ ﺯﻭﺩﺗﻬﺎ
ﻟﻴﻪ ﻓﺎﻛﺮﻧﻲ ﻟﻤﺎ ﺍﻋﺮﻑ ﺍﻧﻚ ﺍﺗﺠﻮﺯﺕ ﻋﻠﻴﺎ ﻫﻌﻤﻞ ﺍﻳﻪ ﻣﺜﻼ ﻫﻘﻌﺪ ﺍﻋﻴﻂ ﻭﺧﻼﺹ
ﺃﺣﻤﺪ ﺑﻐﻀﺐ
_ ﺍﻧﺖ ﺍﺗﺠﻨﻨﺘﻲ ﻳﺎ ﻓﺮﻳﺪﻩ ﺍﺗﺠﻮﺯ ﻋﻠﻴﻜﻲ ﺍﻳﻪ ﺑﺲ ﻭﻣﻴﻦ ﺍﻟﻠﻲ ﻗﺎﻟﻚ ﺍﻟﻜﻼﻡ ﺍﻟﻐﺒﻲ ﺩﻩ
ﻓﺮﻳﺪﻩ ﺑﻌﺼﺒﻴﻪ
_ ﻻ ﻣﺘﺠﻨﻨﺘﺶ ﻳﺎ ﺃﺣﻤﺪ ﺩﻩ ﺍﻧﺎ ﺍﺧﻴﺮﺍ ﻋﻘﻠﺖ ﻭﻋﺮﻓﺖ ﺍﻟﺤﻘﻴﻘﻪ
ﻭﻣﻴﻦ ﻗﺎﻟﻲ ﻧﻔﺲ ﺍﻟﺒﻨﺖ ﺍﻟﻠﻲ ﻛﻠﻤﺘﻨﻲ
ﺃﺣﻤﺪ ﺑﻬﺪﻭﺀ
_ ﻳﺎ ﻓﺮﻳﺪﻩ ﺩﻳﻪ ﻭﺍﺣﺪﻩ ﻋﺎﻳﺰﻩ ﺗﻔﺮﻕ ﺑﻴﻨﺎ
ﺍﻧﺎ ﺍﺻﻼ ﻣﻌﺮﻓﻬﺎﺵ ﻭﺍﻟﻠﻪ ﻧﻔﺴﻲ ﺍﻋﺮﻓﻬﺎ ﻭﺍﻧﺎ ﻫﻮﺭﻳﻬﺎ ﻫﻌﻤﻞ ﻓﻴﻬﺎ ﺍﻳﻪ
ﻓﺮﻳﺪﻩ ﺑﺰﻋﻴﻖ
_ ﺑﻼﺵ ﺍﻟﻜﻼﻡ ﺍﻟﻠﻲ ﻛﻠﻪ ﻛﺪﺏ ﺩﻩ ﻳﺎ ﺍﺣﻤﺪ
ﻃﻠﻘﻨﻲ ﺣﺎﻻ
ﺍﺣﻤﺪ ﺑﺈﻧﻔﻌﺎﻝ
_ ﺍﻳﻪ ﺍﻟﻠﻲ ﺑﺘﻘﻮﻟﻴﻪ ﺩﻩ ﺍﻧﺎ ﻣﺶ ﻫﻄﻠﻘﻚ ﻭﺑﻌﺪﻳﻦ ﻫﻲ ﻗﺎﻟﺘﻠﻚ ﺍﻳﻪ ﺍﻟﻤﺮﺍﺩﻱ ﻋﺸﺎﻥ ﺗﺼﺪﻗﻴﻬﺎ ﻣﺎﻫﻲ ﺍﻟﻤﺮﻩ ﺍﻟﻠﻲ ﻓﺎﺗﺖ ﻛﻠﻤﺘﻚ ﺑﺮﺩﻭ ﻭﺍﺗﺨﺎﻧﻘﻨﺎ ﻭﺍﺗﺼﺎﻟﺤﻨﺎ
ﺍﺧﺮﺟﺖ ﻓﺮﻳﺪﻩ ﻣﻦ ﺣﻘﻴﺒﺘﻬﺎ ﺍﻟﻬﺎﺗﻒ ﻭﻓﺘﺤﺖ ﺍﻟﺼﻮﺭ ﻭﻫﻲ ﺗﻬﺘﻒ ﺑﺼﺮﺍﺥ
_ ﺍﻳﻪ ﺭﺃﻳﻚ ﻓﻲ ﺍﻟﺼﻮﺭ ﺩﻱ
ﻭﺫﻫﺒﺖ ﻣﺴﺮﻋﻪ ﻣﻦ ﺍﻣﺎﻣﻪ ﻗﺒﻞ ﺍﻥ ﺗﺘﻠﻘﻲ ﻣﻨﻪ ﺍﺟﺎﺑﻪ
ﻧﻈﺮ ﺃﺣﻤﺪ ﺑﺎﻟﺼﻮﺭ ﻭﻋﻠﻢ ﻋﻠﻲ ﺍﻟﻔﻮﺭ ﺍﻧﻬﺎ ﻟﻴﺴﺖ ﺣﻘﻴﻘﻪ
ﻭﻫﻲ ﺻﻮﺭ ﻓﻮﺗﻮﺷﻮﺏ ﻣﻔﺒﺮﻛﻪ ﻷﻧﻪ ﻟﻢ ﻳﺘﺰﻭﺝ ﻋﻠﻲ ﻓﺮﻳﺪﻩ
ﻭﻟﻦ ﻳﺘﺰﻭﺝ ﻋﻠﻴﻬﺎ ﻻﻧﻪ ﻳﺤﺒﻬﺎ ﺟﺪﺍ
ﻭﻟﻜﻨﻪ ﻋﺰﻡ ﺍﻧﻪ ﺳﻴﻌﺎﻗﺒﻬﺎ ﻋﻠﻲ ﻣﺎ ﻓﻌﻠﺘﻪ ﻭﻟﻦ ﻳﺴﺎﻣﺤﻬﺎ ﺑﺴﻬﻮﻟﻪ
ﺳﻴﺬﻫﺐ ﺍﻟﻲ ﺑﻴﺖ ﻭﺍﻟﺪﻫﺎ ﻓﻘﻂ ﻭﻳﺨﺒﺮﻫﻢ ﺑﺤﻘﻴﻘﻪ ﺍﻟﺼﻮﺭ
ﻭﻟﻜﻨﻪ ﻟﻦ ﻳﺴﺎﻣﺤﻬﺎ ﻋﻠﻲ ﺍﻟﻔﻮﺭ ﻛﻤﺎ ﻳﻔﻌﻞ ﻓﻲ ﻛﻞ ﻣﺮﻩ
ﺍﻣﺎ ﻓﺮﻳﺪﻩ ﻓﺮﻛﺒﺖ ﺍﻟﺴﻴﺎﺭﻩ ﺑﺴﺮﻋﻪ ﻭﺳﻂ ﺩﻣﻮﻋﻬﺎ ﺍﻟﺘﻲ ﻛﺎﻧﺖ ﺗﻨﻬﻤﺮ ﻋﻠﻲ ﻭﺟﻨﺘﻴﻬﺎ
ﻋﻨﺪ ﻣﺆﻳﺪ
ﺍﺧﺬﻩ ﻣﺤﻤﺪ ﻭﺑﻘﻴﻪ ﺍﻟﺮﺟﺎﻝ ﺍﻟﻲ ﻗﺴﻢ ﺍﻟﺸﺮﻃﻪ ﺩﻭﻥ ﺭﺣﻤﻪ ﺍﻭ ﺗﻌﺎﻃﻒ ﻣﻊ ﺩﻣﺎﺋﻪ ﺍﻟﺘﻲ ﻛﺎﻧﺖ ﺗﻨﺰﻑ ﺑﺸﺪﻩ ﻣﻦ ﺟﺴﺪﻩ
ﻛﺎﻥ ﻣﺆﻳﺪ ﻓﻲ ﺣﺎﻟﻪ ﺑﻴﻦ ﺍﻟﻮﻋﻲ ﻭﺍﻟﻼﻭﻋﻲ ﻓﻜﺎﻥ ﻳﺸﻌﺮ ﺑﻬﻢ ﻭﻟﻜﻨﻪ ﻛﺎﻥ ﻻ ﻳﻘﺪﺭ ﻋﻠﻲ ﻓﻌﻞ ﺷﺊ ﺣﺘﻲ ﺍﻥ ﻳﻔﺘﺢ ﻋﻴﻨﻴﻪ
ﻭﺻﻠﻮ ﺑﻪ ﺍﻟﻲ ﻗﺴﻢ ﺍﻟﺸﺮﻃﻪ ﻭﺩﻟﻔﻮﺍ ﺑﻪ ﺍﻟﻲ ﺍﻟﺪﺍﺧﻞ
ﻣﺤﻤﺪ ﻭﻫﻮ ﻳﻨﻈﺮ ﻟﻠﻌﺴﻜﺮﻱ
_ ﻋﺎﻳﺰﻳﻦ ﻧﻌﻤﻞ ﻣﺤﻀﺮ ﻓﻴﻦ ﺍﻟﻀﺎﺑﻂ ﺍﻟﻠﻲ ﻫﻨﺎ
ﺍﻟﻌﺴﻜﺮﻱ ﺑﺈﺳﺘﻐﺮﺍﺏ
_ ﻫﺘﻌﻤﻠﻮﺍ ﻣﺤﻀﺮ ﻓﻲ ﻣﻴﻦ
ﻣﺤﻤﺪ ﺑﻐﻼﻇﻪ
_ ﻫﻴﻜﻮﻥ ﻓﻲ ﻣﻴﻦ
ﻓﻲ ﺍﻟﻠﻲ ﻣﻌﺎﻧﺎ ﺩﻩ
ﺍﻟﻌﺴﻜﺮﻱ ﺑﺸﺪﻩ
_ ﻣﺎ ﺗﺘﻜﻠﻢ ﻋﺪﻝ ﻳﻼ ﺑﺪﻝ ﻣﺎ ﺍﺭﻣﻴﻜﻢ ﻛﻠﻜﻢ ﻓﻲ ﺍﻟﺤﺠﺰ
ﻣﺤﻤﺪ ﺑﻬﺪﻭﺀ
_ ﻣﺎﺷﻲ ﻣﻤﻜﻦ ﺑﻘﺎ ﺗﺪﺧﻠﻨﺎ ﻟﻠﺒﺎﺷﺎ
ﺍﻟﻌﺴﻜﺮﻱ ﺑﺸﺪﻩ
_ ﺛﻮﺍﻧﻲ ﻫﻘﻮﻝ ﻟﻠﺒﺎﺷﺎ
ﺫﻫﺐ ﺍﻟﻌﺴﻜﺮﻱ ﻭﺍﺧﺒﺮ ﺍﻟﻀﺎﺑﻂ
ﺍﻟﻌﺴﻜﺮﻱ ﺑﺸﺪﻩ
_ ﺍﺩﺧﻠﻮﺍ
ﺩﻟﻒ ﺍﻟﺠﻤﻴﻊ ﺍﻟﻲ ﺍﻟﺪﺍﺧﻞ ﻭﻣﻌﻬﻢ ﻣﺆﻳﺪ ﺍﻟﺬﻱ ﻳﻨﺰﻑ ﺑﺸﺪﻩ
ﻣﺤﻤﺪ ﺑﺼﻮﺕ ﻋﺎﻝ
_ ﺍﻧﺎ ﻋﺎﻳﺰ ﺍﻋﻤﻞ ﻣﺤﻀﺮ ﺍﻋﺘﺪﺍﺀ ﻳﺎ ﺣﻀﺮﺓ ﺍﻟﻀﺎﺑﻂ
ﺍﻟﻀﺎﺑﻂ ﺑﺈﺳﺘﻔﻬﺎﻡ
_ ﺣﺪ ﺍﻋﺘﺪﻱ ﻋﻠﻲ ﺍﻻﺳﺘﺎﺫ ﺍﻟﻠﻲ ﺑﻴﻨﺰﻑ ﺩﻩ ﺗﻘﺼﺪﻭ
ﻣﺤﻤﺪ ﺑﻐﻀﺐ
_ ﻻ ﻋﺎﻳﺰ ﺍﻋﻤﻞ ﻣﺤﻀﺮ ﻓﻴﻪ ﻫﻮ ﺍﻟﻠﻲ ﺑﻴﻨﺰﻑ ﻗﺪﺍﻣﻚ ﺩﻩ
ﺍﻟﻀﺎﺑﻂ ﺑﺸﺪﻩ
_ ﺍﺯﺍﻱ ﻳﻌﻨﻲ ﻋﺎﻳﺰﻳﻦ ﺗﻌﻤﻠﻮ ﻣﺤﻀﺮ ﻓﻴﻪ ﻭﺑﻌﺪﻳﻦ ﻫﻮ ﺑﻴﻨﺰﻑ ﻛﺪﻩ ﻟﻴﻪ ﻻﺯﻡ ﻳﺮﻭﺡ
متابعة القراءة
