رواية آمَـال ضَـائِـعـة الـبَـارت الثاني الـڪَـاتِـبَـة آيَـة أحـمَـد أبـوُداعـوُس حصريه وجديده

رواية آمال_ضائعة البارت_الثاني 
الڪاتبة_آية_أحمد_أبوداعوس حصريه وجديده 
آمال معرفتش تنام كويس وقامت على أذان الفجر صلت وقعدت تذاكر شويه وجهزت لبسها ونزلت.
بعد ما نزلت خلود بتقول ل مها هي آمال فين يا مها نزلت ليه من بدري كده .
مها ست الشيخة نزلت يختي هتلاقي رايحة تتهوى شوية ولا مش طيقانا فقالت تنزل بدري يبنتي أصلا قايمة من الفجر عماله تصلي وتذاكر .
خلود يستي ربنا يصلحهالها وبعدين إنتي إيه عرفك انها صاحيه الفجر .
مها ما أنا كنت صاحية بكلم محمود وبعدين نمت.
خلود يشيخه إتقي الله بقا في نفسك وأهلك محمود إي اللي سهرانه للفجر تتكلمي معاه يبنتي أهلك تعبانين وناس غلابه واثقين انك في السكن بتذاكري في وسط بنات وملكيش علاقه بحد.
مها بقولك إي يا ست خوخه انتي هتستشيخي إنتي كمان ولا إي يا حلوه ! خليكي في حالك أحسنلك لو كنت نسيتي إللي جرا هاتي الدفاتر تتقرا يا ماما ولا نسيتي باسم حبيب القلب إللي فضلتي معلقه معاه سنتين وعشمك بالجواز وبعدين راح خطب قريبته .
خلود حرام تعاير أخوك المسلم يا مها وبعدين أنا الحمد لله ربنا هداني وبعدني عنه وانا اللي سبته لأن رجعت لعقلي ولربنا ومش هو الشخص المناسب ليا فأنا بوعيكي وبنصحك لأن خاېفه عليكي وعشان قلبك ميتكسرش احنا اصدقاء يا مها وبناكل في طبق واحد واجبي إن انصحك لأن إنتي أختي الصغيره .
مها لأ يا خوخه هانم وفري نصائحك وبعدين محمود من عيلة غنية ومتريشه أوي وهو كمان اللي بيشحنلي عشان أكلمه ودايب فيا دوب مش زي باسم .
خلود طيب يا مها أتمنى يكون غير وميكونش المقابل كبير اللهم بلغت اللهم فإشهد بس سيبي آمال في حالها دا بت غلبانه وخام مش فاهمه حاجه ولسه في أولى واحنا خلاص كلها السنه دي ونتخرج فإعتبرها أختك يا مها وإبعدي عنها مضيقيهاش بالكلام بتاعك دا.
مها نفخت بعصبيه وقالت أوووف إما اكمل نوم عشان دماغي ومش نازله محاضرات النهارده يلا انتي كمان بقا شوفي نازله محضراتك ولا سكتك إي ..
____الڪاتبة_آية_أحمد_أبوداعوس____
آمال كانت قاعدة في الكافتيريا بتاعت الكلية بتقرأ وأول ما الساعة جات 11 لمت حاجتها وراحت المدرج عشان محاضراتها خلاص هتبدأ لكن أول ما جيت عند باب المدرج وداخله خبطت في ولد خارج مره واحده من المدرج بتاعها بسرعة وشكله متنرفز بصت آمال على الشخص وبتقوله بعصبيه لأن الخبطه وجعتها والكتب وقعت مش تبص قدامك يا بني آدم أنت !! وقعدت تلم كتبها والشخص دا فضل واقف قدامها لحد ما لمت الكتب وقامت 
أول ما شافته لقته نفس الشخص ولابس نظارة شمس بردو ومركز فيها اوي.
آمال إتوترت جدا ورجعت لورا وهو لاحظ إنها خاڤت
وقالها متخفيش مالك في إي ! أنا أسف يا جميل مشوفتكيش .
آمال مردتش عليه ودخلت المدرج بتاعها .
المحاضرات خلصت لقت بنت جايا بتقولها
هاي يا قمر إنتي إسمك إي .
آمال ردت عليها إسمي آمال ليه إيه سبب سؤالك عن إسمي وإنتي مين.
بسمة وأنا صديقتك بسبوسة....بسملة يعني إنتي جميلة جدا وشكلك في حالك ومحترمة يا آمال عشان كده حبيت أتعرف عليكي ممكن نكون صحاب لأن أنا مليش صحاب مقربين هنا لكن ليا زمايل كتير ومعارف كتير لكن عاوزه بنت تكون محترمة هي المقربة ليا لأن أنا اجتماعيه جدا لكن مش بثق في الناس بسهولة بس انتي غير اول ما شوفتك حسيتك محترمه وطباعك ومبادئك شبهي لكن انتي انطوائية واضح عليكيفقولت اجي انا افتح كلام معاكي لأن عمري ما كنت هتعمليها انتي ههههه.