رواية أنت لي وإلا الفصل الأول بقلم نجلاء فتحي الجوهري حصريه وجديده

حور اللي انا عارفها بصي يا حور انت إهدي كدة بس وبأمر الله هتحلي كويس جدا وهتطلعي عشان تعزميني على حاجة حلوة وتقولي أخويا حبيبي هو اللي حفزني
إرتفعت ضحكتها على حديثه لتجيبه
حور يعني انا اللي أعزمك كمان طب أنا بإذن الله هحل كويس وهعزمك وانت اللي هتدفع أمال إيه ده أنا أخويا بشمهندس قد الدنيا واتوظف في أكبر شركة هندسة في البلد وهو اللي يعزمني بقي
ضړبة بسيطة على رأسها من الخلف وهو يخبرها
محمد بس خلاص إيه هتسيحي لي واحنا في الشارع حلي انت بس وأنا هعزمك وبعدين بلاش قر ده أنا متعين بقالي شهرين بس
حور خلاص يا عم مش هقر هحسدك بس
تصمت هينة وهي تتنهد بابتسامة
بس بجد شكرا يا أبيه أنا عارفة حضرتك عملت الحوار ده ليه عشان تخفف من توتري بجد شكرا انا مش عارفة من غيرك كنت هعمل ايه ربنا يخليك ليا يارب
يربت على رأسها بحنية 
محمد ويخليك ليا يا حور يلا المهم احنا وصلنا اهه هسيبك تدخلي بقي وانا هتوكل على الله عشان متأخرش يلا في حفظ الله
ودعته وهي تدخل من بوابة الجامعة تنظر لمكانها المفضل الذي تجلس فيه هي وصديقاتها لتجد إحداهما تجلس هناك ولجوارها هذا الشاب الذي جعلها تتنهد بسأم من هذا الأمر فهي لا تحب العلاقات بين الشباب والفتيات اتجهت نحوها بعدما أشارت لها 
حور السلام عليكم ورحمة الله وبركاته
ردوا السلام عليها ليلحظ أن وجوده ليس مرغوبا به في حضرتها فيستأذنهم للمغادرة على موعد لمقابلة صديقته
تنظر لها صديقتها بضيق قليلا لطريقتها وهي تعنفها
ليه كدة يا حور انت أحرجتيه
تنظر نحوها بنظرات ڼارية رافضة لما تفعله والذي ستكون له عواقب سيئة
حور أحرجته! انت اټجننت خالص يا رهف واقفة معاه في وسط الجامعة ده غير إنه حرام انت مفكرتيش لو حد شافك هيقول عليك إيه
تجيبها بنزق فهما قد تحدثوا في هذا الأمر مرارا تعلم صدق حديثها وخۏفها عليها لكنها بحاجة له فهو يساعدها في مذاكرتها وهي تعده صديقا لا أكثر
رهف يوه يا حور قلت لك قبل كدة دي صداقة عادية وبعدين شريف بيساعدني في المذاكرة وبس وانا فهمتك ده بدل المرة عشرة
تتنهد بيأس منها ومن حديثها معها الذي يتحول كل مرة لشجار
حور انت حرة يا رهف بس أنا حذرتك كتير وقلت لك إن الموضوع ده غلط انت ممكن معتبرة الموضوع بالنسبة لك صداقة لكن بالنسبة له ممكن ميكونش صداقة وبعدين موضوع المذاكرة ده أنا عرضت عليكي كذا مرة إني أساعدك وانت اللي مش راضية
رهف بالله عليك خلاص متفتحيش سيرة الموضوع ده تاني المهم ذاكرتي المادة الزفت دي ولا إيه وضعك
حور الحمد لله ذاكرتها وربنا يستر 
تنظر حولها كمن تنتظر شخصا ما لتهم بسؤالها
هي روح مجاتش لسة ولا