ازمة ثقة الجزء السابع بقلم مريم اليوسف

ماشيه معك
بيان واذا لأ
سعد بفضل انسحب واطلع من حياتك لانو خاېف اتورط اكتر من هيك ويصير الانسحاب صعب علي ... عنجد بيان انتي انسانة لطيفة وحلوة وجذابة ومافي شب بيقدر يقاومك وخصوصا اذا تقرب منك وتعرف عليكي منيح من جوا ... اذا ماعندك مانع انا حابب كمل معك .. وان شاء الله لما يتحسن وضعي منيح رح اطلبك فورا ونتزوج .. لانو انا من النوع يلي بفوت من الباب دغري ومابحب اللف والدوران .. ان شاء الله هلأ عندي اعلانين وفيدو كليب رح ادفع اول قسط للشقة وبنصير نجهزا شوي شوي وطبعا هاد يلي وصلتلو كلو بفضلك
بيان لا تحكي هيك .. كلو بفضل رب العالمين
سعد اي شو قلتي
بيان بدي فكر
سعد طيب ماشي فكري ع مهلك وبكرا ناطر رد منك ع احر من الجمر
بيان اذا لأ شو بتعمل
سعد اكيد رح ازعل وانقهر كتير .. بس بحاول انسا .. وكمان لساتنا ببداية الطريق يعني بكون خفيف
بيان نمشي
سعد تفضلي
وصات بيان على بيتا و طلعت ع غرفتا وطلبت رفيقتا مرح على التلفون
بيان مساؤوو
مرح هلا وغلا .. شو طمنيني كيف السهرة
بيان كتير حلوة
مرح صار شي
بيان اي صار الظاهر وجهك حلو علي
مرح اي يلا حكيلي بسرعة
بيان قلي انو هو معجب فيني وحابب يرتبط فيني
مرح ايي
بيان شو اي .. قلتلو بدي فكر
مرح عملتي منيح .. اي وانتي شو رأيك
بيان اكيد رح قول موافقة
مرح ليكي شو بدي قلك
بيان شو
مرح بركي كان طمعان فيكي
بيان معقول .. لا لا سعد مو هيك
مرح لك المشكلة كلن ببينو مناح بالاول
بيان طيب شوبدي اعمل لحتى اتأكد
مرح قوليلو انو بدك شهر شهرين تدرسو بعض وبعدين بيتقدملك
بيان هيك قولتك
مرح اي .. ومع هالفترة اذا كان عم ېكذب اكيد رح يزلق بشي وبينكشف عحقيقتو
بيان معك حق .. لكن بكرا بخبرو
مرح اي بتعملي منيح
الصبح
واقف قدام الميتم وناطرا لتجي ويشوفا
اجت بسيارتا صفتا ونزلت
بلال انا شو عم اعمل هون ...بلال شو عم تجن .. دور سياروتو ومشي بسرعة
هية واقفة جوات باب الميتم وعم تراقبو وعلى وجها ابتسامة نصر وقالت بكفيني انك عم تحترق من بعيد علي
بلشو العمال يتوافدو على المصنع ومن بيناتن عزة ..
موفق عزة هون مكتبك الجديد
عزة ماشي شكرا ..
فاتت ع مكتبا وكان معا موظفة صارت تعلما ع الشغل
فات حيدر ع المصنع واتجه ع مكتب عزة الجديد
دق الباب فات وعزة والموظفة وقفولو
حيدر ارتاحو .. ارتاحو .. صباح الخير
صباح النور حيدر بيك
حيدر كيف الشغل عزة
عزة عم اتعلم بس باين سهل كتير
حيدر وهاد يلي بدنا اياه
عزة شكرا كتير
حيدر العفو .. يلا رجعو كملو شغلكن
طلع وسكر الباب وهو عم يبرم ضهرو طلع بوجهو بلال
بلال صباح الخير
حيدر صباح النور
بلال رحت ع الشركة قالولي انك هون
حيدر في شي
بلال لا بس ع حدا علمي مافي شغل الك اليوم هون .. وعنا شغل بالشركة متراكم
حيدر صح جاي اخد ملف نسيتو هون ورايح
بلال ماشي.. انا رايح اعمل فتلة بالمصنع شوف الشغل والحقك
كل واحد راح بجهة
بلال كمل ع المطبخ
سميرة اهلين بلال بيك قلي بدك شي
بلال لا لا .. بس جاي اسألك كم سؤال
سميرة تفضل
بلال هي عزة .. شو وضعا
سميرة من ايو ناحية
بلال من كل النواحي بدي اعرف عنها كلشي .. انو حركاتا طلعاتا فوتاتا
سميرة بصراحة ماشفت منها شي ومابتطلع ع محل ابدا .. بس مبارح فجأة حيدر بيك وظفا مسؤولة .. وانا استغربت انو ماصرلو بيعرفا غير اولت مبارح ومبارح وظفا .. وهية عحسب مافهمت منها
مطلقة وجوزا قلعا هية وابنا وكمان هية بنت ميتم
بلال اممم .. وماعرفتي ليش قلعا
سميرة لا ماحكتلي شي بخصوص هالموضوع .. هية قاعدة عندي وبصراحة حاسي حالي تسرعت ليش سكنتا عندي ..
بلال حاليا المخلوقة ماشفنا منا شي بس اذا شفتي عليها شي قلعيها ..
سميرة اكيد ..
بلال بدي منك تخليها تحت عينك وماتخليها تغيب عن عينك ولا دقيقة
سميرة بتأمر بلال بيك
بلال واذا شفتي عليها شي بتخبريني فورا
سميرة حاضر
بلال يلا الله يعطيكي العافية
سميرة شكرا
يتبع ...