حدوته حنين

هههههه هو بيجى مرة في الأسبوع الساعة ١٢ 
اياد كويس عشان اتابعة معاكى 
حنين هتبقى رجعت من شغلك 
اياد اة أن شاء الله
حنين عملت أية بعد ما سبتنى 
اياد ولا حاجة رجعت عالبيت بعد ما لفيت شوية فى الشارع 
حنين انت نسيت الساندويتشات معايا 
اياد انا منستهاش يا حبيبى انا سيبتها عشان تفتكرينى لما تشوفيها وقولت اكيد هتتعشى بيها واوعى تكونى رميتيها 
حنين ههههه لا طبعا بس الاكل من الصبح وهو قافل معايا وبشرب شاى باللبن دلوقتى 
اياد وانا بشرب شاى هههه
حنين اجازتك امتى 
اياد بتتغير من شهر للتانى 
حنين بتعمل أية فيها 
اياد ولا حاجة بنام 
حنين مين اكتر حد بتسمعلة غير ام كلثوم 
اياد انا بسمع لكلة بس بفضل ام كلثوم ونجاة ووردة لان انا طلعت مع عمامى وهما دوول اللى كانوا بيسمعوهم 
حنين نفسى اتكلم معاك كتير بس الموبايل مش بستريح وانا بتكلم فية ودايما ببقي متوترة 
اياد مټخافيش واتكلمى لحد لما يصفر وانا اصلا شاحن عشانك 
حنين انت صرفت كدة كتير 
اياد متفكريش فى الحاجات دى وكملى كلامك عشان مش ضامن الاقى فرصة زى دى امتى تانى 
حنين وحشتنى يا اياد 
اياد اخيرااااااا
حنين هو أية اللى اخيراا
اياد قلبى عمال يقولى هو انت موحشتهاش ولا أية
حنين خلاص مبقتش اقدر 
اياد انتى مراتى فاهمة 
حنين ههههه 
اياد بكرة تشوفى 
حنين ياريت هو انا اكرة 
اياد ياريت أية 
حنين ياريت ابقي مراتك 
اياد وتبقى حرم اياد اسماعيل 
حنين اممم
اياد ناوية تعملى أية فى الإجازة 
حنين لسة مفكرتش بس فى الغالب عايزة اخد كورس فى الكمبيوتر 
اياد برافوا عليكى ولو خدتى القرار انا هشوفلك مكان لية اسمة تاخدى فية
حنين لالا متشغلش بالك انا هدور واشوف 
اياد لاة انا اللى هشوف عشان هسأل الاول واعرف اذا كان المكان كويس ولا لاة واتأكد من أنهم بيدوا شهادة معتمدة ...
حنين بحبك والله 
اياد انتى مسئولة منى خلاص يا حنين 
حنين أية الصفارة دى 
اياد تقريبا الكارت شطب 
عدت الايام والشهور وحنين استمرت فى مكالمتها مع اياد وكمان حددوا مكان الكورس وميعادة وظبط اياد الميعاد على ميعاد مناسب لية عشان يكون مع حنين ...
وقدر اياد وحنين على حس الكورس لمدة ست شهور يكلموا ويشوفوا بعض وبقيت العلاقة بينهم قوية جدا جدا لدرجة أنهم وصلوا لمرحلة أن كل واحد يقدر من احساسة بالتانى يعرف هو بيعمل أية من غير ما حد فيهم يكلم التانى ...
اياد متهيألى كدة كفاية بقى واقابل باباكى 
حنين طب سيبنى امهد 
اياد ماشى 
حنين وانت عملت أية مع أهلك عشان موضوع قريبتك
اياد. كلمتهم والكل عرف بس هما فاكرين انة اعجاب وهيخلص بعد شوية ولسة عندهم امل انى اكمل موضوع قريبتى دة
حنين هو انت ممكن تتجوز حد غيرى 
اياد بنظرة قوية انا مينفعش المس ولا اقرب من حد غيرك
حنين معرفش قلبى خاېف لية
اياد مټخافيش يا حبيبى انا مش هسيبك حتى لو وصلت انى اخطفك واتجوزك واحط الكل قدام الأمر الواقع 
حنين ههههه حلو الخيال دة
اياد انا مبقولش خيال ولو حد اضطرنى اعمل كدة هعمل كدة 
حنين انا كدة هخاف منك
اياد مټخافيش منى انا لو عملت اى حاجة هكون بعملها عشان تكونى معايا 
حنين الكورس قرب يخلص وخاېفة لما يعرفوا بالموضوع مقدرش اخرج تانى 
اياد. مټخافيش بقولك 
حنين أية الثقة دى 
اياد سيبيها بس على ربنا وساعتها ربنا يسهل ...
حنين يارب 
اياد يالا عشان الحق اوصلك عشان عندى مشوار 
حنين مشوار أية 
اياد. شغل يا حبيبى لما يكمل هقولك علية 
حنين ربنا معاك 
اياد يالا
لااااايك وكومنت لمتابعة حدوتة حنين
........
بالنسبة للادمن اللى عندى اللى سابوا كل اللى بيحصل دة ومسكوا فى محل الكباب والكفتة هقولكم عنونانة هو فى وسط البلد جنب محل آخر ساعة القديم عشان تستريحوا هههههههه ودة كدة بقى اعلان رسمى للمحل وانا لازم اخد كوميشن هههههههه
تحياتى حنين الماضى 
البارت ١٩ حدوتة حنين 
....................................
حنين رجعت البيت زى كل مرة بعد الكورس ....
الام حنين 
حنين نعم يا ماما 
الام بابا بيقولك روحى الجامعة وهاتى بقيت ورقك من هناك عشان هيقدملك فى شغل كويس و التقدير بتاعك اكيد هيفرق معاكى
حنين شغل أية دة يا ماما 
الام هو بيقوللى بالصدفة كان قاعد مع اللواء إبراهيم وابنة وكانوا بيتكلموا عن الشغل والناس اللي لسة متخرجة جديد وأنهم كانوا عايزين شباب حديثى التخرج وبابا قالهم عليكى وطبعا وافقوا ..
حنين بس انا لسة باخد كورس وممكن يطول 
الام مش مشكلة انتى بتاخدية اخر النهار والشغل الصبح وبعدين هو فى حد هيلاقى فرصة زى دى ويقول لاة 
حنين انتى غريبة اوى يا ماما لما قولتلك عن الشغل قبل كدة رفضتى وقولتى بنتى متتبهدلش ودلوقتى وافقتى انتى وبابا بعد ما خليتوا الفكرة تخرج من دماغى 
الام ما احنا فكرنا لقينا انك ممكن تزهقى من القعدة 
حنين وورق أية بقي اللى المفروض اجيبة 
الام الشهادة الأصلية مش المؤقتة اللى معاكى مش قالولك تروحى تستلميها بعد ٣ شهور من النتيجة 
حنين ااة 
الام خلاص عدا اهو ٣شهور
حنين انتوا مستعجلين بقى 
الام لو مش عاوزة ابقى قولى لبابا 
حنين وهرفض لية بالعكس 
الام ماشى ربنا يقدم اللى فية الخير 
 
حنين نامت وصحيت متأخر وطلعت كالعادة الشقة اللى فوق وخدت طبعا الموبايل معاها عشان تبلغ اياد عن الشغل ...
اياد حبيبى الجميل 
حنين حبيبى عامل أية
اياد الحمدلله وانتى 
حنين الحمدلله
اياد. مالك فى حاجة
حنين انا نازلة الجامعة الصبح 
اياد لية 
حنين هجيب الشهادة الأصلية عشان بابا كلم واحد صاحبة وشكلى كدة هشتغل معاة 
اياد تشتغلى !!
حنين اة 
اياد بس انا ضد فكرة الشغل دلوقتى خالص 
حنين اشمعنا دلوقتى 
اياد عشان مافيش دبلة فى ايدك ودة هيطمع اكتر من حد فيكى 
حنين ههههه انت غريب 
اياد. بس كلامى صح 
حنين اياد هو انت عاوزنى اتسجن وابقى فى زنزانة 
اياد يعنى لما تكونى فى بيتى دة هيبقى زنزانة من وجهة نظرك 
حنين لاة طبعا بس بتكلم عن دلوقتى 
اياد. ينفع تبوظى موضوع الشغل دة 
حنين بقولك بابااا يا اياااد بابا 
اياد ومين صاحبة دة وشركة أية 
حنين دة واحد اسمة اللواء إبراهيم أية تعرفة ههههه
اياد لا طبعا معرفهوش وبلاش ضحك واستفزاز 
حنين طب مش هضحك خلاص
اياد هتنزلى الصبح 
حنين اممم
اياد طب ما انا عندى شغل كدة ومش هعرف اكون معاكى 
حنين خلاص مش مشكلة انا كنت بعرفك بس 
اياد يوووووة 
حنين فى أية 
اياد. طب اجلى المشوار لبعد بكرة وانا هحاول اتصرف فى شغلى واجى معاكى 
حنين مش هينفع انا قولت لماما بكرة هروح 
اياد. انا مش فاهم لية بتحبى تكتفينى 
حنين انااا يا اياد 
اياد. معلش انا متنرفز وانتى مالكيش ذنب معلش متزعليش
حنين طب متنرفز من أية منى 
اياد خلاص يا حنين معلش بقي 
حنين وحياة قلبى عندك لتقول 
اياد. لية كدة 
حنين عشان لو قولت هعرف انى غالية عندك
اياد ماشى هقولك بس تنسي بعدها 
حنين قول بقي 
اياد كلمتهم من شوية على موضوعنا وزى ما توقعت هجوم بطريقة صعبة 
حنين هجووم 
اياد اممم وكلام بقى انت هتكسفنا مع الناس وهنقطع صلة الرحم بسببك وانت وانت ورغى كتييير 
حنين مممم دة اللى كنت عاملة حسابة 
اياد متقلقيش انا هعرف اتعامل معاهم 
حنين وقالوا أية عليا 
اياد محدش يعرفك عشان يحكم عليكى 
حنين قول مش هزعل وانا مقدرة الموقف 
اياد هما متخيلين انها نزوة ممكن اى شاب يتعرضلها وبعد كدة ينسا 
حنين انا نزوة 
اياد حبيبى انا بتكلم معاكى بلاش تخلينى اندم 
حنين وطبعا زعلوا منك 
اياد خدوا جنب 
حنين بسببى طبعا ممم
اياد بلاش كدة 
حنين اما