بسمه موجوعه الفصل الاول

رواية بسمة موجوعة الفصل الاول
إنتي مش جوزك ماټ
ما تغوري في داهيه بقي وروحي اقعدي عند بيت أبوك . ولا مستنيه لما توقعي واحد من رجالة البيت وتتجوزيه
سلفتي قالتلي الكلمتين دول وطلعت لشقتها وأنا وقفت مكاني متجمده من الكلام إللي سمعته ودموعي نزلت على خدي مش قادره أوقفها
أنا عمري ما كنت ضعيفة ... أنا ليه مردتش عليها 
أنا إزاي اسيبها تكلمني كده
أنا بسمه جوزي ماټ بقاله 5شهور بس ومن ساعة ما ماټ 
وأنا حاسه إن شخصيتي بقت ضعيفة أوي
عندي 3سلايف كنا اكتر من الأخوات والله كنت بعاملهم أحسن من أخواتي .بس من ساعة جوزي ما ماټ وهما التلاته معاملتهم اختلفت معايا
كل واحدة فاكره إني هخطف جوزها منها
قلبي واجعني أوي على مۏت جوزي ومحدش حاسس بيا
وكمان معاملتهم اتغيرت معايا بقي محدش في البيت بيطقني . أنا بجد حزينه على نفسي أوي .
أنا نفسي اروح أقعد في بيت والدي بس والدي حالته المادية على قده خالص . أنا عندي أربع عيال 3بنات وولد
مين هيصرف عليهم لو قعدت عند بيت والدي
بس أنا نفسيتي تعبت جدا وقررت إني هروح أقعد عند بيت والدي أسبوع كده ونزلت علشان أبلغ حمايا بقراري ده
واتفاجأت من إللي سمعته
حمايا..... اعملوا حسابكم إنتو التلاته إن واحد منكم يتجوز ارمله أخوه . مينفعش تقعد كده في البيت والبيت فيه اربع رجاله
رد عليه محسن الكبير..... يابا. . إحنا كل واحد ممشي بيته بالعافيه .مين هيعرف يفتح بيت تاني بس
محمود الوسطاني..... فعلا محسن عنده حق يابا إحنا مش عارفين نصرف على عيالنا
محمد الصغير ..... أنا ممكن اتجوزها .بس طبعا لو ده حصل
مراتي مش هتعرف . هيبقي الموضوع من غير ما ولا ست في البيت تعرف
. اټصدمت صډمه عمري .. انا بيحصل فيا كده
أنا كل واحد بيرميني للتاني .
أنا وصل بيا الحال لكده .. واحد عايز يتكرم ويتعطف عليا ويتجوزني في السر
أنا حمايا بيجبرهم علشان حد فيهم يتجوزني
أنا كنت قولت لحد إني عايزه اتجوز اصلا
من الصدمه اغمي عليا ووقعت من على السلم محسيتش بنفسي غير وهما بيفوقوني
ولقيت سلفتي إللي طلعت شتمتني في شقتي بتقول
اهي أمور السهوكه بدأت أهي
هنمثل بقي وهنعمل نفسنا بيغمي علينا كمان
لقيت نفسي بقولها.... حسبي الله ونعم الوكيل فيك حسبي الله ونعم الوكيل فيكي
وجيت أقف على رجلي مقدرتش من الألم إللي فيها ووقعت علي الأرض
لقيتها بتقولي
أيوه كملي تمثيل كملي
بس المره دي حمايا إللي رد عليها
كل واحدة تحترم نفسها ومتغلطتش في التانيه
إيه يا ست علا محدش مالي عينك عماله تغلطي واحنا واقفين
وقف توك توك يا محسن خليني اروح اوديها عند الدكتور
وإنتي يا أميره يلي تعالي معاها
خدني حمايا للدكتور وطلعت رجلي مکسورة جبسهالي وروحت البيت
اتصلت علي أمي وابويا وعرفتهم وأمي أصرت إنها تاخدني عندها البيت علشان تعرف