نوفيلا سر_مدفون بقلم فاتن_جمال الجزء_الثالث حصريه وجديده

اختك هي اختك 
شرفك وعرضك هيي اختك محرمة عنك ومابصير تعمل هيك شي
انا واقفة وعمسمع الحكي ودموعي شلال عمتنزل
شو يعني ادمرت وشو يعني هالحكي
ام عيسى قومو ساعدوني نضب كلشي ونروح ع المدينة يلي ساكنة فيها اختي هناك ماحدا بعرفنا غيرها واكيد راح تساعدنا هيي كتير حنونة 
__________________________
نبذة عن حياة ام معتصم اخت ام عيسى 
اخت ام عيسى عايشة بمحافظة ثانية اتزوجت صغيرة وسافرت مع زوجها ع المدينة حتى يشتغل 
وكان شغلو كتير مليح وعندو بيت وراتب ومحل 
بس ماټ بحاډث وقت كانو اولادو صغارو وام معتصم ربتهن وعلمتهن بالمدارس وصارو شباب الكبير زوجتو وبقي عندها ياسر 
ام عيسى ماكانت تزورها ابدا بس ام معتصم كل كم سنة تزورهن وتطمن عنهن وعن اهلها وبعد مۏت اهلها خفت زياراتها كتير 
_________________________
ابو عيسى اي ماشي متل مابدك
قمنا ضبينا تيابنا وبقينا سهرانين للصبح ماحدا قدر ينام
ووقت شافونا الجيران طالعين
خبرهن ابي بدنا نسافر لعند قرايبينا
وفعلا ودعنا ارضنا ووبيتنا وذكرياتنا ومشينا
وابي سلم البيت لصديق الو لبين مايبيعو
مشينا ودموعنا عمتنزل شلال
موسهل نترك بيتنا وكلشي النا ونروح
بعد ساعات طويلة وصلنا للمدينة
كانت كبيرة كتير غير القرية
وناس وزحمة وابنية
قعدنا بأوتيل لبين مانشتري بيت صغير او نستأجر
اتصلت امي بخالتي كان معها رقمها
خالتي انبسطت كتير وفرحتها ماعطتها لحدا وقت خبرت انو نحن بالمدينة
وعطت عنوان بيتها لامي حتى نروح لعندها
ام عيسى سمعو انتي ويا مابدي اسمع منكن حرف
ابو عيسى قومو خلينا نزورها ونشوف كيف بدنا نأمن بيت نقعد في
ركبنا سيارة ورحنا ع العنوان
اول ماوصلنا خالتي ركدت لعند الماما وضمتها وصارت تبكي من زمان ماشافتها
سلمنا ع خالتي ودخلنا ع البيت
معتصم متزوج وعايش ببيت قريب من خالتي
ام معتصم والله مو مصدقة عيوني فرحتي مو سايعتني من زمان ماشفتك يمكن من خمس سنين اخر مرة زرتك
ام عيسى اي صح
ام معتصم ماشالله صايرة نايا صبية حلوة كتير اخر مرة شفتها كانت صغيرة يادوب تسع سنين
وعيسى شب ماشالله عنو ربي يحميهن 
ام عيسى الله يسلمك المهم طمنيني عنك كيفك انتي 
ام معتصم الحمدالله بخير وبشوفتك صرت احسن بكتير 
ماقلتولي كيف خطرنا ع بالكن وجيتو تزورونا
ام عيسى بصراحة اجينا لهون ع طول 
ام معتصم عنجد خبر كتير حلو بس شو صاير 
ام عيسى ولا شي اختي بس حياة المدينة احسن وتعبنا من شغل الارض 
ابو عيسى اي والله لهيك قررنا نبيع البيت والارض ونشتري بيت هون وافتح محل صغير نعيش منو
ام معتصم اي انشالله خير قوم لكن جيب غراضكن من الاوتيل وتعالو لعندي حتى تشترو بيت 
ابو عيسى لا مابمشي الحال مابدنا نعذبك معنا 
ام معتصم شو هالحكي عن اي عڈاب عمتحكي والله ماني مصدقة اني شايفتكن 
ابو عيسى معلش خلينا ع راحتنا وكل يوم منجي منزوركن 
ام معتصم لكن بدك تسمحلي تخلي عندي اختي هالليلة 
ابو عيسى متل مابدك 
وفعلا يومها بقينا عند خالتي وبابا راح