رواية أشواك_في_القلب الفصل الرابع والخامس بقلم الكاتبة_روان_الشبلاق حصريه وجديده
المحتويات
الي امك بتبعتلو الصور
نسرين. شو بدك فيه
عادل. بلكي بنستفيد منو بشي انا وانتي
نسرين. اي تكرم عينك
عادل. الله يكرمك
بعد مرور كم يوم صار معن شغلات كتير وخربطتلن حياتن
ام نسرين اجاها خبر انو اخوة ابو نسرين بدن يبيعو البيت بسوريا والبيت كبير وسعرو غالي
ومابتقدر تمنعن وهي ببلد تاني
ام نسرين. لك الله لا يوفقهن انا بهرب منهن وهن بيلحقوني بمشاكلهن
نسرين. امي روقي شبك
مابيقدرو يبيعو البيت ولا بيقدرو يسوو شي
ام نسرين. امبلا بيقدرو انا هاد الي كنت خاېفة منو
البيت مو مسجل بأسم ابوكي الله لايرحمو
شو بدي ساوي مابعرف
نسرين. بتعرفي شو سمعت كمان
ام نسرين. شو
وقال مابدا تستقر بأوروبا
ام نسرين. ايواا هاد الي ناقص
انا من وين بدي لاقيها ولا من وين
وليكي كمان وضعنا كيف صاير ليرة مافي بكل البيت
نسرين. اي بيعي انتي بيتنا الي بسوريا وبنصرف بحقو او بنشتري بيت هون
ام نسرين. مابقدر بيعو مرجوعنا لسوريا اخر شي
وين بدنا نعيش هنيك بالشارع يعني
عأساس حدا من اهل ابوكي رح يتطلع فينا
ما ليكن بدن يبيعو بيتنا ويتقاسمو حقو
واذا راح البيت مصېبة
نسرين. لكن شو الحل
ام نسرين. مابعرف خليني فكر كم يوم
في بيت عادل
عادل. ماسألتيني عن اهلك لما رجعت لهالدرجة مابهموكي
حنان. لا ومابدي اعرف عنن شي
عادل. في خبر بدي قلك ياه
حنان. في شي بدي قلك ياه
عادل. شو في
حنان. لا احكي انت بالأول
عادل. عمتك وفاء قال رجعت تستقر هون بهالبلد هي واولادها
حنان. عنجد عم تحكي
عادل. شو شايفك فرحتي
حنان. اكيد بدي افرح عمتي هي حنونة كتير وبتحبني
عادل. هلأ شو بدك بهالحكي الفاضي قال بتحبني
المحبة مابتطعمي خبز
هي عمتك ارملة ومافي حدا يحاسبها ع مصاريها واكيد صار معا ملايين صرلا خمس سنين بأوروبا واخدت الچنسية
يعني اذا بتقدري تستفيدي منا بشي
مو غلط بلكي بيتحسن وضعنا
رح جبلك رقمها من نسرين
حنان. انت كل شي عندك استغلال ومصلحة
اصلا بكون كتر خيرها اذا استقبلتني ببيتها بعد كل شي عملتو فيها امي
عادل. العما امك شو بنت حرام
المهم هلأ حكيلي شو بدك تخبريني
حنان. بدي قلك انو انا
عادل. انتي شو
حنان. انا حامل
عادل. الله لا يوفقك على هالخبر الي بسد النفس
حنان. شبك
عادل. لأن شايفة وقتو هالشي
ناقصني انا
لك انا ابتليت فيكي
شو الي جبرني اتزوجك مابعرف
قال انا حامل لا ومبسوطة كمان
حنان. لك عادل اسمعني
خلينا نبلش حياة جديدة ونضيفة ونبعد عن كل هالوسخ
انت رح تصير اب ويصير عنا عيلة
سدقني رح نعيش مبسوطين
بس انت لا تظلك لاحق اهلي وتمشي وراهن
خلينا نبعد عن الكل ونربي اولادنا ونكبرهن ويصير عنا عيلة حلوة
عادل. لك قومي انقلعي من وشي ټضربي انتي وهالحكي الي بسد النفس
لك انتي مابتملي حاجة قرف
بتظلي تعيدي بنفس السيرة
مين قلك انو انا فيني كون مبسوط معك
لك انا بقرف منك ومابطيقك
حنان. لك انت مافي امل منك مستحيل تتغير
بعد مرور يومين
حنان. انا بدي مصاري بدي روح ع الدكتورة اتطمن وشوف شو بتقلي
عادل. اي مو غلط روحي
وليكي روحي كمان على عمتك زوريها واشرحيلها وضعك بلكي بتعطيكي كم ليرة نمشي حالنا فيهن
حنان. انا بدي روح بس شوفها لانو مشتاقتلها ومارح اشرحلا شي
عادل. العما بقلبك شو لئيمة
حنان. وانت شو ناقصك ليش مابتشتغل وبتصرف علينا بكفي عايشين عالشحدة من العالم رح يصير عنا ولد وانت مارح تتغير
عادل. لك انتي شو خسرانة احكي معا عأساس عم تشكيلا همك وهي من حالا رح تعطيكي
حنان. ماا رح احكي
متابعة القراءة
