بسمه موجوعه الفصل الاول

ترعاني وتخلي بالها من عيالي
وحمايا وافق على طول زي ما يكون هو كان عايز كده
روحت بيت والدي وعدي يوم والتاني والتالت لحد ما عدا أسبوع .
ولقيت حمايا جاي يعرض على أبويا الكلام إللي أنا سمعته
محمد سلفي يكتب عليا من غير علم زوجته فتره كده لحد ما يمهد ليها الموضوع علشان أبقي على ذمة راجل بدل قعدتي كده
والمصېبه إن بابا موافق والحل ده عجبه جدا
ولقيت أمي داخله تقولي..
الحمد لله يارب محمد سلفك عايز يتجوزك دا أنا كنت شايله همك وعماله أقول مين هيرضي يتجوزها بأربع عيال
بس الحمد لله جت من عند ربنا واهو عيالهم وهما أولي بتربيتهم
بسمه..... بإندهاش من كلام والدتها 
ماما إنتي بتقولي ايه . إنتي مستوعبه الكلام إللي بتقوليه . إنتي راضيالي بالوضع المهين ده . عايزه بنتك تتجوز في السر زي إللي سارقه سرقه وخاېفه صاحبها يعرف
شايفاني خطافه رجاله علشان اخد واحد من مراته
والدتها.... ولا خطافه رجاله ولا حاجه . أي واحدة جوزها بېموت سلفتها بيتجوزها .هما أولي يربو لحمهم
وبعدين إنتي عندك 28سنه واللي من سنك لسه متجوزش هتقعدي كده من غير راجل وټدفني شبابك
وكمان في رقبتك أربع عيال وملكيش حما علشان تسيبلها العيال وتتجوزي حماتك ماټت . ومحدش هيرضي يتجوزك بأربع عيال
بسمه بإنهيار..... إنتو ليه محدش محترم حزني على جوزي ليه مش مقدرين مشاعري . الدنيا كلها اتقفلت في وشي مره واحده ليه كده
في منزل حما بسمه 
اجتمع النساء الثلاثه. 
علا...... انا جمعتكم علشان نعرف هنعمل ايه مع العقربه اللي عايزه تخفط حد من رجالتنا دي
آمال زوجة محسن.. إنتي خاېفه من إيه يا علا على الأقل
محمد جوزك بېخاف منك وبيعملك ألف حساب الدور والباقي على رجالتنا
علا.... لأ برضه البت دي بتغير مني وممكن تعمل أي حاجة علشان ټخطف جوزي مني
آمال..... الخۏف كله من محسن جوزي هو أطيب واحد فيهم وممكن أبوه يأثر عليه ويخليه يوافق
علا..... يبقي البت دي لازم نقطع رجلها من البيت
ونحاول نخرجها منه بأي طريقة حتي لو هنعمل ايه
مالك يا اميره مبتفكريش معانا ليه
اميره. .. أنا شايفه إننا نسيبها في حالها كفايه عليها مۏت جوزها وبلاش نأذيها
علا.. إنتي مش خاېفه لټخطف جوزك منك
اميره..... لأ مش خاېفه علشان واثقه في جوزي وواثقة من حبه ليا
علا......مع إنك إنتي المفروض اكتر واحده تخافي
علشان إنتي مبتخلفيش وممكن جوزك يتجوزها أهي جوازه
ببلاش وكمان يجيب العيل إللي نفسه فيه
بدل ما هو صارف فلوسه أول بأول علي الدكاترة كده ومفيش نتيجة في الآخر
في منزل والد بسمه
والد بسمه....... إيه رأيك يا بسمه يا بنتي في الجوازه دي
أنا شايف إن ربنا حلها من عنده علشان أنا كنت شايل همك
بسمه.. أنا مش موافقه يا بابا
والد بسمه....ليه إن شاء الله مش موافقه إنتي