وقعت في عشق القاسې الفصل(13) بقلم (منة أشرف)

(ووقعت في عشق القاسې)
الفصل(13)
بقلمي(منة أشرف)
نظرت له بضعف وقالت بخفوت
يارا:حاضر
إستدار ليغادر بعد أن قال لها
مالك:وبعد ما تخلصي تجهزي نفسك كويس جدا هتقابلي ناس أنضف من اللي طول حياتك تتوقعيه مش عايزك تعريني أدمهم بكرة كل شئ يكون جاهز
ثم خرج ويتركها تبكي كما إعتادت تبكي لإهانته لها والدعس علي كرامتها بقدمه وجرحها وما يحطمها عندما تراه حنونا فتعتقد أنه سيظل هكذا لكن في كل مرة يخذلها ويكسرها

إتجهت إلي الخزانة المتهالكة التي توجد في ركن من الغرفة وأخذت منها ملابس وهي أيضا متهالكة للخدم وإرتدتها ثم خرجت فلم تجده فبدأت تنظف الفيلا من أعلاها لأسفلها وتنظف الحديقة وكل شيء تنظفه كأنه جديدا ولم تتعب للحظة فهي الآن عبارة عن جسد يحركه مالك كما أراد مثلها تماما كمثل سيارة لعبة يحركها طفل بواسطة ريموت كنترول ويشحنها عندما تفقد طاقتها وهذا الفرق أن مالك لا يعرف بأن لكل مخلوق طاقة
في منزل خالد

عاد خالد إلي منزله ومعه إسعاد وكان يبدو عليه الحزن والضيق
خالد:أنا هروح أنام عايزة حاجة أبقي صحيني
إسعاد:هتنام دلوقتي دي الساعة لسة عشرة
خالد بتعب:مخڼوق يمكن لو نمت أرتاح
إسعاد:طب ما تيجي نتكلم شوية يا سيدي إعتبرني صاحبك مش هقولك أمك عشان متزعلش
خالد بإبتسامة:نتكلم في إيه
إسعاد:يعني أي حاجة مثلا مثلا عن شوق ده مثلا
ضحك خالد وقال
خالد:إنتي ناوية متنيمنيش بقي
إسعاد:يعني ممكن ها هتحكي
خالد:ماشي...شوق دي كانت صاحبتي من زمان من أيام ثانوي كنا بنذاكر مع بعض وكل دروسنا مع بعض وماما الله يرحمها وطنط حنان مامتها بقوا أصحاب بسببنا ودخلنا كلية واحدة وبرضو كنا أصحاب محدش يقدر يفرقنا وعدت عليا فترة بقيت بحبها يوم عن التاني بتكبر في عنيا وأنا من النوع اللي لما بحس بحاجة جوايا مبأجلهاش صريح يعني روحتلها وقولتلها بصي بقي أنا بحبك لقيتها عيطت فبسألها مالك قالتلي إن أخوها شادي ده عايز يجوزها لواحد صاحبه فقولتلها متشغلش بالها وروحت لباباها الله يرحمه وحكتله علي الموضوع فحبني جدا ولغي فكرة خطوبتها دي و قالي أنه موافق يخطوبهالي