وقعت في عشق القاسې الفصل(17) بقلمي(منة أشرف)

يارا:يعني ده آخر كلام
مالك:اه
إستدارت وأوشكت علي المغادرة
مالك:أنا لو عاوزك ترجعيلي أقدر أرجعك وخصوصا إن طلاقنا شفوي ومحدش يعرفه غيرنا بس أنا سايبك بمزاجك
تذكرت يارا أنه بالفعل لم يطلقها بالقانون فهذا يعني أنها أمام القانون مازالت زوجته
يارا:يبقي تبعتلي ورقة طلاقي قبل ما أرفع عليك قضية خلع
ثم غادرت
مالك باندهاش:خلع!!!! ما شاء الله
إبتسم مالك بعذوبية وأخذ هاتفه ليتصل لخالد
في منزل خالد
في غرفة نوم خالد وشوق
شوق بنعاس:موبايلك بيرن يا حبيبي
خالد وهو مغمض العينين:مترديش خلينا نايمين
شوق:ده مالك شوف ممكن يكون حصل حاجة
خالد:مليش دعوة
شوق:لا يلا رد بدل ما أرد أنا
خالد بضيق:اوووووف هاتي
مالك هاتفيا:كل ده عشان ترد علي العموم متزعلش مني أخالد تعالي بقي عازمك علي العشا وعايزك في موضوع
خالد وهو ينظر لشاشة هاتفه:هو إنت مالك ولا أنا بيتهيألي
مالك:لا فوق كده وحياة أبوك بقولك عايزك في موضوع
خالد بسعادة:اللهم صلي علي النبي هو إنت رجعت بالزمن ولا إيه 
مالك بإبتسامة:هتقضيها أسئلة ومش هتيجي يعني
خالد:مين ده اللي مش هييجي حمامة أنا عندك أهو أفتحلي الباب
مالك بضحك:هههههههه يلا سلام 
نهض خالد من فراشه بعدما أغلق الهاتف 
شوق:رايح فين دلوقتي بس
خالد:رايح لمالك
شوق:خدني معاك
خالد:هو أنا طالع رحلة إنتي كمان 
شوق:ما أنا زهقانة
خالد:نامي إنتي مش كنتي نايمة
شوق:وخلاص صحيت وعايزة أعرف رايح فين من غيري
خالد بعصبية:بقولك رايح لمالك مش رايح أقابل ستات 
شوق:ما إنت علي طول مع بنات غيري
خالد بحدة:شووووق
شوق:تصبح علي خير
ثم عادت إلي فراشها
خالد بضيق:مش هتأخر 
شوق بصوت مبحوح:براحتك
إرتدي خالد ملابسه وخرج متوجها إلى فيلا مالك