رواية حدوته حنين بقلم حنين الماضي حصريه وجديده

البارت ٢٦ حدوتة حنين
....................................
سما قفلت مع اياد لكن وهى مدايقة منة جداا ومكنش فى ايديها تعمل حاجة غير انها تتكلم مع اختها وتعرف دماغها فيها أية 
سما حنين حنين 
حنين ممم
سما انتى كل دة لسة نايمة 
حنين لاة مش نايمة بس مريحة 
سما طب ما تيجى نقعد فوق شوية عشان زهقانة 
حنين مش كنتى بتذاكرى 
سما اة بس زهقت 
حنين بس انا مش عاوزة اطلع 
سما عشان خاطرى انا زهقانة وعايزة اتكلم مع حد
حنين طب ماشى اطلعى وانا جاية 
سما متتأخريش 
حنين هغسل وشى واجى 
سما الجو بقي برد صح 
حنين ماهو الشتا بدأ
سما مش بحب الشتا انا 
حنين ولا انا بحسة كئيب 
سما بالرغم أن أغلب الاغانى الرومانسية فى الشتا وتحت المطر ...
حنين فى اللحظة دى افتكرت اياد لما قالها أنة هيحب الشتا عشانها ونفسة يمشى معاها والجو بيمطر وتبقى بين ايدية وساعتها حنين كان نفسها الشتا يجى بسرعة عشان تعيش اللحظة دى ..
سما أية يا بنتى رحتى فين 
حنين ماااافيش معاكى 
سما عاملة أية فى الشغل 
حنين سيبك منى وقولى زهقانة من أية 
سما معرفش بقي دة من ضغط المذاكرة ولا حالة نفسية عشانك 
حنين لالا مالكيش دعوة بيا وخليكى فى مستقبلك ومصلحتك لان مافيش حاجه بتنفع غيرهم 
سما تفتكرى باسم دة ممكن يتقدم 
حنين سمااا معلش مش عاوزة اتكلم فى الموضوع دة 
سما اصل انتى بتشكرى فية
حنين انا لا شكرت ولا عيبت وبعدين انا قربت ازهق لان الحكاية بقيت باينة اوى
سما حكاية أية
حنين هو شكلة هيكلمنى فى الموضوع 
سما عرفتى منين 
حنين النهاردة قاللى عايز اتكلم معاكى بس انا هربت منة 
سما لية هربتى يا حنين ما كنتى قعدتى واتكلمتى احسن 
حنين عايزانى اقولة أية 
سما قولى اللى جواكى 
حنين يا سلام اقولة أية حضرتك 
سما قوليلة انك مش موافقة 
حنين لية موافقش 
سما عشان انتى بتحبى حد تانى 
حنين بس انا مبحبش حد 
سما يعنى اية وايااااد 
حنين تجربة بالنسبالى وفشلت واكيد مش هوقف حياتى علية 
سما يعنى هتوافقى على باسم لو اتقدم 
حنين لو طلع كويس لية لأة واهو افكر بعقلى شوية مدام جربت قلبى وفشل 
سما اوعى تعملى كدة يا حنين 
حنين ماهو انا لازم اتجوز اكيد مش هفضل كدة 
سما ماشى بس انتى مش مستعجلة عالجواز 
حنين مش يمكن لما اتجوز ويبقى عندى زوج وبيت واولاد انسى اللى انا فية
سما مش شرط بالعكس هيفضل اياد قدامك لأنك سبتية ڠصب عنك مش بمزاجك 
حنين انا بكرهة بكرهة 
سما دة دليل على انك لسة بتحبية 
حنين بالعكس أنا الموضوع بقى عكسى اكتر 
سما هزعل منك والله لو وافقتى على باسم وانتى مش بتحبية وبعدين باسم مالوش ذنب وانتى كدة هتظلمية وتظلمى نفسك
حنين انا اكيد لو اتجوزتة هبقي مخلصة لية 
سما انتى بتضحكى عليا ولا على نفسك مخلصة ازاى وانتى جواكى تجربة واجعاكى وكل يوم بتفتكرى لحظات كانت بينك وبين اياد
حنين كفاية يا سما وهو ربنا عايز كدة يبقى اعترض !!!
سما انتى بس عشان زعلانة بتقولى كدة 
حنين زعلانة !! يمكن !!
سما هشوف مين بيتصل على الموبايل عندى 
حنين هتلاقى اصحابك وانا هنزل اعمل حاجة اشربها 
سما ماشى 
سما الو 
داليا ايوة يا سما أية عملتى أية 
سما مش كويس خالص
داليا لية أية اللى حصل
سما قالت اللى حصل كلة 
داليا كدة يبقى حنين هتوافق على باسم 
سما انتى أية رأيك فى كلامة 
داليا انا معاة يا سما بس متزعليش منى بس اياد أثبت أنة مش انانى وبيحب حنين فعلا 
سما كدة مش انانى لما يكون عارف كل حاجة بتحصل لييية وهى متبقاش فاهمة ولا عارفة حاجة يبقى كدة بيحبها !! بصراحة أنا مش معاكى 
داليا خلاص تعالى نقولة أن حنين وافقت على باسم وانت بقى شوف نصيبك وساعتها هيبان موقفة 
سما انتى عايزانى اقولة كدة عشان احركة يعنى 
داليا اة 
سما بس انا مش هعمل كدة وهو لو متحركش من نفسة يبقى مالوش لأزمة ازود عڈابها من جديد 
داليا طب هنفضل ساكتين 
سما الموضوع بقي معاة خلاص وهو حر بقي انا حنين أهم عندى دلوقتى لان وشها بقى قافل ومبقتش بتضحك وفعلا اتمنى لو باسم قدر يخرجها من الحالة دى يبقى هو اللى يستاهلها 
داليا لاة يا سما بلاش تعاندى معاها 
سما انا مش هتصل بية تانى 
داليا طب هاتى رقمة 
سما معلش يا داليا مش هعمل كدة لان احنا بنات الشاذلى مش بنتحايل على حد وياما حنين اتقدملها ناس بس بابا كان بيرفض عشان الجامعة ...
داليا انا بس صعبان عليا الحب دة 
سما اذا كان هو هادى يالا هو نصيبها بقي 
داليا انا متفائلة بردوا 
سما يارب تكونى صح 
داليا ان شاء الله لو فى جديد بلغينى 
سما وانتى كمان خدى بالك من حنين وربنا يستر من كلام باسم معاها .. 
تانى يوم حنين راحت شغلها وهى متوقعة أن باسم هيتكلم معاها ومبقتش عارفة ترد بالموافقة على طول عشان متزعلش باباها ولا تستنى شوية عشان متظلمهوش ..
باسم صباح الخير يا حنين
حنين صباح الخير يا بشمهندس 
باسم عاملة أية النهاردة 
حنين الحمدلله معلش امبارح كنت مصدعة شوية 
باسم ولا يهمك الف سلامة 
حنين الله يسلمك 
داليا حنين فين 
بوسى جوة طبعا هو بعتلها 
داليا هى خدت الموبايل معاها 
بوسى معرفش بس لية
داليا طب خدى بالك كدة وانا هشوفة فى شنطتها 
بوسى ماشى بس هتعملى أية
داليا هاخد رقم اياد عشان سما رفضت تديهولى 
بوسى بلاش يا داليا عشان حنين لو عرفت ممكن تقطع علاقتها بينا 
داليا حتى لو قطعتها بس تبقى رجعت لاياد 
بوسى طب يالا بسرعة 
باسم بصى يا حنين انا هكلمك بصراحة ومش هخبى عليكى ..انتى إنسانة جميلة ورقيقة وفيكى صفات اى شاب يتمناها وانا من الشباب اللى اتمنى انك توافقى على ارتباطك بيا ...أية رأيك 
حنين بهدوء هو بابا عارف 
باسم عارف أية 
حنين عارف انك هتكلمنى مش كدة 
باسم واضح أن باباكى بيحبك اوى ومش عاوز انك ترتبطى بحد من غير ما تكونى شوفتية واتعاملتى معاة وبصراحة هو من يومين كلم ابويا وقالة حنين هتروح الشغل اسبوع كمان وبعدها هتقعد ودى فترة كفاية انها تكون شافت باسم عشان تحكم علية 
حنين بس انا معرفكش 
باسم ازاى الكلام دة 
حنين يعنى انا كدة هقعد كمان اسبوع وبابا اتفق معاكوا على كدة 
باسم اة وعشان كدة كنت مصمم اكلمك 
حنين انا معرفش عنك غير انك مديرى وبس ومعرفتش اشوفك غير كدة 
باسم فى حد فى حياتك 
حنين بخنقة لاة 
باسم ولا مريتى بتجربة 
حنين لية بتسأل 
باسم يعنى عاوز اعرفك اكتر ..
حنين بالكلمة دى افتكرت اول مرة لما اياد كلمها وبصلها جامد وقالها عاوز اعرفك اكتر 
وعينها دمعت ڠصب عنها ..
باسم فى حاجة!! انا زعلتك