رواية حدوته حنين بقلم حنين الماضي حصريه وجديده

لمتابعة حدوتة حنين
عشان نعرف باسم عمل أية مع حنين.
لو حصل تحفيل عليا مش هنزل بارت بالليل ومش هقول اى تفاصيل كدة تااااانى انتوا حرين بقي 
تحياتى حنين الماضى 





البارت ٣١ حدوتة حنين
.....................................
قفلت حنين مع اياد وسرحت كعادتها فى كل حرف وكل كلمة هو قالهالها ...
وطبعا بعد شوية كانت سما نزلت من الشقة فوق ومامتها كمان طلعت من عند طنط ماجدة جارتهم ...
سما اااااة عايزة اناااام ضهرى اتقطم من الكرسى 
حنين نامى
سما هو انتى مسهمة كدة لية 
حنين مسهمة أية بس يالا نامى 
سما هو حد كلمك 
حنين انا هنام يا سما عشان شكلك عايزة تفوقى عليا 
سما خلاص خلاص نامى وانا كمان هنام 
حنين يكون احسن خلينى اعرف اصحى واروح الشغل
فى الشغل 
.................
حنين صباح الخير يا بوسى
بوسى صباح الخير يا حنين اية دة ههه
حنين فى أية 
بوسى غيرتى الحجاب تانى 
حنين ممم مش كدة احلى 
داليا يا نونة انتى مش محتاجة تعملى حاجة عشان تبقى حلوة .
بوسى اة يا نونة حلو عليكى
حنين وبعدين ف الزعل اللى بينكو دة 
داليا خلاص والله انا نسيت
بوسى انا زعلت منها يا حنين جدا اصل انتى مشوفتهاش بتكلمنى ازاى 
حنين عارفة انا قولت أية لداليا وانا فى عز غضبى 
بوسى أية 
حنين قولتلها مدام بتدافعى عن اياد كدة خلاص منى ليكى مدام عينك منة 
بوسى 
داليا انتى بتعيدى الموقف تانى !!
حنين عايزة افهمها أن اللى بيحب حد فعلا بيسامحة لو هو فى لحظة ڠضب عشان اكيد بيطلع همة معاة بدل ما ېموت من الغيظ 
بوسى بس صعب الكلام دة
حنين عارفة وانا اتأسفتلها بس هى طلعت احسن منى عشان بالرغم انى جرحتها لكن سكتت وقالتلى انا مش هرد عليكى دلوقتى .
بوسى والله انا بحبها بس ضايقتنى وانا كمان كنت مضايقة من اياد عشان الحالة اللى انتى فيها 
حنين كل واحد فينا عبر بطريقتة بس ف الآخر مينفعش بعد كل دة نزعل من بعض 
بوسى عندك حق خلاص مش زعلانة دى اختى بس رخمة 
البنات هههههههه
باسم داليا تعالى 
داليا حاضر 
حنين 
بوسى فى أية دة طلب داليا لية 
حنين الله اعلم هنعرف دلوقتى 
بوسى غريبة مسلمش عليكى زى كل يوم 
حنين مممم هنشوف دلوقتى فى أية وربنا يستر 
داليا حنين كلمية عايزك 
بوسى فى أية يا داليا 
داليا معرفش بس قالب وشة وطلب منى حاجات مش ضرورية 
بوسى تفتكرى بيعمل كدة عشان يضايق حنين 
داليا معرفش 
حنين صباح الخير
باسم عايزك تاخدى الملف دة وتودية انتى لصاحبة وقوليلة متشكرين 
حنين انااااا 
باسم عندك مشكلة ولا أية 
حنين يعنى هخرج من الشركة 
باسم أية بلاش 
حنين اصل ممكن نكلمة ويبعت حد يجى ياخدة أو نبعتة مع حد من شباب العلاقات العامة 
باسم شوفى هتعملى أية وبلغينى 
حنين حاضر 
باسم أية دة
حنين فى أية
باسم شكلك متغير النهاردة لية كدة 
حنين متغير !!
باسم تقريبا الحجاب مش كدة
حنين اااة 
باسم طب لية كدة الاول كان احسن 
حنين الاول كان احسن ازاى !! دانا شعرى كلة كان باين والحجاب مكنش لية اى لازمة 
باسم كنتى قلعتية وخلاص بدل القفلة دى 
حنين معتقدش حجابى هيأثر على الشغل 
باسم انتى حرة انا بقولك رأيى عادى 
حنين ميرسى لحضرتك
باسم دانتى اللى زعلانة كمان
حنين مش فاهمة قصدك أية
باسم بقولك أية ما تتكلمى بصراحة كدة وقولى أية اللى فى دماغك عشان انا مبحبش الحوارات الكتير 
حنين هو انت بتكلمنى كدة لية !! وحوارات أية 
باسم ماااشى خلينى معاكى لآخر المطاف 
حنين لالا انا عايزة افهم فى أية 
باسم انتى مش جيتى هنا وانا عرضت عليكى طلب وانتى وافقتى 
حنين مم 
باسم كنتى موافقة ڠصب عنك مش كدة 
حنين انا قولتلك معرفكش ومش عارفة اشوفك غير مديرى وطلبت شوية وقت مش اكتر عشان اعرف اخد عليك ..
باسم انتى عارفة كام واحدة تتمنى اقولها كدة 
حنين اكيد كتير 
باسم طب ما انتى عارفة اهو يبقى لية متنتهزيش الفرصة 
حنين فرصة أية
باسم يعنى كل اللى حواليكى دة مش عجبك وهتسافرى معايا و... 
حنين انا عمرى ما حسبتها كدة 
باسم اومال بتحسبيها ازاى عشان افهم 
حنين بحسبها بطريقة مينفعش تتقال هى تتحس بس
باسم ههههه أية كلام الشعراء دة 
حنين عندك حق انا بحب اقرا شعر كتير وعشان كدة تخيلت حياتى من الشعر
باسم حنييين فوقى محدش بيعيش كدة دلوقتى ههههه انتى غريبة اوى
حنين عشان كدة عايزة حد غريب زيي 
باسم كدة عمرنا ما هنتقابل لازم نقرب المسافات شوية 
حنين عشان كدة انا مش مستعجلة
باسم ايوة بس انا مستعجل هو انتى مش واخدة بالك بقولك عندى ٢٨ سنة يعنى مش ناقصنى حاجة وانتى عجبانى وممكن نتجوز النهاردة لو حبيتى واهلك موافقين طبعا 
حنين لية طبعا يعنى 
باسم عشان باباكى قالى انت الشخص اللى احب بنتى ترتبط بية 
حنين بابا قالك كدة عشان بابا عملى اكتر لكن أنا غيرة 
باسم طب واخرتها 
حنين الوقت لسة قدامنا يا بشمهندس
....... 
باسم حاول يمسك ايد حنين لكن هى شدت ايديها وهو اضايق جدا لما هى عملت كدة 
حنين مينفعش كدة 
باسم طب اتعامل معاكى ازاى
حنين انا هروح اكمل شغلى 
باسم حنين انتى كدة بتعملى مسافة مش كويسة بينى وبينك
حنين مش دى الطريقة يا بشمهندس اللى هتقصر المسافة...
داليا بتترعشى كدة لية
حنين مش هينفع اقول دلوقتى عشان ممكن يطلع يشوفنى وانا بتكلم 
بوسى فى ايييية هو باسم خرج من مكتبة ورزع الباب كدة لية انتوا اټخانقتوا
حنين حاول يمسك ايدى
داليا 
حنين بس انا مقدرتش استوعب الموقف 
داليا طب هتعملى أية 
بوسى هو يعتبر خطيبك دلوقتى 
حنين لالا يا بوسى مش خطيبى انا حسيت انى قرفانة اول لما فكر يقرب منى 
داليا هو عايز يكسبك بس مش عارف 
حنين تخيلوا بيقولى اقلعى الحجاب ولما كنتى مبينة شعرك كنتى احلى 
داليا والله 
حنين شوفتوا الفرق بينة وبين اياد 
بوسى انا فاكرة اياد لما كان بيلمح شعرايا منك كان بيضايق وبيزعق 
حنين واللبس يا بوسى هو اياد كان بيعدى حاجة عليا غير لما يعلق 
داليا بس هو وحيد أبوة وأمة واكيد عيلتهم كدة وهو بيتكلم على حسب منطق عيلتة 
بوسى لالا يا داليا مهما كان منطق عيلتة ولو هو بيحب حنين فعلا كان هيغيير عليها عشان محدش يشوفها غيرة 
داليا كلامك صح وهو بيبقى طبع 
حنين اياد مافيش زية انا واثقة من كدة 
بوسى موبايلك عمال يرن صحيح 
حنين هتلاقى ماما 
داليا مين يا حنين 
حنين دة اياد ههههه
بوسى اياد وانتى بتضحكى 
داليا ما انتى معرفتيش اللى حصل يا هانم عشان كنتى مقموصة منى 
بوسى لالا اعرف خلينى افهم
حنين ههه خلية يرن مش هرد 
داليا بلاش يا حنين دة ممكن يجى ولا انتى عوزاة يكمل اللى حصل هههه
حنين بس يا داليا وانا غلطانة انى حكيتلك 
بوسى كمان داليا عارفة